ລັດຖະບານ ສປປ ລາວ ຈັດງານລ້ຽງຕ້ອນຮັບ ຄະນະຜູ້ແທນກອງປະຊຸມໄອປາ

ຂປລ. ໃນຕອນຄ່ຳຂອງວັນທີ 16 ເດືອນກັນຍາ ປີ 2014 ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ, ທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດຈັດງານລ້ຽງອາຫານຄ່ຳຕ້ອນຮັບ ຄະນະຜູ້ແທນກອງປະຊຸມໃຫຍ່ ສະມັດຊາລັດຖະສະພາລະຫວ່າງຊາດອາຊຽນ ເຊິ່ງມີທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ປະທານກອງປະຊຸມໄອປາຄັ້ງທີ 35, ບັນດາຫົວໜ້າຄະນະຜູ້ແທນສະມາຊິກໄອປາ ແລະ ຫົວໜ້າຄະນະຜູ້ແທນປະເທດສັງເກດການ, ເລຂາທິການໃຫຍ່ໄອປາ, ຮອງເລຂາທິການໃຫຍ່ອາຊຽນ, ປະທານສະຫະພັນລັດຖະສະພາອາຟຣິກກາ, ບັນດາທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນເຂົ້າຮ່ວມ.

ອ່ານເພີ່ມເຕີມ...

ງານ​ລ້ຽງ​ຕ້ອນຮັບ​ຄະນະ​ຜູ້​ແທນ​ກອງ​ປະຊຸມໄວປາ

ຂປລ. ໃນໂອກາດກອງປະຊຸມສະມັດຊາລັດຖະສະພາເພດຍິງ ລະຫວ່າງຊາດ ອາຊຽນຂອງ ໄອປາຄັ້ງທີ 35 ຫລື ໄວປາ ທີ່ຈັດຂຶ້ນລະຫວ່າງວັນທີ 14-20 ເດືອນກັນຍາ ປີ 2014 ນີ້, ໃນຕອນຄາໍ່ ຂອງວັນທີ 15 ເດືອນກັນຍາ ປີ 2014 ນີ້ ທີ່ໂຮງແຮມ ແມ່ຂອງແລນມາກ ນະຄອນຫລວງວຽງຈັນ ໄດ້ຈັດງານລ້ຽງຕ້ອນຮັບຄະນະຜູ້ແທນທີ່ເດີນທາງມາເຂົ້າຮ່ວມກອງປະຊຸມໄອປາ ເຊິ່ງຈັດໂດຍ ທ່ານ ດຣ. ໄຊສົມພອນ ພົມວິຫານ ຮອງປະທານສະພາແຫ່ງຊາດ, ມີບັນດາສະມາຊິກລັດຖະສະພາ ອາຊຽນ, ພ້ອມດ້ວຍແຂກທີ່ຖືກເຊີນ ແລະ ພະນັກງານ ກ່ຽວຂ້ອງເຂົ້າຮ່ວມ.
ໃນໂອກາດນີ້ ທ່ານ ດຣ.ໄຊສົມພອນ ພົມວິຫານ ກ່າວວ່າ: ໃນຖານະເປັນປະເທດເຈົ້າພາບຈັດກອງປະຊຸມ ໄດ້ສະແດງຄວາມຊົມເຊີຍ ແລະ ຍິນດີຕ້ອນຮັບບັນດາຜູ້ແທນກອງປະຊຸມ ທີ່ມາຈາກບັນດາປະເທດສະມາຊິກອາຊຽນ ເພື່ອມາເຂົ້າຮ່ວມກອງປະຊຸມຄັ້ງນີ້. ເຊິ່ງກອງປະຊຸມດັ່ງກ່າວ ໄດ້ສະແດງເຖິງ ຄວາມສາມັກຄີ, ໄມຕີຈິດ, ມິດຕະພາບ ເພື່ອສັນຕິພາບ ແລະ ການຮ່ວມມືຂອງບັນດາປະເທດສະມາຊິກອາຊຽນ ເຊິ່ງຈະມີຄວາມຮັບຜິດຊອບຮ່ວມກັນ ໃນການພັດທະນາ ອາຊຽນໃຫ້ມີຄວາມສະໜິດສະໜົມໃນຖານະສະມາຊິກຄອບຄົວອາຊຽນດຽວກັນ.

ປັບປຸງ​ການ​ຮ່ວມ​ມື​ລັດຖະສະພາ​ໃຫ້​ເຂັ້ມ​ແຂງເພື່ອ​ສ້າງ​ປະຊາ​ຄົມ​ອາ​ຊຽນ

ຂປລ. ກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນ ຫລື ໄອປາ ຄັ້ງທີ 35 ພາຍໃຕ້ຄາໍຂວັນ “ປັບປຸງການຮ່ວມມືລັດຖະສະພາ ໃຫ້ເຂັ້ມແຂງ ເພື່ອສ້າງປະຊາຄົມອາຊຽນ” ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 16 ເດືອນກັນຍາ ປີ 2014 ທີ່ນະຄອນຫລວງວຽງຈັນ ໂດຍການເປັນປະທານຂອງ ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ, ມີ ທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ, ບັນດາປະທານລັດຖະສະພາ, ຫົວໜ້າຄະນະຜູ້ແທນປະເທດສະມາຊິກ ໄອປາ, ຄະນະຜູ້ແທນປະເທດສັງເກດການ ແລະ ພາກສ່ວນກ່ຽວຂ້ອງເຂົ້າຮ່ວມ.

ອ່ານເພີ່ມເຕີມ...

ແຈ້ງ​ເຕືອນ​ໄພ​ ພະຍຸ ແຄວ​ແມ​ກີ

ຂປລ. ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ແຈ້ງສະພາບອາກາດໃນວັນທີ 15 ເດືອນກັນຍາ ວ່າ: ບໍລິເວນກົດດັນອາກາດຕ່ຳຍັງປົກຄຸມທົ່ວທຸກພາກຂອງລາວ ດ້ວຍກຳລັງປານກາງ, ສົມທົບກັບກະແສລົມຕາເວັນຕົກສ່ຽງໃຕ້ ພັດປົກຄຸມເປັນສ່ວນໃຫ່ຍ, ເຊິ່ງລັກສະນະເຊັ່ນນີ້ ຈະເຮັດໃຫ້ມີຝົນຟ້າຄະນອງໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງພ້ອມມີລົມພັດແຮງເປັນບາງໂອກາດຢູ່ບາງ ທ້ອງຖິ່ນໃນແຕ່ລະພາກ. ສະພາບ ອາກາດໃນວັນທີ 16-18 ເດືອນກັນຍາ ມີຄື: ພະຍຸ ແຄວແມກີ KALMAEGI ຫົວທີ 15, ປັດຈຸບັນມີຈຸດທີ່ຕັ້ງຢູ່ເສັ້ນຂະໜານທີ່ 18.2 ອົງສາ ແລະ ເສັ້ນແວງ 118.2 ອົງສາຕາເວັນອອກ, ເຄື່ອນທີ່ໄປທາງຕາເວັນຕົກດ້ວຍຄວາມໄວ 30 km/h ແລະ ຄາດວ່າໃນຕອນເຊົ້າຂອງວັນທີ16/9/2014

ອ່ານເພີ່ມເຕີມ...

ປະທານປະເທດ​ຕ້ອນຮັບ​ປະທານ​ສະພາ​ແຫ່ງ​ຊາດ​ກຳປູ​ເຈຍ

ຂປລ. ທ່ານ ຈູມມາລີ ໄຊຍະສອນ ປະທານປະເທດແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ສົມເດັດ ອັກຄະມະຫາ ໂປເຢຍ ຈັກກຣີ ເຮັງຊຳລິນ ປະທານສະພາແຫ່ງຊາດແຫ່ງ ຣາຊະອານາຈັກ ກຳປູເຈຍ ແລະ ຄະນະໃນວັນທີ 15 ເດືອນ ກັນຍາປີ 2014 ທີ່ທຳນຽບປະທານປະເທດ ໃນໂອກາດທີ່ສົມເດັດໄດ້ເດີນທາງມາຢ້ຽມຢາມສັນຖະວະໄມຕີສປປ ລາວ ຢ່າງເປັນທາງການຕາມຄຳເຊີນ ຂອງ ທ່ານ ນາງ ປານີ ຢ່າທໍ່ຕູ້ ປະທານສະພາແຫ່ງຊາດ ແລະ ເຂົ້າຮ່ວມກອງປະຊຸມສະມັດຊາລັດຖະສະພາ ລະຫວ່າງ ຊາດອາຊຽນ ທີ່ ສປປ ລາວ ໄດ້ຮັບກຽດເປັນ ເຈົ້າພາບແຕ່ວັນທີ 14-20 ເດືອນກັນຍາ ປີ 2014.

ອ່ານເພີ່ມເຕີມ...

ປະທານລັດຖະສະພາສິງກະໂປ ຢ້ຽມຢາມ ສັນຖະວະໄມຕີ ສປປ ລາວ ຢ່າງເປັນທາງການ

ຂປລ. ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບ ແລະ ພົບປະກັບ ທ່ານນາງ ຮາລີມາ ຢາຄ໋ອບ ປະທານລັດຖະສະພາແຫ່ງສິງກະໂປ ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມສັນຖະວະໄມຕີ ຢ່າງເປັນທາງການຢູ່ ສປປ ລາວ ເຊິ່ງ ພິທີຕ້ອນຮັບຢ່າງເປັນທາງການ ໄດ້ຈັດຂຶ້ນໃນວັນທີ 15 ເດືອນກັນຍາ ປີ 2014 ທີ່ສະພາແຫ່ງຊາດລາວ.
ທ່ານນາງ ປານີ ຢາທໍ່ຕູ້ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍ ຕໍ່ທ່ານນາງ ຮາລີມາ ຢາຄ໋ອບ ທີ່ໄດ້ນຳພາຄະນະ ເດີນທາງມາຢ້ຽມຢາມ ສັນຖະວະໄມຕີຢ່າງເປັນທາງການຢູ່ ສປປ ລາວ ເຊິ່ງເປັນການຢ້ຽມຢາມທີ່ມີຄວາມໝາຍສຳຄັນ ໃນການປະກອບສ່ວນເພີ່ມພູນຄູນສ້າງ ແລະ ຮັດແໜ້ນ ສາຍພົວພັນ ລະຫວ່າງ ລາວ-ສິງກະໂປ, ສິງກະໂປ-ລາວ, ເວົ້າລວມ, ເວົ້າສະເພາະ ລະຫວ່າງ ສອງອົງການນິຕິບັນບັດຂອງສອງປະເທດ ໃຫ້ນັບມື້ກ້າວເຂົ້າສູ່ລວງເລິກ ແລະ ແຕກດອກອອກຜົນຍິ່ງໆຂຶ້ນ. ເພື່ອເພີ່ມທະວີຮັດແໜ້ນການຮ່ວມມື ລະຫວ່າງສອງປະເທດນັ້ນ, ທ່ານປະທານສະພາແຫ່ງຊາດລາວ

ອ່ານເພີ່ມເຕີມ...

ໄວ​ປາ ຫາລື​ 3 ບັນຫາ​ກຽມສະເໜີຕໍ່ກອງປະຊຸມໄອປາ ຄັ້ງທີ 35

ຂປລ. ກອງປະຊຸມສະມາຊິກລັດຖະສະພາເພດຍິງລະຫວ່າງຊາດອາຊຽນ (ໄວປາ) ໄດ້ປຶກສາຫາລື 3 ບັນຫາ ເພື່ອປະກອບເປັນເອກະສານພື້ນຖານ ໃຫ້ແກ່ກອງປະຊຸມສະມັດຊາລັດຖະສະພາລະຫວ່າງຊາດອາຊຽນ ຄັ້ງທີ 35. ກອງປະຊຸມດັ່ງກ່າວໄດ້ຈັດຂຶ້ນໃນວັນທີ 15 ເດືອນກັນຍາ ປີ 2014 ນີ້ທີ່ໂຮງແຮມດອນຈັນພາເລດ ນະຄອນຫລວງວຽງຈັນ ເປັນກຽດກ່າວເປີດໂດຍ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ສປປ ລາວ, ປະທານກອງປະຊຸມສະມັດຊາລັດຖະສະພາແຫ່ງຊາດອາຊຽນ ຫລື ໄອປາ ຄັ້ງທີ 35 ແລະ ໄດ້ແຕ່ງຕັ້ງ ທ່ານ ສຈ.ດຣ ນາງ ບຸນຍົງ ບຸບຜາ ຮອງປະທານກາໍມະທິການການຕ່າງປະເທດ, ປະທານຄະນະສະມາຊິກສະພາແຫ່ງຊາດເພດຍິງຂອງ ລາວ, ເປັນປະທານກອງປະຊຸມໄວປາ, ມີບັນດາສະມາຊິກ ລັດຖະສະພາເພດຍິງລະຫວ່າງຊາດອາຊຽນ, ຜູ້ຕາງໜ້າເວທີແມ່ຍິງ ອາຊີ-ປາຊີຟິກ ເພື່ອກົດໝາຍ ແລະ ການພັດທະນາເຂົ້າຮ່ວມ.

ອ່ານເພີ່ມເຕີມ...

ກອງປະຊຸມ ລັດຖະມົນຕີສຶກສາອາຊຽນ ຄັ້ງທີ 8 ທີ່ ສປປ ລາວ ເປັນເຈົ້າພາບໄດ້ສຳເລັດຢ່າງຈົບງາມ

ຂປລ. ກອງປະຊຸມລັດຖະມົນຕີສຶກສາອາຊຽນຄັ້ງທີ 8, ກອງປະຊຸມລັດຖະມົນຕີອາຊຽນບວກ 3 ຄັ້ງທີ 2 ແລະ ກອງປະຊຸມລັດຖະມົນຕີສຶກສາໃນ ຂອບສຸດຍອດອາຊີຕາເວັນ ອອກ (EAS) ຄັ້ງທີ 2 ແລະ ກອງປະຊຸມປິ່ນອ້ອມທີ່ໄດ້ຈັດຂຶ້ນແຕ່ວັນທີ 9-12 ເດືອນກັນຍາ ປີ 2014 ຢູ່ໂຮງແຮມ ດອນຈັນພາເລດ, ນະຄອນຫລວງວຽງຈັນ ສປປ ລາວ ໄດ້ສຳເລັດລົງຢ່າງຈົບງາມ ເປັນທີ່ໜ້າພໍໃຈ, ພາຍໃຕ້ການເປັນປະທານຂອງທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງສຶກສາທິການ ແລະ ກິລາ,

ອ່ານເພີ່ມເຕີມ...