ປະທານ​ສະພາ​ແຫ່ງ​ຊາດ​ລາວ ຕ້ອນຮັບ​ຮອງ​ປະທານ​ສະພາ​ແຫ່ງ​ຊາດ​ ຫວຽດນາມ

ຂປລ. ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານນາງ ຕອງ ທິ ຟອງ ຮອງປະທານສະພາແຫ່ງຊາດ ແຫ່ງ ສສ ຫວຽດນາມ ແລະ ຄະນະ ໃນຕອນແລງວັນທີ 18 ເດືອນກັນຍາ ປີ 2014 ທີ່ໂຮງແຮມລາວພລາຊາ, ນະຄອນຫລວງວຽງຈັນ ໃນໂອກາດທີ່ເດີນທາງມາເຂົ້າຮ່ວມກອງປະຊຸມໃຫຍ່ ສະມັດຊາລັດຖະສະພາລະຫວ່າງຊາດອາຊຽນ ຫລື ໄອປາ ຄັ້ງທີ 35 ທີ່ ສປປ ລາວ ຮັບກຽດເປັນເຈົ້າພາບແຕ່ວັນທີ 14-20 ເດືອນກັນຍາ ປີ 2014.

ອ່ານເພີ່ມເຕີມ...

ຄະນະຜູ້ແທນຂັ້ນສູງພັກກອມມູນິດ ກູບາ ຢ້ຽມຢາມ ສປປ ລາວ

ຂປລ. ໂດຍປະຕິບັດຕາມແຜນຮ່ວມມືລະຫວ່າງ ພັກປະຊາຊົນ ປະຕິວັດລາວ ແລະ ພັກກອມມູນິດ ກູບາ, ຄະນະຜູ້ແທນຂັ້ນສູງ ພັກກອມມູນິດກູບາ ນຳໂດຍ ສະຫາຍ ນາງ ລາຊາຣາ ເມເຊເດັສ ອາເຊອາ (Lazara Mercedez Acea) ກຳມະການກົມການເມືອງສູນກາງພັກກອມມູນິດກູບາ, ເລຂາ ພັກທີໜຶ່ງຄະນະພັກນະຄອນຫລວງລາຮາວານ, ທັງເປັນຮອງປະທານສະພາແຫ່ງລັດ ແລະ ສະພາລັດຖະມົນຕີ ໄດ້ເຄື່ອນໄຫວຢ້ຽມຢາມ ສປປ ລາວ ຢ່າງເປັນທາງການ ແຕ່ວັນທີ 17-19 ເດືອນກັນຍາ ປີ 2014.

ອ່ານເພີ່ມເຕີມ...

ປະທານປະເທດຕ້ອນຮັບ ປະທານລັດຖະສະພາ ສິງກະໂປ

ຂປລ. ໃນຕອນເຊົ້າວັນທີ 18 ເດືອນກັນຍາ ປີ 2014 ທີ່ທຳນຽບປະທານປະເທດ ທ່ານ ຈູມມາລີ ໄຊຍະສອນ ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ທ່ານນາງ ຮາລີມາ ຢາຄ໋ອບ ປະທານລັດຖະສະພາແຫ່ງ ສິງກະໂປ ໃນໂອກາດເດີນທາງມາຢ້ຽມຢາມສັນຖະວະໄມຕີ ຢູ່ ສປປ ລາວ ຢ່າງເປັນທາງການ ແລະ ເຂົ້າຮ່ວມກອງປະຊຸມໃຫຍ່ສະມັດຊາລັດຖະສະພາລະຫວ່າງ ຊາດອາຊຽນ ຫລື ໄອປາ ຄັ້ງທີ 35 ທີ່ ສປປ ລາວ ຮັບກຽດເປັນເຈົ້າພາບ ແຕ່ວັນທີ 14-20 ເດືອນກັນຍາ ປີ 2014 ທີ່ນະຄອນຫລວງ ວຽງຈັນ.

ອ່ານເພີ່ມເຕີມ...

ບັນດາ​ກຳມາທິການ​ໄອປາ ປຶກສາ​ຫາລື​ຫລາຍບັນຫາການເຊື່ອມຈອດຂອງປະຊາຄົມອາຊຽນ

ຂປລ. ໃນວາລະກອງປະຊຸມໃຫ່ຍ ສະມັດຊາລັດຖະສະພາລະຫວ່າງຊາດອາຊຽນ ຫລືໄອປາ ຄັ້ງທີ 35 ທີ່ ສປປ ລາວ ໄດ້ຮັບກຽດເປັນເຈົ້າພາບ, ໃນວັນທີ 17 ເດືອນກັນຍາ ປີ 2014 ບັນດາ ຄະນະກຳມາທິການໃນແຕ່ລະຂົງເຂດເປັນຕົ້ນ: ຂົງເຂດການເມືອງ-ຄວາມໝັ້ນຄົງ, ເສດຖະກິດ, ສັງຄົມ ແລະ ຕ່າງກໍໄດ້ດຳເນີນກອງປະຊຸມຂອງຕົນ ຂະນະດຽວກັນກໍໄດ້ມີກອງປະຊຸມ ການຈັດຕັ້ງພາຍໃນ ແລະ ກອງປະຊຸມປຶກສາຫາລືກັບຜູ້ສັງເກດການຕາມລຳດັບ.
ສຳລັບພາກເຊົ້າ, ກອງປະຊຸມ ຄະນະກຳມາທິການ ໃນຂົງເຂດການເມືອງ-ຄວາມໝັ້ນຄົງໂດຍການເປັນປະທານຂອງທ່ານ ດຣ. ກຸແກ້ວ ອັກຄະມົນຕີ ປະທານກຳມາທິການຕ່າງປະເທດ ສະພາແຫ່ງຊາດ ໄດ້ມີການປຶກສາຫາລືການຮ່ວມມືລັດຖະສະພາເພື່ອສ້າງປະຊາຄົມການເມືອງ ແລະ ຄວາມໝັ້ນຄົງອາຊຽນ, ບົດລາຍງານຂອງກອງປະຊຸມຄະນະປະສານງານໄອປາ (AIPA Caucus) ຄັ້ງທີ 6 ແລະ ການຮ່ວມມືລັດຖະສະພາເພື່ອສ້າງປະຊາຄົມດ້ານການເມືອງ ແລະ ຄວາມໝັ້ນຄົງອາຊຽນ;

ອ່ານເພີ່ມເຕີມ...

ລັດວິສາຫະກິດ ຫວຍພັດທະນາ ມອບເງິນອຸປະຖຳ​ກອງປະຊຸມ​ໄອປາ ຄັ້ງທີ 35

ຂປລ. ການມອບຮັບເງິນຈຳນວນ 100 ລ້ານກີບ ເພື່ອອຸປະຖຳໍໃຫ້ແກ່ກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນ ຫລື ໄອປາ ຄັ້ງທີ 35 ໄດ້ຈັດຂຶ້ນໃນວັນທີ 17 ເດືອນ ກັນຍາ ປີ 2014 ນີ້ທີ່ໂຮງແຮມດອນຈັນພາເລດ ມອບໂດຍທ່ານ ຄຳໍເພັງ ທິນນະກອນ ຜູ້ອຳໍນວຍການ ບໍລິສັດ ລັດວິສາຫະກິດຫວຍພັດທະນາ ແລະ ຮັບໂດຍທ່ານ ຄຳໍແພງ ວິລະພັນ ຮອງຫົວໜ້າຫ້ອງວ່າການສະພາແຫ່ງຊາດ, ມີທ່ານ ອຸ່ນແກ້ວ ວຸທິລາດ ຫົວໜ້າຫ້ອງວ່າການສະພາແຫ່ງຊາດ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ. ທ່ານ ຄຳແພງ ວິລະພັນ ໄດ້ສະແດງຄວາມຂອບອົກຂອບໃຈຕໍ່ບໍລິສັດດັ່ງກ່າວທີ່ໄດ້ໃຫ້ການອຸປະຖຳໃນຄັ້ງນີ້ເຊິ່ງເປັນການປະກອບສ່ວນສຳຄັນໃນການດຳເນີນກອງປະຊຸມດັ່ງກ່າວ ເງິນຈຳນວນນີ້ ຈະໄດ້ນຳເຂົ້າຮັບໃຊ້ກອງປະຊຸມ ໄອປາຄັ້ງທີ 35 ເຊິ່ງຈັດຂຶ້ນແຕ່ວັນທີ 14-20 ເດືອນກັນຍາ ທີ່ ນະຄອນຫລວງວຽງຈັນ ສປປ ລາວ.

ປະທານປະເທດແຫ່ງ ສປປ ລາວ ຕ້ອນຮັບຄະນະຜູ້ແທນກອງປະຊຸມ ໄອປາ

ຂປລ. ໃນວັນທີ 17 ເດືອນກັນຍາ ປີ 2014 ທີ່ທຳນຽບປະທານປະເທດ,  ທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ບັນດາຫົວໜ້າຄະນະຜູ້ແທນກອງປະຊຸມໃຫຍ່ສະມັດຊາລັດຖະສະພາ ລະຫວ່າງຊາດອາຊຽນ ຄັ້ງທີ 35 ທີ່ ສປປ ລາວ ຮັບກຽດເປັນເຈົ້າພາບ ຈັດຂຶ້ນແຕ່ວັນທີ 14-20 ເດືອນກັນຍາ ປີ 2014 ທີ່ນະຄອນຫລວງວຽງຈັນ.
ທ່ານປະທານປະເທດ ໄດ້ສະແດງຄວາມຍິນດີຕ້ອນຮັບ ບັນດາທ່ານປະທານລັດຖະສະພາ, ຫົວໜ້າຄະນະຜູ້ ແທນທີ່ເດີນທາງມາເຂົ້າຮ່ວມກອງປະຊຸມ ໃຫຍ່ສະມັດຊາລັດຖະສະພາລະຫວ່າງຊາດອາຊຽນ ຄັ້ງທີ 35 ນີ້, ນອກຈາກ ທີ່ໄດ້ໃຫ້ຄວາມສຳຄັນ ຕໍ່ການປຶກສາຫາລືດ້ານການພົວພັນວຽກງານ ຂອງໄອປາ

ອ່ານເພີ່ມເຕີມ...

ລັດຖະບານ ສປປ ລາວ ຈັດງານລ້ຽງຕ້ອນຮັບ ຄະນະຜູ້ແທນກອງປະຊຸມໄອປາ

ຂປລ. ໃນຕອນຄ່ຳຂອງວັນທີ 16 ເດືອນກັນຍາ ປີ 2014 ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ, ທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດຈັດງານລ້ຽງອາຫານຄ່ຳຕ້ອນຮັບ ຄະນະຜູ້ແທນກອງປະຊຸມໃຫຍ່ ສະມັດຊາລັດຖະສະພາລະຫວ່າງຊາດອາຊຽນ ເຊິ່ງມີທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ປະທານກອງປະຊຸມໄອປາຄັ້ງທີ 35, ບັນດາຫົວໜ້າຄະນະຜູ້ແທນສະມາຊິກໄອປາ ແລະ ຫົວໜ້າຄະນະຜູ້ແທນປະເທດສັງເກດການ, ເລຂາທິການໃຫຍ່ໄອປາ, ຮອງເລຂາທິການໃຫຍ່ອາຊຽນ, ປະທານສະຫະພັນລັດຖະສະພາອາຟຣິກກາ, ບັນດາທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນເຂົ້າຮ່ວມ.

ອ່ານເພີ່ມເຕີມ...

ງານ​ລ້ຽງ​ຕ້ອນຮັບ​ຄະນະ​ຜູ້​ແທນ​ກອງ​ປະຊຸມໄວປາ

ຂປລ. ໃນໂອກາດກອງປະຊຸມສະມັດຊາລັດຖະສະພາເພດຍິງ ລະຫວ່າງຊາດ ອາຊຽນຂອງ ໄອປາຄັ້ງທີ 35 ຫລື ໄວປາ ທີ່ຈັດຂຶ້ນລະຫວ່າງວັນທີ 14-20 ເດືອນກັນຍາ ປີ 2014 ນີ້, ໃນຕອນຄາໍ່ ຂອງວັນທີ 15 ເດືອນກັນຍາ ປີ 2014 ນີ້ ທີ່ໂຮງແຮມ ແມ່ຂອງແລນມາກ ນະຄອນຫລວງວຽງຈັນ ໄດ້ຈັດງານລ້ຽງຕ້ອນຮັບຄະນະຜູ້ແທນທີ່ເດີນທາງມາເຂົ້າຮ່ວມກອງປະຊຸມໄອປາ ເຊິ່ງຈັດໂດຍ ທ່ານ ດຣ. ໄຊສົມພອນ ພົມວິຫານ ຮອງປະທານສະພາແຫ່ງຊາດ, ມີບັນດາສະມາຊິກລັດຖະສະພາ ອາຊຽນ, ພ້ອມດ້ວຍແຂກທີ່ຖືກເຊີນ ແລະ ພະນັກງານ ກ່ຽວຂ້ອງເຂົ້າຮ່ວມ.
ໃນໂອກາດນີ້ ທ່ານ ດຣ.ໄຊສົມພອນ ພົມວິຫານ ກ່າວວ່າ: ໃນຖານະເປັນປະເທດເຈົ້າພາບຈັດກອງປະຊຸມ ໄດ້ສະແດງຄວາມຊົມເຊີຍ ແລະ ຍິນດີຕ້ອນຮັບບັນດາຜູ້ແທນກອງປະຊຸມ ທີ່ມາຈາກບັນດາປະເທດສະມາຊິກອາຊຽນ ເພື່ອມາເຂົ້າຮ່ວມກອງປະຊຸມຄັ້ງນີ້. ເຊິ່ງກອງປະຊຸມດັ່ງກ່າວ ໄດ້ສະແດງເຖິງ ຄວາມສາມັກຄີ, ໄມຕີຈິດ, ມິດຕະພາບ ເພື່ອສັນຕິພາບ ແລະ ການຮ່ວມມືຂອງບັນດາປະເທດສະມາຊິກອາຊຽນ ເຊິ່ງຈະມີຄວາມຮັບຜິດຊອບຮ່ວມກັນ ໃນການພັດທະນາ ອາຊຽນໃຫ້ມີຄວາມສະໜິດສະໜົມໃນຖານະສະມາຊິກຄອບຄົວອາຊຽນດຽວກັນ.