ຮອງນາຍົກ ດຣ. ພັນຄຳ ວິພາວັນ ເນັ້ນໃຫ້ເອົາໃຈໃສ່ພັດທະນາ ແລະ ສ້າງແຮງງານລາວໃຫ້ມີສີມືດີ

ຂປລ. ທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງ ສຶກສາທິການ ແລະ ກິລາ, ຜູ້ຊີ້ນຳວຽກງານວັດທະນະ ທຳ-ສັງຄົມ ໄດ້ໃຫ້ກຽດໂອ້ລົມຕໍ່ກອງປະຊຸມວຽກງານແຮງງານ ແລະ ສະຫວັດດີການສັງຄົມທົ່ວປະເທດປະຈຳປີ 2014  ເຊິ່ງໄດ້ເນັ້ນໃຫ້ຄະນະນຳ ໃນຂະແໜງແຮງງານ ແລະ ສະຫວັດດີການ-ສັງຄົມ ເອົາໃຈໃສ່ພັດທະນາ ແລະ ສ້າງກຳລັງແຮງ ງານລາວໃຫ້ມີສີມືດີ, ມີຄວາມສາມາດ, ມີທັດ ສະນະຄະຕິ, ລະບຽບວິໄນ, ມີວຽກເຮັດງານທຳ ທີ່ເໝາະສົມ. ມີມາດຕະການສົ່ງເສີມ ແລະ ດຶງດູດໃຫ້ຄົນຫັນມາເຂົ້າຮຽນ-ຝຶກວິຊາຊີບ ດ້ານການ ຊ່າງເພື່ອໃຫ້ກາຍເປັນກຳມະກອນອາຊີບ ແລະ ຄຸ້ມຄອງແຮງງານຕ່າງປະເທດທີ່ເຂົ້າມາເຮັດວຽກຢູ່ ສປປ ລາວໃຫ້ຖືກຕ້ອງຕາມລະບຽບຫລັກການ.
ກອງປະຊຸມດັ່ງກ່າວໄດ້ອັດລົງໃນວັນທີ 3 ເດືອນຕຸລາ ປີ 2014 ພາຍຫລັງໄດ້ດຳເນີນມາເປັນ ເວລາ 3 ວັນ ຢູ່ເຮືອນຮັບແຂກ ກະຊວງແຮງງານ ແລະ ສະຫວັດດີການສັງຄົມ (ຮສສ) ບ້ານໂພນສະຫວ່າງ, ເມືອງຈັນທະບູລີ ນະຄອນຫລວງວຽງຈັນ, ໂດຍພາຍໃຕ້ການເປັນປະທານ ຂອງທ່ານ ນາງ ອ່ອນຈັນ ທຳມະວົງ ລັດຖະມົນຕີວ່າການກະຊວງແຮງງານ ແລະ ສະຫວັດດີການ ສັງຄົມ, ມີບັນດາລັດຖະມົນຕີຊ່ວຍວ່າການ, ຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ ຮສສ ປະຈຳແຂວງໃນທົ່ວປະເທດ ເຂົ້າຮ່ວມ.

ອ່ານເພີ່ມເຕີມ...

ປກສ ນະຄອນຫລວງ​ກຽມພ້ອມເປັນເຈົ້າການຮັກສາຄວາມສະຫງົບໃນງານບຸນອອກພັນສາ​ປະຈຳປີ 2014

ຂປລ. ປກສ ນະຄອນຫລວງວຽງຈັນ ຢືນຢັນຄວາມພ້ອມໃນການປ້ອງກັນງານ ບຸນອອກພັນສາປະວໍລະນາ ແລະ ບຸນຊ່ວງເຮືອ ປະຈຳປີ 2014 ຢູ່ທີ່ທ່າວັດຈັນ, ນະຄອນຫລວງວຽງຈັນ, ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຄວາມປອດໄພຮອບດ້ານອຳນວຍຄວາມສະດວກໃຫ້ການນຳພັກ-ລັດ, ມວນຊົນ, ນັກທ່ອງທ່ຽວທັງພາຍໃນ ແລະ ຕ່າງປະເທດ ທີ່ມາທ່ຽວຊົມ ແລະ ສະຫລອງບຸນປະເພນີຂອງລາວ ໃຫ້ມີຄວາມເບີກບານມ່ວນຊື່ນທັງມີຄວາມສະຫງົບ-ປອດໄພທາງດ້ານຊີວິດ ແລະ ຊັບສິນ.

ອ່ານເພີ່ມເຕີມ...

ຍົກລະດັບຄວາມຮູ້ລະບຽບພິທີການໃນຂົງເຂດ ຖວທ

ຂປລ. ພະນັກງານວິຊາການ ອ້ອມຂ້າງກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວ (ຖວທ) ຈຳນວນ 100 ກວ່າຄົນ ໄດ້ເຂົ້າຮ່ວມອົບຮົມ ຮັບຟັງການເຜີຍແຜ່ແນະນຳກ່ຽວກັບການປະຕິບັດ ລະບຽບພິທີການ ແລະ ຄວາມຮູ້ກ່ຽວກັບການພົວພັນຮ່ວມມືສາກົນໂດຍສັງເຂບ ພິທີການ ແລະ ການຮ່ວມມືສາກົນ ໃນວັນທີ 3 ເດືອນຕຸລາ ປີ 2014 ນີ້ ດ້ວຍການເປັນເຈົ້າການຈັດຕັ້ງຂຶ້ນໂດຍກົມຮ່ວມມືສາກົນ ກະຊວງ ຖວທ.
ໃນໄລຍະ 1 ວັນເຕັມ,

ອ່ານເພີ່ມເຕີມ...

ຮອງນາຍົກ ສົມສະຫວາດ ເລັ່ງສະຫວັດ ຊີ້ນຳວຽກງານກໍ່ສ້າງຂົວທາງ

ຂປລ. ໃນວັນທີ 2 ເດືອນຕຸລາ ປີ 2014  ຢູ່ກະຊວງໂຍທາທິການ ແລະ ຂົນສົ່ງ,  ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ຊີ້ນຳວຽກງານຂົງເຂດເສດຖະກິດການຜະລິດ ແລະ ຈໍລະ ຈອນ ໄດ້ໃຫ້ກຽດເປັນປະທານ ແລະ ໂອ້ລົມຕໍ່ກອງປະ ຊຸມສະຫລຸບຕີລາ ຄາການຈັດ ຕັ້ງປະຕິບັດວຽກ ງານກໍ່ສ້າງຂົວທາງໃນໄລຍະຜ່ານມາ ແລະ ວາງແຜນການໃນຕໍ່ໜ້າ ໂດຍມີທ່ານ ບຸນຈັນ ສີນທະວົງ ລັດຖະມົນຕີວ່າ ການກະຊວງ ໂຍທາທິການ ແລະ ຂົນສົ່ງ, ມີບັນດາລັດຖະມົນຕີຊ່ວຍວ່າການ, ຫົວໜ້າ ກົມ, ຮອງກົມອ້ອມຂ້າງກະຊວງໂຍທາທິການ ແລະ ຂົນສົ່ງເຂົ້າຮ່ວມ.

ອ່ານເພີ່ມເຕີມ...

ຂໍ້ມູນຂ່າວສານບົດບາດຍິງ-ຊາຍ ມີຄວາມສຳຄັນໃນການພັດທະນາສັງຄົມ​ໃຫ້ມີຄວາມສະເໝີພາບ

ຂປລ. ຂໍ້ມູນຂ່າວສານກ່ຽວກັບບົດບາດຍິງ-ຊາຍ ແມ່ນມີຄວາມສຳຄັນເພື່ອການປັບປຸງ ແລະ ພັດທະນາສັງຄົມໃຫ້ມີຄວາມສະເໝີພາບກັນ ລະຫວ່າງ ຍິງ-ຊາຍ ເຊິ່ງຂໍ້ມູນຂ່າວສານກ່ຽວກັບສະຖິຕິ ຈະຊ່ວຍສະໜັບສະໜູນການປ່ຽນແປງ, ກຳຈັດຄວາມເຊື່ອແບບຕາຍຕົວ ແລະ ສະໜັບສະໜູນຄວາມເຂົ້າໃຈກ່ຽວກັບສະພາບການຕົວຈິງຂອງ ຍິງ ແລະ ຊາຍ ຢູ່ໃນສັງຄົມ.
ທ່ານ ດຣ. ຄຳລຽນ ພົນເສນາ ລັດຖະມົນຕີຊ່ວຍວ່າການກະຊວງແຜນການ ແລະ ການລົງທຶນ (ຜທ), ຮອງປະທານຄະນະກຳມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດ,

ອ່ານເພີ່ມເຕີມ...

ລັດຖະບານ​ເລັ່ງ​ໃຫ້ການ​ຊ່ວຍ​ເຫລືອ ​ແລະ ພັດທະນາ​ຄົນ​ພິການ

ຂປລ. ລັດຖະບານແຫ່ງ ສປປ ລາວ ໄດ້ມີຄວາມພະຍາຍາມໃຫ້ການຊ່ວຍເຫລືອ ແລະ ພັດທະນາຜູ້ດ້ອຍໂອກາດ ແລະ ຄົນພິການດ້ວຍຄວາມເອົາໃຈໃສ່ ແລະ ຕັ້ງໜ້າຕໍ່ເນື່ອງ ໂດຍຖືເອົາວຽກງານດັ່ງກ່າວເປັນວຽກງານສຳຄັນ ແລະ ມີລັກສະນະຍຸດທະສາດຍາວນານ, ເນື່ອງຈາກປະເທດເຮົາເຄີຍຜ່ານ ແປວໄຟສົງຄາມມາຫລາຍກວ່າ 30 ປີ, ພົນລະເມືອງລາວຈຳນວນຫລວງຫລາຍໄດ້ຮັບຜົນກະທົບທາງກົງ ແລະ ທາງອອ້ມຈາກສົງຄາມນັ້ນ ແລະ ໄດ້ ກາຍເປັນຄົນເສຍອົງຄະ ແລະ ພິການ.
ທ່ານ ດຣ ພັນຄຳ ວິພາວັນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງສຶກສາທິການ ແລະ ກິລາ, ຜູ້ຊີ້ນຳວຽກງານວັດທະນະທຳ-ສັງຄົມ,

ອ່ານເພີ່ມເຕີມ...

ອາກາດເລີ່ມເຢັນຢູ່ແຂວງພາກເໜືອ ສ່ວນ​ພາກກາງ-​ໃຕ້​ອາກາດຍັງຮ້ອນເອົ້າ

ຂປລ. ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ແຈ້ງສະພາບອາກາດໃນວັນທີ 29 ເດືອນກັນຍາ ວ່າ: ບໍລິເວນຄວາມກົດດັນອາກາດຕ່ຳປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງອ່ອນ, ສົມທົບກັບກະແສລົມຕາເວັນອອກ ພັດປົກຄຸມເຊິ່ງລັກສະນະເຊັ່ນນີ້ ຈະເຮັດໃຫ້ອາກາດຍັງເຢັນໃນຕອນເຊົ້າ ພ້ອມມີໝອກບາງປົກຫຸ້ມ ແລະ ຈະມີຝົນຕົກຟ້າຄະນອງກະຈາຍໃນລະດັບຄ່ອຍຢູ່ບາງທ້ອງຖິ່ນໃນແຕ່ລະພາກຕື່ມອີກ. ສະພາບອາກາດ ໃນວັນທີ 30 ເດືອນກັນຍາ ຫາ 2 ເດືອນຕຸລາມີຄື:
ນະຄອນຫລວງວຽງຈັນ ມີເມກປົກຄຸມເປັນບາງສ່ວນ, ອາກາດຮ້ອນ ແລະ ຈະມີຝົນຟ້າຄະນອງໃນລະດັບຄ່ອຍເປັນບາງໂອກາດ. ອຸນຫະພູມຕ່ຳສຸດ 23-24  ອົງສາ, ສູງສຸດ 33-34 ອົງສາ, ໃນວັນທີ 30 ກັນຍາ-1 ເດືອນຕຸລາ ຈະມີຝົນກະຈາຍໃນລະດັບຄ່ອຍທົ່ວໄປ, ໃນວັນທີ 2 ເດືອນຕຸລາ ຈະມີເມກ ປົກຄຸມບາງພື້ນທີ່.

ອ່ານເພີ່ມເຕີມ...

ນາຍົກລັດຖະມົນຕີ ຕ້ອນຮັບຜູ້ບັນຊາການທະຫານສູງສຸດ ກຳປູເຈຍ

ຂປລ. ຕອນບ່າຍວັນທີ 29 ເດືອນກັນຍາ ປີ 2014 ນີ້ ທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນ ຮັບການເຂົ້າຢ້ຽມຂ່ຳນັບຂອງ ທ່ານ ພົນເອກ ປົນ ສາເຮືອນ ຜູ້ບັນຊາການທະຫານສູງສຸດ ແຫ່ງ ຣາຊະອານາຈັກກຳປູເຈຍ ພ້ອມຄະນະ ໃນໂອກາດ ເດີນທາງມາຢ້ຽມ ຢາມ ແລະ ເຮັດວຽກ ຢູ່ ສປປ ລາວ ແຕ່ວັນທີ 27-30 ເດືອນກັນຍາ ປີ 2014.
ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຕີລາຄາສູງຕໍ່ການ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງທ່ານ ພົນເອກ ປົນ ສາເຮືອນ ພ້ອມຄະນະໃນຄັ້ງນີ້. ເຊິ່ງເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍ ພົວພັນມິດຕະພາບ ແລະ ການຮ່ວມມືອັນດີ ລະຫວ່າງສອງປະເທດ ລາວ-ກຳປູເຈຍ,

ອ່ານເພີ່ມເຕີມ...