ຫາລືຄວາມຄືບໜ້າການກະກຽມ​ສຳຫລວດພົນລະເມືອງ ແລະ ທີ່ຢູ່ອາໄສ ຄັ້ງທີ IV

ຂປລ. ຄະນະຊີ້ນຳລະດັບຊາດສຳລັບການສຳຫລວດພົນລະເມືອງ ແລະ ທີ່ຢູ່ອາໄສຈັດກອງປະຊຸມປຶກສາຫາລືກ່ຽວກັບຄວາມຄືບໜ້າໃນການກະກຽມການສຳຫລວດພົນລະເມືອງ ແລະ ທີ່ຢູ່ອາໄສທົ່ວປະເທດຄັ້ງທີ IV ປີ 2015 ຂຶ້ນໃນວັນທີ 10 ເດືອນພະຈິກ ປີ 2014 ຢູ່ຫ້ອງວ່າການລັດຖະບານ ພາຍໃຕ້ການເປັນປະທານຂອງ ທ່ານ ດຣ. ບຸນປອນ ບຸດຕະນະວົງ ຮອງນາຍົກລັດຖະມົນຕີ, ຫົວໜ້າຄະນະຊີ້ນໍາວຽກງານລະດັບຊາດສຳລັບການສໍາຫລວດພົນລະເມືອງ ແລະ ທີ່ຢູ່ອາໄສ ຄັ້ງທີ IV ປີ 2015, ມີບັນດາລັດຖະມົນຕີຊ່ວຍວ່າການ, ຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ ແລະ ວິຊາການທີ່ກ່ຽວຂ້ອງເຂົ້າຮ່ວມ.

ອ່ານເພີ່ມເຕີມ...

ການປະຕິສັງຂອນ ແລະ ອະນຸລັກ ໂຮງຊາວຫລັງ​ທີ 1 ຢູ່ວັດພູຈໍາປາສັກ​ສໍາເລັດໂດຍພື້ນຖານ​

ຂປລ. ການປະຕິສັງຂອນ ແລະ ອະນຸລັກໂຮງຊາວຜາສາດຫີນຢູ່ວັດພູຈຳປາສັກມໍລະດົກໂລກແຫ່ງທີ່ສອງຂອງລາວຫລັງທີ 1 ໄດ້ສໍາເລັດແລ້ວ ໂດຍພື້ນຖານ ພາຍຫລັງທີ່ໄດ້ດໍາເນີນການປະຕິສັງຂອນມາແຕ່ປີ 2009 ເປັນຕົ້ນມາໂດຍແມ່ນທຶນຊ່ວຍເຫລືອຈາກລັດຖະບານອິນເດຍຈຳນວນ 4.200.000 ໂດລາສະຫະລັດ ຫລື ປະມານ 33 ຕື້ກວ່າກີບ.

ອ່ານເພີ່ມເຕີມ...

ຮອງນາຍົກລັດຖະມົນຕີ​ໃຫ້ທິດຊີ້ນຳວຽກງານ​ພັດທະນາຊົນນະບົດ​ແລະ​ລຶບລ້າງຄວາມທຸກຍາກ

ຂປລ. ທ່ານ ອາຊາງ ລາວລີ ຮອງນາຍົກລັດຖະມົນຕີ ຜູ້ຊີ້ນຳວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳຕໍ່ກອງປະຊຸມພັດທະນາຊົນນະບົດ, ລຶບລ້າງຄວາມທຸກຍາກ ແລະ ການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ສົກປີ 2013-2014 ແລະ ທິດທາງແຜນການສົກປີ 2014-2015 ເຊິ່ງໄດ້ຈັດຂຶ້ນໃນວັນທີ 5-7 ເດືອນພະຈິກ ປີ 2014 ທີ່ສູນຮ່ວມມືສາກົນ ແລະ ຝຶກອົບຮົມ ໂດຍມີທ່ານ ບຸນເຮືອງ ດວງພະຈັນ ລັດຖະມົນຕີປະຈຳຫ້ອງວ່າການລັດຖະບານ, ຫົວໜ້າຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ, ມີບັນດາລັດຖະມົນຕີຊ່ວຍວ່າການ, ຮອງເຈົ້າແຂວງ, ຫົວໜ້າກົມ, ຮອງກົມ ແລະ ຜູ້ທີ່ເຮັດວຽກພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ ແລະ ທ້ອງຖິ່ນເຂົ້າຮ່ວມ.

ອ່ານເພີ່ມເຕີມ...

ການນຳພັກ-ລັດ ຮ່ວມໃສ່ບາດບຸນນະມັດສະການພະທາດຫລວງວຽງຈັນ

ຂປລ. ໃນຕອນເຊົ້າວັນທີ 6 ເດືອນພະຈິກ ປີ 2014 ກົງກັບມື້ຂຶ້ນ 15 ຄ່ຳ ເດືອນ 12 (ລາວ) ພສ. 2557 ເຊິ່ງ ເປັນມື້ສຸດທ້າຍ ຂອງບຸນນະມັດ ສະການພະທາດຫລວງວຽງຈັນ ແລະ ງານສະເຫລີມສະຫລອງຄົບຮອບ 448 ປີ ຂອງການ ສ້າງຕັ້ງອົງພະທາດຫລວງວຽງຈັນ. ບັນດາຜູ້ນຳພັກ-ລັດ  ໂດຍມີ ທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ, ມີບັນດາຜູ້ນຳພັກ-ລັດ, ຕະຫລອດຮອດ ຊາວພຸດທະສາສະນິກະຊົນ ລາວບັນດາເຜົ່າ ໃນຂອບເຂດທົ່ວປະເທດ ກໍຄື ມວນຊົນຊາວນະຄອນຫລວງວຽງຈັນ ໄດ້ຮ່ວມເຮັດບຸນໃສ່ບາດຖວາຍສັງຄະທານແດ່ພະພິຂຸສົງສຳມະເນນຫລາຍພັນອົງ.  ພ້ອມທັງຮັບຟັງທຳມະເທສະໜາ ຕາມຄຳສອນຂອງພະສຳມາສຳພຸດທະເຈົ້າຕໍ່ການໃຫ້ທານ, ຖືສິນພາວັນນາຕາມຮີດຄອງປະເພນີອັນດີງາມທີ່ມີມາແຕ່ດຶກດຳບັນເຊິ່ງການເຮັດບຸນດັ່ງກ່າວ ເພື່ອລະນຶກເຖິງຄຸນງາມຄວາມດີ ແລະ ອຸທິດບຸນກຸສົນແດ່ ພະເຈົ້າໄຊຍະເສດຖາທິຣາດ ທີ່ເປັນ ຜູ້ກໍ່ສ້າງ ແລະ ປະຕິສັງຂອນພະທາດຫລວງວຽງຈັນ.

ອ່ານເພີ່ມເຕີມ...

ເລັ່ງໂຄສະນາ​ວັນສັກຢາກັນພະຍາດ​ແຫ່ງຊາດ

ຂປລ. ໃນວັນທີ 5 ເດືອນພະຈິກ ປີ 2014ນີ້ ກະຊວງສາທາລະນະສຸກ ຮ່ວມກັບກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ຈັດຕັ້ງການເຜີຍແຜ່ແນະນຳໃຫ້ສື່ມວນຊົນລາວເອົາໃຈໃສ່ ໂຄສະນາປຸກລະດົມ ເພື່ອເຊີນຊວນພະນັກງານ, ທະຫານ, ຕຳຫລວດ ແລະ ພໍ່ແມ່ປະຊາຊົນບັນດາເຜົ່າໃນທົ່ວປະເທດ ນຳເອົາລູກຫລານຂອງຕົນໄປຮັບການບໍລິການ ສັກຢາກັນພະຍາດໝາກແດງໃຫຍ່ ແລະ ນ້ອຍ ໃນວັນສັກຢາກັນພະຍາດແຫ່ງຊາດ ເພື່ອກຳຈັດພະຍາດໝາກແດງໃຫ້ເປັນຂະບວນກ້ວາງຂວາງ ແລະ ທົ່ວເຖິງ ນັບແຕ່ວັນທີ 17-30 ເດືອນພະຈິກ ປີ 2014 ນີ້.

ອ່ານເພີ່ມເຕີມ...

ກຽມຄວາມພ້ອມສູ່ງານມະຫາກຳກິລາແຫ່ງຊາດຄັ້ງທີ X ດ້ວຍຜົນສຳເລັດ

ຍັງອີກບໍ່ຮອດສອງເດືອນງານມະຫາກຳກິລາແຫ່ງ ຊາດຄັ້ງທີ X ທີ່ແຂວງອຸດົມໄຊ ໄດ້ຮັບກຽດເປັນເຈົ້າພາບກໍຈະໄດ້ເປີດຂຶ້ນຢ່າງ ເປັນທາງການ, ຊຶ່ງຖືວ່າເປັນອີກງານໜຶ່ງຂອງຊາດລາວເຮົາກໍຄືໃນວົງການກິລາລາວທີ່ພັກ ແລະ ລັດຖະບານໃຫ້ຄວາມສຳຄັນ ແລະ ນຳໃຊ້ງົບປະມານຢ່າງຫຼວງຫຼາຍໃນການຈັດງານດັ່ງກ່າວໃນແຕ່ລະຄັ້ງ.

ຕາມການລາຍງານຂອງຄະນະຮັບຜິດຊອບງານມະຫາກຳກິລາແຫ່ງຊາດຄັ້ງທີ X ຊີ້ໃຫ້ເຫັນວ່າ; ມາຮອດປະຈຸບັນຄວາມກຽມພ້ອມ ຂອງເຈົ້າພາບແມ່ນເຕັມ 100% ບໍ່ວ່າຈະເປັນດ້ານສະໜາມກິລາ, ບ່ອນພັກເຊົາຂອງນັກກິລາ, ເຮືອນພັກ, ໂຮງແຮມ, ຮ້ານອາຫານ ສຳລັບແຂກພາຍໃນ ແລະ ຕ່າງປະເທດ ລວມທັງພາຫະນະຮັບໃຊ້ຕ່າງໆເຊັ່ນ: ລົດ, ອຸປະກອນອື່ນໆແມ່ນມີຄວາມກຽມພ້ອມທຸກປະການ

ອ່ານເພີ່ມເຕີມ...

ເປີດສູນວັດທະນະທຳຈີນທີ່ ສປປ ລາວ

ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ໄດ້ຮ່ວມກັບສະຖານເອກອັກຄະລັດຖະທູດ ສປ ຈີນ ແລະ ກະຊວງວັດທະນະທຳ ສປ ຈີນ ເປີດສູນວັດທະນະທຳຈີນ ທີ່ ສປປ ລາວ ເຊິ່ງເປັນຂີດໝາຍອັນສຳຄັນທາງດ້ານປະຫວັດສາດ ໃຫ້ແກ່ການຮ່ວມມືແລກປ່ຽນທາງດ້ານວັດທະນະທຳ ລະຫວ່າງສອງປະເທດ ລາວ-ຈີນ ໃຫ້ນັບມື້ນັບຂະຫຍາຍຕົວ.
ພິທີດັ່ງກ່າວຈັດຂຶ້ນວັນທີ 3 ພະຈິກ 2014 ຢູ່ທີ່ເຮືອນພັກ ອາເຊັມ ນະຄອນຫຼວງວຽງຈັນ ເປັນກຽດເຂົ້າຮ່ວມຂອງທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ ລັດຖະມົນຕີວ່າການ ກະຊວງສຶກສາທິການ ແລະ ກີລາ ທ່ານ ຫຼຽວຊີປາວ ຫົວໜ້າຄະນະໂຄສະນາອົບຮົມສູນກາງພັກຄອມມູນິດຈີນ ພ້ອມດ້ວຍບັນດາການນຳຂັ້ນສູງຝ່າຍລາວ ແລະ ຈີນເຂົ້າຮ່ວມ.

ອ່ານເພີ່ມເຕີມ...

ຈະລາຈອນນະຄອນຫລວງ ຄຸມເຂັ້ມການສັນຈອນ ​​ຫລຸດຜ່ອນອຸບັດເຫດ

ຂປລ. ໃນໄລຍະສະເຫລີມສະຫລອງບຸນນະມັດສະການພະທາດຫລວງ ປະຈຳປີ 2014 ນີ້ ເຫັນວ່າ ສະພາບລົດ ອັ່ງອໍຢູ່ຕາມທ້ອງຖະໜົນຫລາຍສາຍ ແລະ ມີອຸບັດເຫດເກີດຂຶ້ນຫລາຍລາຍ ເຊິ່ງນັບແຕ່ວັນທີ 31 ເຖິງປັດຈຸບັນ ມີອຸບັດເຫດເກີດຂຶ້ນ 27 ລາຍ, ເສຍຊີວິດ 3 ລາຍ ສະນັ້ນ, ພະແນກຕຳ ຫລວດຈະລາຈອນ ນະຄອນຫລວງວຽງຈັນ ເຫັນໄດ້ຄວາມສຳຄັນຈຶ່ງໄດ້ຈັດຕັ້ງປະຕິບັດວາງແຜນປ້ອງກັນ ແລະ ຄຸມເຂັ້ມການສັນຈອນ ໂດຍບັນຈຸກຳ ລັງຕຳຫລວດ ຈະລາຈອນລົງປະຈຳຢູ່ຈຸດຕ່າງໆ ເພື່ອເຮັດໜ້າທີ່ລະບາຍການສັນຈອນ ໃຫ້ແກ່ຜູ້ໃຊ້ລົດໃຊ້ຖະໜົນ, ເຊິ່ງມີທັງໝົດ 96 ຈຸດ ໃນນີ້ ຈຸດປ້ອງ ກັນວົງໃນ 66 ຈຸດ, ວົງນອກ 30 ຈຸດ ແລະ ຈັດວາງຈຸ ປະຈຳການຕະຫລອດ 24 ຊົ່ວໂມງອີກ 10 ຈຸດ.

ອ່ານເພີ່ມເຕີມ...