ໄຂຫ້ອງການກົງສຸນກິດຕິມະສັກ ປະເທດປ໋ອກຕຸຍການ ປະຈຳ ສປປ ລາວ

ພິ­ທີໄຂຫ້ອງ­ການກົງ­ສຸນກິດຕິມະສັກ ປະ­ເທດປ໋ອກຕຸຍການ ປະ­ຈຳ ສປປ ລາວ ຈັດຂຶ້ນວັນທີ 18 ມີ­ນາ 2019 ຢູ່ອາ­ຄານ KC ບ້ານສີສະ­ຫວາດ ເມືອງຈັນ­ທະບູລີ ນະ­ຄອນ­ຫຼວງວຽງຈັນ ໂດຍມີທ່ານ ແສງເພັດ ຮຸ່ງບຸນຍວງ ຮອງລັດ­ຖະ­ມົນ­ຕີກະ­ຊວງການຕ່າງ­ປະ­ເທດ ທ່ານ Francisco Vazpatto ເອກອັກຄະລັດຖະທູດ ປ໋ອກຕຸຍການ ປະ­ຈຳບາງ­ກອກ ຣາຊະອາ­ນາ­ຈັກໄທ ທ່ານນາງ ຈັນ­ທະຈອນ ວົງໄຊ ກົງ­ສຸນກິດຕິມະສັກ ປະ­ເທດຕຸຍການ ປະ­ຈຳ ສປປ ລາວ ພ້ອມບັນ­ດາຮອງລັດ­ຖະ­ມົນ­ຕີ ແລະ ແຂກຖືກເຊີນເຂົ້າຮ່ວມ.

    ຫ້ອງ­ການກົງ­ສຸນກິດຕິມະສັກ ປະ­ເທດປ໋ອກຕຸຍການ ປະ­ຈຳ ສປປ ລາວ ມີຂອບເຂດການ­ເຄື່ອນ­ໄຫວກວມເອົາທົ່ວ ສປປ ລາວ ເຊິ່ງທ່ານນາງ ຈັນ­ທະຈອນ ວົງໄຊ ຈະໄດ້ຮັບຄວາມສະ­ດວກ ອະ­ພິ­ສິດ ແລະ ສິດຄຸ້ມຄອງ ເປັນທັງກົງ­ສຸນທີ່ ສປປ ລາວ ມອບໃຫ້ໃນຖາ­ນະກົງ­ສຸນກິດຕິມະສັກຂອງຕ່າງ­ປະ­ເທດ ໂດຍການຮັບ­ຮອງຂອງລັດ­ຖະ­ບານ ສປປ ລາວ ແລະ ລັດ­ຖະ­ບານປ໋ອກຕຸຍການ.

    ທ່ານນາງ ຈັນ­ທະຈອນ ວົງໄຊ ມີທຸ­ລະກິດຄອບ­ຄົວໃນກຸ່ມ KC ແລະ ເຮັດທຸ­ລະກິດຮ່ວມທຶນຢູ່ພາຍໃນ ແລະ ຕ່າງ­ປະ­ເທດ ຫຼາຍກວ່າ 20 ປີ ຕຳ­ແໜ່ງປັດ­ຈຸ­ບັນເປັນຮອງປະ­ທານສະ­ພາການຄ້າ ແລະ ອຸດ­ສາ­ຫະ­ກຳແຫ່ງຊາດລາວ ປະ­ທານສະ­ມາ­ຄົມນັກ­ທຸ­ລະ­ກິດແມ່­ຍິງ ກຳ­ມະ­ການສູນກາງແນວລາວສ້າງຊາດ ຄະ­ນະກຳ­ມະ­ການເຄືອຄ່າຍນັກ­ທຸ­ລະ­ກິດແມ່­ຍິງອາຊຽນ ຄະ­ນະກຳ­ມະ­ການສະ­ພາທຸ­ລະກິດອາຊຽນ. (ແຫຼ່ງຂໍ້ມູນຈາກ: ໜັງສືພິມວຽງຈັນໃໝ່)

ກອງປະຊຸມສຳມະນາວິທະຍາສາດບັ້ນຮົບປ້ອງກັນ ຕົວເມືອງທ່າແຂກ

ການສໍາມະນາວິທະຍາສາດ " ບັ້ນຮົບປ້ອງກັນຕົວເມືອງທ່າແຂກ 21 ມີນາ 1946" ເບື້ອງຕົ້ນແມ່ນເລີ່ມຈາກການເຂົ້າຮ່ວມວາງພວງມາລາ ແລະ ກະຕ່າດອກໄມ້ຢູ່ 4 ຈຸດຂອງ ແຂວງຄື : ຫໍໄຫວ້ລະນຶກປະຫວັດສາດ 21 ມີນາ 1946, ອະນຸສາວະລີນັກຮົບນິລະນາມ, ອະນຸສາວະລີປະທານ ໄກສອນ ພົມວິຫານ ແລະ ອານຸສອນສະຖານ 21 ມີນາ ຈາກນັ້ນແມ່ນໄດ້ເຂົ້າຮ່ວມກອງປະຊຸມສໍາມະນາວິທະຍາສາດໂດຍໄດ້ຈັດຂຶ້ນໃນຕອນເຊົ້າຂອງວັນທີ 20 ມີນາ ຢູ່ທີ່ສະໂມສອນໃຫຍ່ຫຼັກ 4 ໂດຍການເປັນກຽດເຂົ້າຮ່ວມຂອງທ່ານ ພົອ. ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະເທດ, ມີທ່ານ ສົມໃຈ ເພັດສີນວນ ຮອງເລຂາພັກແຂວງ ປະທານສະພາປະຊາຊົນແຂວງຄໍາມ່ວນ, ມີບັນດາທ່ານເຈົ້າແຂວງຈາກບັນດາແຂວງໃກ້ຄຽງ , ພະນັກງານປະຕິວັດອາວຸໂສບໍານານ , ທ່ານ ເຈິນ ກົງທິ່ງ ຫົວໜ້າກົງສູນໃຫຍ່ ສສ ຫວຽດນາມປະຈຳແຂວງສະຫວັນນະເຂດ , ທ່ານ ນາງ ຍອດແກ້ວມະນີ ສຸພານຸວົງ ຕາງໜ້າສູນກາງແນວລາວສ້າງຊາດ, ມີບັນດາແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.

ອ່ານເພີ່ມເຕີມ...

ຜົນງານຕະຫຼອດໄລຍະ 64 ປີ ໃຕ້ການນຳພາຂອງພັກ

ຕະ­ຫລອດໄລ­ຍະ 64 ປີ ແຫ່ງການນຳ­ພາຂອງພັກ ຍາມໃດກໍຍຶດ­ໝັ້ນທາດແທ້ຊົນຊັ້ນ ແລະ ມີຄວາມຈົງຮັກພັກ­ດີຕໍ່ຜົນປະ­ໂຫຍດ ລວມຂອງຊາດ ແລະ ຂອງປະ­ຊາຊົນ. ພວກເຮົາເຫັນແຈ້ງແລ້ວວ່າ, ພັກເຮົາສາ­ມາດນຳ­ພາລະກິດປະ­ຕິ­ວັດຍາດເອົາໄຊ­ຊະ­ນະຈາກໄຊ­ຊະ­ນະນີ້ໄປສູ່ໄຊ­ຊະ­ນະໃໝ່ ແລະ ໃຫຍ່ຫລວງຂຶ້ນເລື້ອຍໆໄດ້ນັ້ນແມ່ນຍ້ອນພັກເຮົາ ຍາມໃດກໍອີງ­ໃສ່ປະ­ຊາ­ຊົນ, ຖືປະ­ຊາ­ຊົນເປັນກົກ, ເປັນບໍ່­ເກີດແຫ່ງກຳ­ລັງແຮງທີ່ບໍ່ບົກແຫ້ງຂອງພັກ.

ອ່ານເພີ່ມເຕີມ...

ຮອງນາຍົກ ເນັ້ນໃຫ້ຂະແໜງການເງິນສຸມໃສ່ຫຼາຍບັນຫາ

ກອງປະ­ຊຸມສະ­ຫຼຸບວຽກງານການ­ຈັດ­ຕັ້ງກໍ່­ສ້າງພັກ-ພະ­ນັກ­ງານ ແລະ ວຽກງານກວດ­ກາ ປີ 2018 ແລະ ທິດທາງແຜນ­ການປີ 2019 ພ້ອມທັງມອບໃບຍ້ອງ­ຍໍໃຫ້ກົມກອງ ແລະ ບຸກ­ຄົນທີ່ມີຜົນ­ງານດີ­ເດັ່ນ ປະ­ກອບ­ສ່ວນເຂົ້າໃນວຽກງານສະ­ເພາະຂອງກະ­ຊວງການເງິນ ຈັດຂຶ້ນວັນທີ 12-13 ມີ­ນາ 2019 ຜ່ານມາ ທີ່ກະ­ຊວງການເງິນ ໃຫ້ກຽດເຂົ້າຮ່ວມຂອງທ່ານ ສົມດີ ດວງດີ ຮອງນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີກະ­ຊວງການເງິນ ມີຄະ­ນະພັກກະ­ຊວງ ຮອງລັດ­ຖະ­ມົນ­ຕີ ຜູ້­ຕາງ­ໜ້າຈາກຄະ­ນະຈັດຕັ້ງສູນກາງພັກ ອົງ­ການກວດ­ກາລັດ­ຖະ­ບານ ຫົວ­ໜ້າກົມ ຮອງກົມ ພ້ອມດ້ວຍຜູ້­ຕາງ­ໜ້າຈາກຂະ­ແໜງ­ການເງິນ ໃນຂອບເຂດທົ່ວປະ­ເທດ.

ອ່ານເພີ່ມເຕີມ...

ສສຊ ເຂດ 1 ເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII

ສະມາຊິກສະພາແຫ່ງຊາດ (ສສຊ) ເຂດເລືອກຕັ້ງທີ I ນະຄອນຫຼວງວຽງຈັນ ນຳໂດຍ ທ່ານນາງ ພອນເພັດ ບຸບຜາ ຮອງປະທານກຳມາທິການວັດທະນະທຳ-ສັງຄົມ ສະພາແຫ່ງຊາດ, ສະມາຊິກສະພາແຫ່ງຊາດ ຊຸດທີ VIII ປະຈຳເຂດເລືອກຕັ້ງທີ I ນະ ຄອນຫຼວງວຽງຈັນ ໄດ້ພົບປະກັບບັນດາພະນັກງານຫຼັກແຫຼ່ງ ແລະ ພະນັກງານວິຊາການ ຂອງຄະນະໂຄສະນາອົບຮົມສູນກາງພັກໃນວັນທີ 14 ມີນາຜ່ານມາ ເພື່ອເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 6 ຂອງ ສະພາແຫ່ງຊາດຊຸດທີ VIII, ພ້ອມທັງຮັບຟັງຄຳຄິດຄຳເຫັນ ແລະ ຄຳສະເໜີຕໍ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ບັນຫາຕ່າງໆທີ່ເກີດຂຶ້ນໃນສັງຄົມ.

ອ່ານເພີ່ມເຕີມ...

ລັດຖະມົນຕີກະຊວງການຕ່າງປະເທດ ຕ້ອນຮັບທູດປັອກຕຸຍການ

ໃນວັນທີ 18 ມີນາຜ່ານມາ, ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຟຣານຊິສໂກ ເດິ ແອສຊິສ ໂມແຣສ ເອຄູນຮາ ວາສ ແພັດໂຕ (Francisco de Assis Morais e Cunha Vaz Patto), ເອກອັກຄະລັດຖະທູດ ແຫ່ງ ສາທາລະນະລັດ ປັອກຕຸຍການ ປະຈຳ ສປປ ລາວ, ຊຶ່ງມີສຳນັກງານ ຕັ້ງຢູ່ນະຄອນຫຼວງບາງກອກ ຣາຊະອານາຈັກໄທ.

ອ່ານເພີ່ມເຕີມ...

ຄຊກມດ ຈັດຕັ້ງຜັນຂະຫຍາຍ ຂໍ້ສະເໜີແນະຂອງ ສປຊ

ກອງປະຊຸມປຶກສາຫາລືການຈັດຕັ້ງຜັນຂະຫຍາຍບັນດາຂໍ້ສະເໜີແນະຂອງສະຫະປະຊາຊາດ (ສປຊ) ໄດ້ຈັດຂຶ້ນໃນວັນທີ 19 ມີນານີ້, ທີ່ໂຮງແຮມລາວພລາຊາ ນະ ຄອນຫຼວງວຽງຈັນ ໂດຍພາຍໃຕ້ການເປັນປະທານຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ປະທານຄະນະກຳມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ (ຄຊກມດ); ຊຶ່ງ ມີລັດຖະມົນຕີ, ຮອງລັດຖະ ມົນຕີ ອົງການຈັດຕັ້ງສາກົນ, ບັນດາຄູ່ຮ່ວມພັດທະນາແລະ ພາກສ່ວນກ່ຽວຂ້ອງເຂົ້າຮ່ວມ.

ອ່ານເພີ່ມເຕີມ...

ການເກີດຂຶ້ນຂອງພັກ ປະຊາຊົນ ປະຕິວັດລາວ ເປັນຂີດໝາຍການເຕີບໃຫຍ່ຂະຫຍາຍຕົວ ຂອງການປະຕິວັດລາວ

ການເກີດຂຶ້ນຂອງພັກປະ­ຊາ­ຊົນປະ­ຕິ­ວັດລາວ ແມ່ນວິ­ວັດການອັນຈຳ­ເປັນ ທາງປະ­ຫວັດ­ສາດ, ແມ່ນຄວາມຮຽກ­ຮ້ອງຕ້ອງການພາ­ວະວິ­ໄສຂອງຂະ­ບວນການຕໍ່­ສູ້ ປະ­ຕິ­ວັດ ຂອງປະ­ຊາ­ຊົນເຮົາ. ໃນປີ 1930 ພາຍໃຕ້ການລິເລີ່ມ ແລະ ການນຳ­ພາຂອງປະທານໂຮ່ຈີ່ມິງ, ພັກກອມມູນິດອິນ­ດູ­ຈີນ ໄດ້ຮັບການສ້າງ­ຕັ້ງຂຶ້ນ ແລະ ຮັບເອົາພາ­ລະກຳປະ­ຫວັດ­ສາດ ແຫ່ງການນຳ­ພາຂະ­ບວນການປະ­ຕິ­ວັດຂອງ 3 ຊາດ ລາວ, ຫວຽດ­ນາມ, ກຳປູເຈຍ. ນັແຕ່ນັ້ນມາ, ການຕໍ່­ສູ້ປະ­ຕິ­ວັດ ຂອງປະ­ຊາ­ຊົນລາວບັນ­ດາ­ເຜົ່າ ໄດ້ມີທິດທາງ, ມີຈຸດ­ໝາຍອັນຈະ­ແຈ້ງ, ມີແນວ­ທາງ ແລະ ວິ­ທີການຕໍ່­ສູ້ ທີ່ຖືກ ຕ້ອງເໝາະສົມ, ເຮັດໃຫ້­ການປະ­ຕິ­ວັດ ຂະ­ຫຍາຍ­ຕົວດ້ວຍຄຸນນະພາບໃໝ່.

ອ່ານເພີ່ມເຕີມ...