ນາຍົກລັດຖະມົນຕີ ເນັ້ນໃຫ້ປະຊາຊົນ ບ້ານຫາດກັນຊາ ປູກພືດຜັກປອດສານພິດ ໃຫ້ເປັນສິນຄ້າ

ຂປລ. ໃນໂອກາດ ທີ່ ທ່ານ ທອງລຸນ ສີສຸລິດ ນາຍົກລັດຖະມົນຕີ, ພ້ອມດ້ວຍຄະນະ ລົງໄປຢ້ຽມຢາມກຸ່ມຜູ້ຜະລິດກະສິກຳສະອາດ ຢູ່ ບ້ານຫາດກັນຊາ ເມືອງຫາດຊາຍຟອງ ນະຄອນຫລວງວຽງຈັນ, ໃນວັນທີ 5 ສິງຫາ 2019 ນີ້, ທ່ານນາຍົກລັດຖະມົນຕີ ໄດ້ເນັ້ນໃຫ້ກຸ່ມຜູ້ຜະລິດ ເພີ່ມທະວີປູກພືດຜັກປອດສານພິດ, ໂດຍບໍ່ໃສ່ສານເຄມີໃດໆ ໃຫ້ກາຍເປັນສິນຄ້າ ເນື່ອງຈາກວ່າຕະຫລາດ ກໍຄື ຜູ້ບໍລິໂພກ ຍັງມີຄວາມຕ້ອງການ ບໍລິໂພກພືດຜັກປອດສານພິດ ຫລາຍໃນປັດຈຸບັນ.

ອ່ານເພີ່ມເຕີມ...

ກະຊວງ ຖວທ ກຳນົດ-ສັບຊ້ອນພະນັກງານນຳພາ-ຄຸ້ມຄອງ

ຂປລ. ໃນວັນທີ 6-8 ສິງຫາ 2019, ຄະນະຈັດຕັ້ງສູນກາງພັກ ຮ່ວມກັບກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ໄດ້ຈັດກອງປະຊຸມການສ້າງແຜນ ກໍານົດພະນັກງານນໍາພາ-ຄຸ້ມຄອງ ຂັ້ນສູນກາງ ເພື່ອບຳລຸງ-ສ້າງ, ກຳນົດ ແລະ ສັບຊ້ອນບັນຈຸເຂົ້າໃນຕຳແໜ່ງຕ່າງໆ ຂອງກະຊວງ ແນໃສ່ຮັບປະກັນລັກສະນະ ສືບທອດຕໍ່ເນື່ອງໄລຍະຍາວ ເພື່ອເຮັດໃຫ້ການຈັດຕັ້ງ ປະຕິບັດແຜນພັດທະນາເສດຖະກິດ-ສັງຄົມ ໃຫ້ມີຄຸນນະພາບດີຂື້ນ.

ອ່ານເພີ່ມເຕີມ...

ນາຍົກລັດຖະມົນຕີ ໂອ້ລົມພະນັກງານຫຼັກແຫຼ່ງເມືອງຈອມເພັດ

ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍ ຄະນະໄດ້ລົງເຄື່ອນໄຫວ ແລະ ເຮັດວຽກຢູ່ເມືອງຈອມເພັດ, ແຂວງ ຫຼວງພະບາງ ໃນຕອນເຊົ້າວັນທີ 14 ກໍລະກົດ ນີ້ໂດຍ ມີທ່ານ ຄໍາຂັນ ຈັນທະວີສຸກ ເຈົ້າແຂວງໆຫຼວງພະບາງ ພ້ອມດ້ວຍຄະນະພັກ-ຄະນະນຳແຂວງ ກໍ່ຄື ອົງການປົກຄອງເມືອງຈອມເພັດ ໃຫ້ການຕ້ອນ ຮັບຢ່າງອົບອຸ່ນ.

ອ່ານເພີ່ມເຕີມ...

ວາງ​ສະ​ແດງ​ຮູບ​ພາບ ສະ​ຫລອງວັນ​ເກີດປະ​ທານ ສຸ​ພາ​ນຸ​ວົງ ຄົບ​ຮອບ 110 ປີ

ຂປລ. ໃນວັນທີ 12 ກໍລະກົດ 2019 ທີ່ຫໍພິພິທະພັນ ໄກສອນ ພົມວິຫານ ນະຄອນຫລວງວຽງຈັນ, ໄດ້ມີພິທີເປີດວາງສະແດງຮູບພາບ, ເອກະສານ ພາຍໃຕ້ຫົວຂໍ້ “ປະທານ ສຸພານຸວົງ ກັບວຽກງານແນວໂຮມແຫ່ງຊາດ” ໂດຍການເຂົ້າຮ່ວມຂອງ ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ, ມີບັນດາລັດຖະມົນຕີ, ຮອງລັດຖະມົນຕີ, ພະນັກງານອາວຸໂສບຳນານ, ຄອບຄົວລູກຫລານ, ອາດີດພະນັກງານຮັບໃຊ້, ໃກ້ສິດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ອ່ານເພີ່ມເຕີມ...

ວັນປ່ອຍປາ, ອະນຸລັກສັດນ້ຳ ແລະ ສັດປ່າແຫ່ງຊາດ ປີນີ້ຈະປ່ອຍປາ 50 ລ້ານໂຕ

ຂປລ. ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້ ກ່າວໃນພິທີປ່ອຍປາທ່ີຈັດຂຶ້ນຢູ່ອ່າງນ້ໍງຊ່ວງເມືອງ ນາຊາຍທອງ ນະຄອນຫລວງວຽງຈັນໂດຍ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ບັນດາທູຕານຸທູດ ແລະ ປະຊາຊົນ ເຂົ້າຮ່ວມໃນວັນທີ 13 ກໍລະກົດ 2019 ນີ້ວ່າ:

ອ່ານເພີ່ມເຕີມ...

ຈຳນວນຜູ້ຕິດເຊື້ອຈາກພະຍາດໄຂ້ຍຸງລາຍເພີ່ມຂຶ້ນ 284 ຄົນ

ຂປລ. ສູນວິເຄາະ ແລະ ລະບາດວິທະຍາກະຊວງສາທາລະນະສຸກ ໄດ້ລາຍງານໃນວັນທີ 9 ກໍລະກົດ 2019 ນີ້ວ່າກ່ຽວກັບຜູ້ຕິດເຊື້ອ ແລະ ເສຍຊີວິດຈາກພະຍາດໄຂ້ຍຸງລາຍມີທ່າອ່ຽງເພ່ີມຂ້ຶນຈາກ 11.928ຄົນ ເພ່ີມຂ້ຶນເປັນ 12.212 ຄົນ ແລະ ເສຍຊີວິດ 27 ຄົນ ເພີ່ມຂຶ້ນເປັນ 28 ຄົນ.

ອ່ານເພີ່ມເຕີມ...

ຄະນະກຸ່ມແມ່ຍິງອາຊຽນນະຄອນຫຼວງວຽງຈັນ ເດີນທາງໄປຢ້ຽມຢາມປະເທດໄທ

ຂປລ. ໃນວັນທີ 5 -7 ກໍລະກົດ 2019 ຄະນະກຸ່ມແມ່ຍິງອາຊຽນ ທີ່ນະຄອນຫລວງວຽງຈັນ (ກອຍວ)ນຳໂດຍທ່ານນາງ ອາລຸນີ ກົມມະສິດ ພັນລະຍາລັດຖະມົນຕີປະທານກິດຕິມະສັກສະຫະພັນແມ່ຍິງກະຊວງການຕ່າງປະເທດ, ປະທານກິດຕິມະສັກກຸ່ມແມ່ຍິງອາຊຽນ ທ່ີນະຄອນຫລວງວຽງຈັນ, ມີເອກອັກຄະລັດຖະທູດອາຊຽນ, ບັນດາພັນລະຍາທູດ, ນັກການທູດຍິງ ແລະ ພັນລະຍານັກການທູດຈາກບັນດາສະຖານເອກອັກຄະລັດຖະທູດປະເທດອາຊຽນ ປະຈຳ ສປປ ລາວ, ພ້ອມດ້ວຍນັກການທູດຍິງຂອງກະຊວງການຕ່າງປະເທດ ແຫ່ງ ສປປ ລາວ 22ທ່ານໄດ້ເດີນທາງຢ້ຽມຢາມ ແລະ ທັດສະນະສຶກສາຢູ່ແຂວງໜອງຄາຍ ແລະ ແຂວງອຸດອນທານີ ລາຊະອານາຈັກໄທ, ຕາມການເຊື້ອເຊີນຂອງທ່ານ ກຽດຕິຄຸນ ຊາດປຣະເສີດ ເອກອັກຄະຣາຊະທູດໄທ ປະຈຳສປປ ລາວ, ໂດຍໄດ້ຮັບກຽດໃຫ້ການຕ້ອນຮັບຢ່າງອົບອຸ່ນຈາກທ່ານ ຣົນນະໄຊ ຈິດວິເສດ ຜູ້ວ່າລາຊະການແຂວງໜອງຄາຍ ແລະ ທ່ານ ວັດທະນາ ພຸດທິຊາດ ຜູ້ວ່າລາຊະ ການແຂວງອຸດອນທານີ.

ອ່ານເພີ່ມເຕີມ...

ນາຍົກລັດຖະມົນຕີ ຕ້ອນຮັບອາສາສະໝັກຍີ່ປຸ່ນ ທີ່ປະຕິບັດໜ້າທີ່ຢູ່ລາວ

ຂປລ. ໃນວັນທີ 10 ກໍລະກົດ 2019 ທີ່ນະຄອນຫລວງວຽງຈັນ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບການເຂ້ົາຢ້ຽມຂ່ຳນັບຂອງອາສາສະໝັກປະເທດຍີ່ປຸ່ນ ທີ່ປະຕິບັດໜ້າທີ່ຢູ່ ສປປ ລາວ ປະຈຳປີ 2019. ໃນໂອກາດດັ່ງກ່າວ, ທ່ານນາງ ສີສົມບູນ ອຸນາວົງ ຫົວໜ້າກົມຮ່ວມມືກະຊວງແຜນການ ແລະ ການລົງທຶນໄດ້ລາຍງານໃຫ້ຮູ້ວ່າ: ນັບແຕ່ປີ 1965 ຈົນເຖິງປັດຈຸບັນອົງການໃຈກາ (JICA) ໄດ້ສົ່ງອາສາສະໝັກຫລາຍກວ່າ 1.004 ຄົນ ທີ່ໄດ້ມາປະກອບສ່ວນໃນການຈັດຕັ້ງປະຕິບັດໜ້າທ່ີວຽກງານຂອງຕົນຢູ່ໃນຂອບເຂດທ່ົວປະເທດຂອງ ສປປ ລາວ ລວມທັງຢູ່ຂັ້ນສູນກາງ,ຂ້ັນແຂວງ, ຂ້ັນເມືອງ, ຍົກເວ້ັນແຂວງຜົ້ງສາລີ ແລະ ແຂວງຫົວພັນອັນເນ່ືອງມາຈາກການຄົມມະນາຄົມບໍ່ສະດວກ.

ອ່ານເພີ່ມເຕີມ...