ລາວຫາລືຂໍການສະໜັບສະໜູນຈາກຄູ່ຮ່ວມພັດທະນາສາກົນ ເພື່ອຕ້ານ novel Corona Virus

(ພາບປະກອບ)

ໃນວັນທີ 4 ມັງກອນ 2020, ກະຊວງສາທາລະນະສຸກ ໄດ້ຈັດກອງປະຊຸມຂໍການສະໜັບສະໜູນຈາກຄູ່ຮ່ວມພັດທະນາສາກົນ ເພື່ອຕ້ານພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ (novel Corona Virus) ຂຶ້ນທີ່ນະຄອນຫຼວງວຽງຈັນ.

ໂດຍການເປັນປະທານຂອງ ທ່ານ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ, ໂດຍມີທ່ານ ມາກ ເຈຄອບ (Dr Mark JACOBS) ຜູ້ຕາງໜ້າອົງການອະນາໄມໂລກ ປະຈຳ ສປປ ລາວ ແລະ ຜູ້ຕາງໜ້າຈາກຄູ່ຮ່ວມພັດທະນາສາກົນ ເຂົ້າຮ່ວມນຳດ້ວຍ.

ກອງປະຊຸມໄດ້ລາຍງານສະພາບການເກີດພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ດັ່ງກ່າວໃນທົ່ວໂລກ ແລະ ສະພາບການຢູ່ໃນ ສປປ ລາວ, ພ້ອມທັງໄດ້ນຳສະເໜີການຈັດຕັ້ງປະຕິບັດມາດຕະການຕ່າງໆທີ່ກະຊວງສາທາລະນະສຸກໄດ້ວາງອອກ ເພື່ອສະກັດກັ້ນ ແລະ ຄວບຄຸມພະຍາດດັ່ງກ່າວ ຄື: ວຽກງານຈຸດຜ່ານແດນ ແລະ ກັກກັນ ການເຝົ້າລະວັງ, ການວິເຄາະຫາເຊື້ອພະຍາດ, ປ້ອງກັນການຕິດເຊື້ອ, ຄຸ້ມຄອງກໍລະນີຄົນເຈັບ, ສື່ສານເພື່ອຫຼຸດຜ່ອນຄວາມສ່ຽງ, ວຽກພະລາທິການ, ແຜນການ ແລະ ການເງິນ.

ໃນໂອກາດນີ້, ທ່ານລັດຖະມົນຕີ ກະຊວງສາທາລະນະສຸກ ໄດ້ຮຽກຮ້ອງໃຫ້ຄູ່ຮ່ວມພັດທະນາສາກົນຈົ່ງໃຫ້ການສະໜັບສະໜູນຊ່ວຍເຫຼືອກະຊວງສາທາລະນະສຸກໃນສິ່ງທີ່ຈຳເປັນທາງການແພດເພື່ອໃຊ້ໃນກໍລະນີທີ່ອາດເກີດລະບາດຂອງພະຍາດັ່ງກ່າວຢູ່ລາວ.

ໂດຍສະເພາະແມ່ນເຄື່ອງມືທາງການແພດທີ່ໃຊ້ໃນການກວດວະເຄາະຫາເຊື້ອພະຍາດ ເພື່ອສະໜອງໃຫ້ບັນດາແຂວງທີ່ຍັງບໍ່ທັນມີເຄື່ອງມີຄົບຊຸດ, ເພື່ອຊ່ວຍກັນ, ສະກັດກັ້ນ ແລະ ຄວບຄຸມການແຜ່ລະບາດໃຫ້ປະຊາຊົນທົ່ວປະເທດລາວປອດໄພອີກດ້ວຍ.

Medialaos

ສປປ ລາວ ສົ່ງອອກໄຟຟ້າໄປຕ່າງປະເທດ ບັນລຸແລ້ວ 6.457 ເມັກກາວັດ

(ພາບປະກອບ)

ກອງປະຊຸມ ເປີດກວ້າງສະຫຼຸບການຈັດຕັ້ງປະຕິບັດແຜນພັດທະນາວຽກງານພະລັງງານ ແລະ ບໍ່ແຮ່ 5 ປີ ຄັ້ງທີ VIII (2016 – 2020).

ທ່ານ ຄຳມະນີ ອິນທິລາດ ລັດຖະມົນຕີ ກະຊວງພະລັງງານ ແລະ ບໍ່ແຮ່ ໃຫ້ຮູ້ວ່າ: ວຽກງານພະລັງງານແມ່ນເອົາໃຈໃສ່ເປັນພິເສດ ກ່ຽວກັບການແລກປ່ຽນພະລັງງານກັບປະເທດເພື່ອນມິດ ເປັນຕົ້ນແມ່ນ: ການສົ່ງອອກໄຟຟ້າໄປຈຳໜ່າຍຕ່າງປະເທດ ສາມາດບັນລຸໄດ້ແລ້ວ 6.457 ເມັກກາວັດ ເຊັ່ນ:

  • ສົ່ງອອກໄປຍັງປະເທດໄທແລ້ວ 5.620 ເມັກກາວັດ
  • ຂາຍໄປຍັງປະເທດຫວຽດນາມ 570 ເມັກກາວັດ
  • ຂາຍໄປຍັງປະເທດມຽນມາ ຜ່ານສາຍສົ່ງ 22kV ຈຳນວນ 10 ເມັກກາວັດ

ສ່ວນການເຊື່ອມໂຍງ ແລະ ຈຳໜ່າຍໄປຍັງຕະຫຼາດອາຊຽນ ໃນກຸ່ມປະເທດອາຊຽນ ຊຶ່ງ ສປປ ລາວຂອງພວກເຮົາ ແມ່ນເປັນປະເທດທຳອິນທີ່ໄດ້ລິເລີ່ມສົ່ງຂາຍໄຟຟ້າແບບເຊື່ອມໂຍງໃນກຸ່ມປະເທດອາຊຽນ ຫຼື ການເຊື່ອມໂຍງກັບພາກພື້ນ ປັດຈຸບັນໄດ້ສົ່ງອອກແລ້ວ 100 ເມັກກາວັດ ໂດຍຜ່ານປະເທດໄທ (ລາວ – ໄທ – ມາເລເຊຍ) ຊຶ່ງປີ 2020 ຈະສົ່ງໃຫ້ໄດ້ 300 ເມັກກາວັດ ພ້ອມດຽວກັນນີ້ ໄດ້ສືບຕໍ່ເຈລະຈາ ຊື້ – ຂາຍ ແລະ ເຊື່ອມໂຍງໄປຮອດປະເທດສິງກາໂປ.

ແຜນການໃນຕໍ່ໜ້າ:

  • ສຳລັບປະເທດໄທ ຄາດວ່າຮອດປີ 2022 ຈະສົ່ງຕື່ມອີກ 2 ໂຄງການ ຄື: ໂຄງການນ້ຳເທີນ 1 ສົ່ງອອກ 520 ເມັກກາວັດ ແລະ ໂຄງການນ້ຳງື່ມ 3 ສົ່ງອອກ 480 ເມັກກາວັດ ແລະ ຈະສືບຕໍ່ເຈລະຈາຊື້ – ຂາຍໄຟຟ້າ ແບບລັດຖະບານຕໍ່ລັດຖະບານ (G to G), ຊຶ່ງປີ 2020 – 2030 ໃຫ້ໄດ້ຄົບ 9.000 ເມັກກາວັດ, ຊຶ່ງລັດຖະບານໄທກໍໄດ້ຢັ້ງຢືນແລ້ວວ່າ ຈະຊື້ພະລັງງານໄຟຟ້າຈາກລາວໃຫ້ຄົບຈຳນວນ 9.000 ເມັກກາວັດ.
  • ສຳລັດປະເທດຫວຽດນາມ ໃນວັນທີ 4 ມັງກອນ 2020 ທີ່ຜ່ານມານີ້ ໄດ້ມີການເຊັນສັນຍາຊື້ – ຂາຍອີກຕື່ມ 5 ໂຄງການ ຄື: ໂຄງການນ້ຳກົງ 2, ໂຄງການນ້ຳກົງ 3, ໂຄງການນ້ຳອີມູນ, ໂຄງການນ້ຳຊັນ 3A ແລະ 3B. ກຳລັງຕິດຕັ້ງລວມ 363 ເມັກກາວັດ, ຊຶ່ງແຜນການຊື້ – ຂາຍພະລັງງານໄຟຟ້າກັບປະເທດຫວຽດນາມ ປີ 2020 ແມ່ນໃຫ້ໄດ້ 1.000 ເມັກກາວັດ, ຮອດປີ 2025 ໃຫ້ໄດ້ 3.000 ເມັກກາວັດ ແລະ ຮອດ 2030 ໃຫ້ໄດ້ 5.000 ເມັກກາວັດ.
  • ສຳລັບປະເທດມຽນມາ ຄາດວ່າປີ 2020 ຈະສົ່ງເພິ່ມອີກ 20 ເມັກກາວັດ, ຮອດປີ 2023 ຈະສົ່ງໃຫ້ໄດ້ 100 ເມັກກາວັດ ແລະ ຮອດປີ 2025 ຈະສົ່ງໃຫ້ໄດ້ 300 ເມັກກາວັດ.

Medialaos

ນາຍົກ ເນັ້ນໃຫ້ເອົາໃຈໃສ່ເຝົ້າລະວັງຄວບຄຸມ ປ້ອງກັນໄວຣັສ ໂຄໂຣນາ

(ທ່ານ ທອງລຸນ ສີສຸລິດ ນາ­ຍົກ­ລັດ­ຖະ­ມົນ­ຕີ ແຫ່ງ ສປປ ລາວ)

ກອງປະ­ຊຸມປຶກ­ສາຫາ­ລືວຽກງານຂອງຄະ­ນະສະ­ເພາະກິດເພື່ອປ້ອງກັນ,  ຄວບຄຸມ­ພະຍາດ ແລະ ແກ້ໄຂການແຜ່ລະ ບາດຂອງພະ­ຍາດອັກ­ເສບປອດ ຈາກເຊື້ອຈຸລະໂຣກສາຍພັນໃໝ່ ຫຼື ໄວຣັສໂຄໂຣນາ (NCoV) ໄດ້ຈັດຂຶ້ນໃນວັນທີ 3 ກຸມ­ພານີ້ ທີ່ສຳ­ນັກງານາ­ຍົກລັດ ຖະມົນ­ຕີ ໂດຍການເປັນປະ­ທານຂອງທ່ານ ສົມດີ ດວງດີ ຮອງນາ­ຍົກ ລັດ­ຖະ­ມົນ­ຕີລັດ­ຖະ­ມົນ­ຕີກະ ຊວງການເງິນ ທັງເປັນຫົວ­ໜ້າຄະ­ນະສະ­ເພາະກິດ ເພື່ອປ້ອງກັນ, ຄວບຄຸມ­ພະຍາດ ແລະ ແກ້ໄຂການລະ­ບາດຂອງພະ ຍາດອັກ­ເສບປອດຈາກເຊື້ອຈຸລະໂຣກສາຍພັນໃໝ່  ຊຶ່ງມີຄະ­ນະສະ­ເພາະກິດດັ່ງ­ກ່າວເຂົ້າຮ່ວມ. ໃນກອງປະ­ຊຸມດັ່ງ ກ່າວ, ທ່ານ ທອງລຸນ ສີສຸລິດ ນາ­ຍົກ­ລັດ­ຖະ­ມົນ­ຕີໄດ້ໃຫ້ກຽດເຂົ້າຮ່ວມ ແລະ ໂອ້ລົມ ຊຶ່ງທ່ານໄດ້ໃຫ້ທິດຊີ້ນຳໂດຍໄດ້ເນັ້ນໃຫ້ຄະ­ນະດັ່ງ­ກ່າວເອົາ­ໃຈ­ໃສ່ຫຼາຍວຽກງານສຳ­ຄັນ    ຊຶ່ງໃນນັ້ນແມ່ນ ການເລັ່ງໃຫ້ຄວາມຊ່ວຍ­ເຫຼືອ ແລະ  ອົບອຸ່ນຈິດ­ໃຈໃຫ້ກຳ­ລັງໃຈ ຄົນລາວທີ່ຍັງຢູ່ຈີນ.

   ທ່ານນາ­ຍົກ­ລັດ­ຖະ­ມົນ­ຕີໄດ້ກ່າວວ່າ: ລັດ­ຖະ­ບານລາວ ໄດ້ເອົາ­ໃຈ­ໃສ່ເຝົ້າລະ­ວັງ, ຄວບຄຸມປ້ອງກັນການລະ­ບາດຂອງພະ­ຍາດດັ່ງ­ກ່າວນັບຕັ້ງ­ແຕ່ເລີ່ມມີຂ່າວວ່າມີການລະ­ບາດຂອງ ພະ­ຍາດນີ້ ໂດຍກະ­ຊວງສາທາ ລະ­ນະສຸກເປັນເຈົ້າການໃນການ­ຈັດ­ຕັ້ງປະ­ຕິ­ບັດ  ຊຶ່ງໄດ້ຕິດ­ຕາມກວດ­ກາ ແລະ ມີມາດ ຕະ­ການຕ່າງໆ. ມາຮອດວັນທີ 27 ມັງ­ກອນຜ່ານມາ ລັດຖະ ບານໄດ້ຈັດປະ­ຊຸມສຸກເສີນກັບທຸກພາກ­ສ່ວນກ່ຽວ­ຂ້ອງ ເພື່ອສ້າງ­ຕັ້ງຄະ­ນະສະ­ເພາະກິດ ເພື່ອປ້ອງກັນ,  ຄວບຄຸມ­ພະຍາດ ແລະ ແກ້ໄຂການລະ­ບາດຂອງພະ­ຍາດອັກ­ເສບປອດຈາກເຊື້ອຈຸລະໂຣກສາຍພັນໃໝ່ຂຶ້ນ ແລະ ໄດ້ຮັບການລົງນາມແຕ່ງ ຕັ້ງໃນວັນທີ 3 ກຸມ­ພານີ້ ເພື່ອສືບ­ຕໍ່ປະ­ຕິ­ບັດວຽກງານປ້ອງກັນ,  ຄວບຄຸມ­ພະຍາດ ແລະ ແກ້ ໄຂການລະ­ບາດຂອງພະ­ຍາດ ໃຫ້ຈະ­ແຈ້ງຂຶ້ນໂດຍສະ­ເພາະກອງປະ­ຊຸມຄັ້ງນີ້ແມ່ນໄດ້ທົບ ທວນ­ຄືນ ແລະ ຈັດແບ່ງວຽກງານກັນຄືນ­ໃໝ່ໃຫ້ທັນກັນສະ­ພາບການກວ່າເກົ່າ   ຊຶ່ງປັດ­ຈຸ­ບັນລັດ ຖະບານກໍຄືພາກ­ສ່ວນກ່ຽວ ຂ້ອງໄດ້ເອົາ­ໃຈ­ໃສ່ກວດແລ້ວ ຍັງບໍ່ພົບເຫັນຜູ້ຕິດ­ເຊື້ອ ນັບແຕ່ວັນທີ 15 ມັງ­ກອນ -2 ກຸມ­ພາ 2020 ຢູ່ ສປປ ລາວ ມີ 13 ກໍລະ ນີສົງ­ໄສຢູ່ນະ­ຄອນ­ຫຼວງວຽງ ຈັນ 9 ກໍ­ລະ­ນີ ແຂວງບໍ່ແກ້ວ 2 ກໍ­ລະ­ນີ, ອຸ­ດົມໄຊ ແລະ ແຂວງສະ­ຫວັນນະເຂດ ແຂວງລະ 1 ກໍ­ລະ­ນີ (ຄົນຈີນ 4 ກໍ­ລະ­ນີ ແລະ ຄົນລາວ 9 ກໍ­ລະ­ນີ) ໄດ້ຮັບການສອບສວນ ແລະ ເກັບຕົວ­ຢ່າງທັງໝົດ 13 ຕົວ­ຢ່າງໃຫ້ຜົນລົບ 11 ຕົວ­ຢ່າງ ແລະ ຍັງອີກ 2 ຕົວ­ຢ່າງຍັງລໍ­ຖ້າຜົນກວດມາຮອດປັດ­ຈຸ­ບັນຢູ່ ສປປ ລາວ ຍັງບໍ່ພົບກໍ­ລະ­ນີຕິດ­ເຊື້ອຢູ່ລາວ ແລະ ປັດ­ຈຸ­ບັນນັກສຶກ­ສາລາວທີ່ຍັງອາ­ໄສຢູ່ ສປ ຈີນ 205 ຄົນ ໃນນັ້ນ ຍັງຢູ່ເມືອງອູຮັ້ນ ແຂວງຫູເປີຍ ຈໍານວນ 37 ຄົນຍັງມີສຸ­ຂະ­ພາບທີ່ແຂງ­ແຮງດີ ແລະ ປອດໄພດີ.  ເຖິງແນວ­ໃດກໍຕາມ, ລັດ­ຖະ­ບານກໍບໍ່ໄດ້ນິ້ງນອນໃຈໄດ້ສືບ­ຕໍ່ປຶກ­ສາຫາລືກໍານົດມາດຕະ­ການໃໝ່ຕື່ມອີກ, ອັນທີ່ຜ່ານມາຍັງບໍ່ທັນໄດ້ເຮັດ ໂດຍໄດ້ເນັ້ນໃຫ້ຄະ­ນະສະ­ເພາະກິດເອົາ­ໃຈ­ໃສ່ບາງດ້ານຕໍ່ການເຝົ້າລະ­ວັງປ້ອງກັນພະ­ຍາດ ເປັນ­ຕົ້ນແມ່ນຕ້ອງເອົາ­ໃຈ­ໃສ່ໂຄ­ສະ­ນາປະ­ຊາ­ສຳ­ພັນໃຫ້ປະ­ຊາ­ຊົນຮັບຮູ້ວິ­ທີການປ້ອງກັນພະ­ຍາດນີ້ຢ່າງກວ້າງ­ຂວາງ ແລະ ໂຄ­ສະ ນາການ  ພ້ອມນີ້ກໍໃຫ້ຄະ­ນະສະ ເພາະກິດເອົາ­ໃຈ­ໃສ່ຢ່າງຮັດ­ກຸມກວ່າເກົ່າ, ຊອກໃຫ້ເຫັນຄວາມເປັນຈິງໃນກໍ­ລະ­ນີພະ­ຍາດເກີດ ຂຶ້ນກໍໃຫ້ແຈ້ງຢ່າງລະ­ອຽດ  ເພື່ອ ຮັບມືແກ້ໄຂ  ພ້ອມກັນນີ້ກໍເອົາ ໃຈໃສ່ເຝົ້າລະ­ວັງ  ແລະ  ກວດ ກາໃນກໍ­ລະ­ນີທີສົງ­ໄສ ສໍາລັບ ນັກສຶກ­ສາຍັງຢູ່ ສປ ຈີນ ມອບໃຫ້ສະ­ຖານ­ທູດ ແລະ ກົງສູນ ໃຫ້­ການຊ່ວຍ­ເຫຼືອ ແລະ  ເບິ່ງ ແຍງຢ່າງໃກ້­ຊິດສະ­ເໜີໃຫ້ໂຮງ ໝໍມິດ­ຕະ­ພາບພາກຂະ­ຫຍາຍ ແລະ ໂຮງ­ໝໍສູນກາງ 103 ເປັນບ່ອນກະ­ກຽມຮອງຮັບປິ່ນ­ປົວ ໃນກໍ­ລະ­ນີທີ່ອາດຈະເກີດຂຶ້ນ.

   ສ່ວນການເຝົ້າລະ­ວັງ ແລະ ການ­ບົ່ງ­ມະ­ຕິດ້ານວິ­ເຄາະ ມີເຄືອຂ່າຍລະ­ບົບເຝົ້າລະ­ວັງ ໂດຍເຊື່ອມໂຍງກັບດ່ານເຂົ້າ-ອອກ, ສະ­ຖານ­ທີ່ບໍ­ລິ­ການສາ ທາລະ­ນະສຸກໃນທົ່ວປະ­ເທດ ແລະ ໃຫ້ຂ່າວແກ່ມວນຊົນທົ່ວ ໄປ ໃນການຕິດ­ຕໍ່ຫາສາຍດ່ວນ 166 ທີ່ສາ­ມາດໂທໄດ້ 24 ຊົ່ວ ໂມງ ຫຼື ເບີໂທຕິດ­ຕໍ່ (IHR) ເພື່ອລາຍງານ ແລະ ແກ້ຂໍ້ຂ້ອງໃຈ ພ້ອມທັງລາຍງານກໍ­ລະ­ນີສົງ­ໄສ ເພື່ອເຮັດການສອບສວນ-ກວດຫາພະ­ຍາດໄດ້ທັນເວ­ລາ,  ສ້າງລະ­ບົບຕິດ­ຕາມ  ແລະ  ກວດ­ຄືນຂ່າວລືກ່ຽວກັບກໍ­ລະ­ນີສົງ­ໄສເຮັດລາຍງານປະ­ຈຳວັນ  ແລະ ແລກ­ປ່ຽນຂໍ້ມູນຂ່າວ­ສານການເຝົ້າລະ­ວັງປະ­ຈຳວັນກັບແຂວງ ແລະ  ພາກ­ສ່ວນທີ່ກ່ຽວ­ຂ້ອງທົ່ວປະເທດ.  ສ່ວນການປ້ອງກັນການຕິດ­ເຊື້ອ ແລະ ການຄຸ້ມຄອງກໍ­ລະ­ນີໂຮງ­ໝໍສູນກາງໄດ້ກຳ­ນົດບ່ອນຮັບ­ຮອງ  ໃນການແຍກປ່ຽວກໍ­ລະ­ນີສົງ­ໄສມີ ໂຮງ­ໝໍ 103 ແລະ ໂຮງ­ໝໍມິດຕະ ພາບ ສຳ­ລັບແຂວງແມ່ນໂຮງ ໝໍແຂວງເປັນບ່ອນຕິດຕາມ. ສ່ວນຢູ່ຈຸດຜ່ານແດນດ່ານຂາເຂົ້າ-ອອກນັ້ນໄດ້ແຕ່ງ­ຕັ້ງພະ ນັກງານແພດປະຈໍາຢູ່ດ່ານສາ ກົນທົ່ວປະ­ເທດ ເພື່ອກັ່ນກອງຜູ້­ໂດຍ­ສານເດີນ­ທາງເຂົ້າມາກໍ ລະນີມີໄຂ້  ຫຼື  ເດີນ­ທາງມາຈາກເຂດທີ່ມີການລະ­ບາດຈະໄດ້ສອບຖາມປະ­ຫວັດຢ່າງລະ­ອຽດ ເພື່ອຈະຕິດ­ຕາມອາ­ການພາຍໃນ 14 ວັນຕິດຕັ້ງເຄື່ອງວັດ­ແທກອຸນ­ຫະ­ພູມຢູ່ດ່ານສາ­ກົນທົ່ວປະເທດ.  ນອກນີ້ຍັງໄດ້ຕັ້ງເຄື່ອງແທກອຸນ­ຫະ­ພູມຍິງແສງອິນຟຣາເຣດ   27   ດ່ານສາ­ກົນວຽກງານປະ­ສານງານໄດ້ເປີດຫ້ອງປະ­ຕິ­ບັດງານເຫດ­ການສຸກເສີນດ້ານສາ­ທາ­ລະ­ນະສຸກ   ເພື່ອປຶກ­ສາຫາ­ລືຮ່ວມກັບບັນ­ດາກົງສູນ ແລະ ອົງ­ການຈັດຕັ້ງສາ­ກົນທຸກໆວັນ ໃນກອງປະ­ຊຸມຄະ­ນະສະ­ເພາະກິດຍັງໄດ້ປຶກ­ສາຫາ­ລືວາງແຜນ­ການປະ­ສານງານກັນຢ່າງລະ­ອຽດເພີ່ມຕື່ມ ເພື່ອເຮັດໃຫ້­ການເຝົ້າລະ­ວັງການຕອບໂຕ້ ແລະ ຮັບມືພະ­ຍາດດັ່ງ­ກ່າວໃຫ້ທັນກັບສະ­ພາບການ.

Medialaos

ແຈ້ງການ ກົມໃຫຍ່ຕຳຫຼວດ ກ່ຽວກັບ ການກວດກາ ແລະ ກັກຊົ່ວຄາວລົດ-ຄົນຈີນ ຈາກເມືອງອູ່ຮັ່ນ ເຂົ້າ ສປປ ລາວ

ແຈ້ງການ ກົມໃຫຍ່ຕຳຫຼວດ ກ່ຽວກັບ ໃຫ້ກວດກາລົດ ແລະ ກັກຊົ່ວຄາວລົດ-ຄົນຈີນ ທີ່ເດິນທາງມາຈາກເມືອງອູ່ຮັ່ນ ປະເທດຈີນ ເຂົ້າມາ ສປປ ລາວ, ເພື່ອກວດກາ ແລະ ປ້ອງກັນສະກັດ, ກັ້ນພະຍາດລະບາດເຊື້ອໄວຣັດໂຄໂຣນາສາຍພັນໃໝ່.

Medialaos

ການບິນລາວ ໂຈະຖ້ຽວບິນແບບເໝົາໄປຈີນ 5 ເສັ້ນທາງ ພ້ອມທັງສົ່ງທີມແພດ 50 ທ່ານ ປະຈຳ 2 ຈຸດ

(ພາບປະກອບ)

ລັດວິສາຫະກິດການບິນລາວ ໄດ້ໂຈະສາຍການບິນທີ່ບິນຈາກ ສປປ ລາວ ຫາ ສປ ຈີນ ສຳລັບຖ້ຽວບິນແບບເໝົາໄປແລ້ວ 5 ເສັ້ນທາງ ແລະ ກຽມຫຼຸດຖ້ຽວບິນປົກກະຕິລົງຕື່ມ.

ດ້ານກະຊວງສາທາລະນະສຸກ ໄດ້ສະໜອງອຸປະກອນທີ່ຈຳເປັນຕ່າງໆ ລວມທັງແຕ່ງຕັ້ງທີມແພດ 50 ຄົນ ປະຈຳຢູ່ສະໜາມບິນ ແລະ ດ່ານຂົວມິດຕະພາບ 1.

ສ່ວນສະຖານະການຢູ່ຈີນ ມາຮອດວັນທີ 31 ມັງກອນ ມີຜູ້ຕິດເຊື້ອເພິ່ມຂຶ້ນເປັນ 11.791 ກໍລະນີ, ເສຍຊີວິດ 259 ຄົນ ແລະ ສາມາດປິ່ນປົວດີແລ້ວອອກໂຮງໝໍ ຈຳນວນ 243 ຄົນ.

ທ່ານ ບຸນມາ ຈັນທະວົງສາ ຜູ້ອຳນວຍການໃຫຍ່ລັດວິສາຫະກິດການບິນລາວ ໄດ້ໃຫ້ສຳພາດ ໃນວັນທີ 30 ມັງກອນ 2020 ນີ້ວ່າ: ຈຳນວນສາຍການບິນແບບເໝົາທີ່ໂຈະໄປແລ້ວມີ ວຽງຈັນ - ຊາງໂຈ, ວຽງຈັນ - ຫາງໂຈ, ວຽງຈັນ - ຊຽງໄຮ, ຫຼວງພະບາງ - ຊຽງໄຮ້ ແລະ ຫຼວງພະບາງ - ຊຽງຮຸ່ງ ຖ້ຽວບິນແບບນີ້ເປັນຖ້ຽວບິນແບບເໝົາການບໍລິການຂອງ ບໍລິສັດທ່ອງທ່ຽວຈີນ, ພາຍຫຼັງມີການແຜ່ລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ຫຼື ໄວຣັດໂຄໂຣນາ ຢູ່ເມືອງອູຫັ້ນ ແຂວງຫູເປິ່ຍ ສປ ຈີນ. ລັດຖະບານຈີນກໍໄດ້ອອກແຈ້ງການຫ້າມເອົານັກທ່ອງທ່ຽວຈີນອອກນອກປະເທດ, ສະນັ້ນ ບໍລິສັດທ່ອງທ່ຽວຂອງຈີນ ຈຶ່ງໄດ້ເຮັດຈົດໝາຍຂໍຮ້ອງມາຍັງການບິນລາວ ເພື່ອຂໍຢຸດຕິສາຍການບິນດັ່ງກ່າວນັ້ນ, ໃນຂະນະດຽວກັນກໍກຳລັງຕິດຕາມອີກ 3 ເສັ້ນທາງ ຄື: ວຽງຈັນ - ຊາງສາ, ວຽງຈັນ - ເສີນຕູ ແລະ ຫຼວງພະບາງ - ຊາງສາ ເຊິ່ງປັດຈຸບັນຍັງບໍ່ທັນມີຈົດໝາຍຈາກບໍລິສັດທ່ອງທ່ຽວຈີນ ເພື່ອຂໍໂຈະສາຍການບິນເຫຼົ່ານີ້ເທື່ອ.

ສຳລັບຖ້ຽວບິນປົກກະຕິ ທີ່ມີຕາຕະລາງບິນຈາກ ສປປ ລາວ ໄປ ສປ ຈີນ ແມ່ນມີສອງເສັ້ນທາງ ຄື: ວຽງຈັນ - ຄຸນໝິງ ໂດຍບິນ 1 ຖ້ຽວຕໍ່ວັນ ແລະ ວຽງຈັນ - ກວາງໂຈ ບິນ 3 ຖ້ຽວຕໍ່ອາທິດ. ມາຮອດປັດຈຸບັນເຫັນວ່າ ຈຳນວນຜູ້ໂດຍສານແມ່ນຫຼຸດລົງ, ສະນັ່ນ ມີຄວາມເປັນໄປໄດ້ວ່າຈະໄດ້ຫຼຸດຖ້ຽວບິນທັງສອງເສັ້ນທາງລົງ ຈາກມື້ລະຖ້ຽວມາເປັນ 3 ຖ້ຽວຕໍ່ອາກທິດ ສຳລັບ ວຽງຈັນ - ຄຸນໝິງ ແລະ ຈາກ 3 ຖ້ຽວຕໍ່ອາທິດ ຫຼຸດລົງເຫຼືອ 2 ຖ້ຽວຕໍ່ອາທິດ ສຳລັບ ວຽງຈັນ - ກວາງໂຈ ຄາດວ່າຈະເລີ່ມຈັດຕັ້ງປະຕິບັດໃນອາທິດໜ້າເປັນຕົ້ນໄປ.

ສຳລັບສາຍການບິນຂອງຈີນທີ່ບິນມາລາວ ກໍມີຫຼາຍຖ້ຽວໃນແຕ່ລະມື້ ແຕ່ວ່າມາຮອດປັດຈຸບັນນີ້ ເຫັນວ່າໄດ້ຢຸດໄປຫຼາຍຖ້ຽວແລ້ວ ແລະ ເກືອບບໍ່ມີສາຍການບິນຈີນບິນມາລາວ.

ສປປ ລາວ ມີຖ້ຽວບິນໄປຫາ ສປ ຈີນ ທັງໝົດ 9 ເສັ້ນທາງ ຄື: ຄຸນໝິງ, ກວາງໂຈ, ຊາງໂຈ, ຊາງສາ, ຊຽງໄຮ້, ເວີນໂຈ, ເສີນຕູ ແລະ ຈາກນະຄອນຫຼວງພະບາງ ໄປຫາ ຊາງສາ ແລະ ຊຽງຮຸ່ງ.

Medialaos

ສະໜາມບິນສາກົນວັດໄຕ ເພິ່ມທະວີການກວດກາ ຜູ້ເຂົ້າອອກ ແລະ ຍົກເລິກຖ້ຽວບິນໄປຈີນບາງເສັ້ນທາງຊົ່ວຄາວ

(ພາບປະກອບ)

ປັດຈຸບັນ ສປປ ລາວ ຍັງບໍ່ທັນພົບການຕິດເຊື້ອພະຍາດອັກເສບປອດສາຍພັນໃໝ່ ໂຄໂຣນາ ທີ່ເກີດ ຢູ່ເມືອງ ອູຮັ່ນ, ສປ ຈີນ. ແຕ່ທາງການລາວກໍໄດ້ເພິ່ມທະວີການເຝົ້າລະວັງຕິດຕາມ ແລະ ສະກັດກັ້ນພະຍາດດັ່ງກ່າວ, ໂດຍສະເພາະແມ່ນດ່ານສາກົນຕ່າງໆ, ດັ່ງສະໜາມບິນສາກົນວັດໄຕ ໄດ້ເພິ່ມທະວີການກວດກາຜູ້ເຂົ້າ-ອອກ ຢ່າງເຂັ້ມງວດ ແລະ ໄດ້ອອກແຈ້ງການຍົກເລິກຖ້ຽວບິນຊົ່ວຄາວຫຼາຍສາຍຈາກນະຄອນຫຼວງວຽງຈັນ ໄປຫາ ສປ ຈີນຄື: ວຽງຈັນ-ຊາງໂຈ, ວຽງຈັນ-ຫາງໂຈ ແລະ ວຽງຈັນ-ຊຽງໄຮ້ ແລະ ເຮັດໃຫ້ມີນັກທ່ອງທ່ຽວຈີນຕົກຄ້າງເປັນຈຳນວນຫຼາຍ.

ພາບປະກອບ

ສປປ ລາວ ມີຖ້ຽວບິນໄປຈີນທັງໝົດ 9ເສັ້ນທາງຄື: ຄຸນໝິງ, ກວາງໂຈ, ຫາງໂຈ, ຊາງສາ, ຊຽງໄຮ້, ເວີນໂຈ ແລະ ເສີນຕູ, ຈາກນະຄອນຫຼວງພະບາງ ໄປຫາ ຊາງສາ ແລະ ຊຽງຮຸ່ງ. ເພື່ອສະກັດກັ້ນການແຜ່ລະບາດ, ສະໜາມບິນໄດ້ເປັນເຈົ້າການໃນການຈັດຕັ້ງປະຕິບັດກວດກາຜູ້ໂດຍສານທີ່ມາຈາກຕ່າງປະເທດ, ໂດຍສະເພາະເດິນທາງມາຈາກ ສປ ຈີນ, ໂດຍການຮ່ວມມີກັບກະຊວງສາມາລະນະສຸກຕິດຕັ້ງອຸປະກອນ ແລະ ການກວດກາຜູ້ໂດຍສານທີ່ເຂົ້າ-ອອກ ສປປ ລາວ, ຕິດຕັ້ງເຄື່ອງເຕີໂມສະແກນ (ເຄື່ອງສະແກນວັດແທກອຸນຫະພູມ) ເປັນທີ່ຮຽບຮ້ອຍ, ພ້ອມທັງໄດ້ຕິດຕັ້ງບ່ອນລ້າງມື ແລະ ນ້ຳຢາຂ້າເຊື້ອໃຫ້ກັບຜູ້ໂດຍສານ ແລະ ໄດ້ເນັ້ນໃຫ້ພະນັກງານເອົາໃຈໃສ່ປ້ອງກັນເຊື້ອພະຍາດ, ໂດຍການໃສ່ໜ້າກາກ. ປັດຈຸບັນມີສານການບິນທັງໝົດ 18 ສາຍ ໃນນັ້ນໄດ້ມີສາຍການບິນໂດຍກົງຈາກ ສປ ຈີນ ວັນລະ 2 ຖ້ຽວ.

ຜູ້ອຳນວຍການໃຫຍ່ ລັດວິສາຫະກິດດັ່ງກ່າວໃຫ້ນຮຸ້ອີກວ່າ: ໄລຍະນີ້ ຈຳນວນນັກທ່ອງທ່ຽວຈີນໄດ້ຫຼຸດລົງ ແຕ່ກໍຍັງມີນັກທ່ອງທ່ຽວປະເທດໃກ້ຄຽງ ທີເດິນທາງເຂົ້າມາເປັນຈຳນວນຫຼາຍ, ສະນັ້ນ ເພື່ອຮອງຮັບຜູ້ໂດຍສານ ພາຍຫຼັງການຫຼຸດຖ້ຽວບິນຈາກ ສປ ຈີນ ຊົ່ວຄາວ, ລັດວິສາຫະກິດການບິນລາວພວກເຮົາ ກໍໄດ້ເພິ່ມຈຳນວນຖ້ຽວບິນສາຍອື່ນ, ໂດຍສະເພາະແມ່ນສານການບິນພາຍໃນປະເທດ ເພື່ອອຳນວຍຄວາມສະດວກແກ່ຜູ້ມາໃຊ້ບໍລິການ.

Medialaos

ປຶກສາຫາລືກ່ຽວກັບໂຄສະນາວຽກງານການປ່ຽນແປງດິນຟ້າອາກາດ ແລະ ສິ່ງແວດລ້ອມ

ວັນທີ 29/01/2020 ໂດຍການເປັນປະທານ ທ່ານ ສະຫວັນຄອນ ຣາຊະມຸນຕີ ຮອງລັດຖະມົນຕີ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ທ່ານ ປອ. ໄຊນະຄອນ ອິນທະວົງ ຮອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ພ້ອມດ້ວຍ ບັນດາຫົວໜ້າກົມ, ຫົວໜ້າບັນນາທິການ ແລະ ພະນັກງານກ່ຽວຂ້ອງເຂົ້າຮ່ວມ.

ຈຸດປະສົງຂອງການພົບປະຄັ້ງນີ້ ເພື່ອປຶກສາຫາລືກ່ຽວກັບກົນໄກການຮ່ວມື ແລະ ການປະສານໃນການສະໜອງຂໍ້ມູນຂ່າວສານໃຫ້ແກ່ສື່ມວນຊົນ ເພື່ອໂຄສະນາໃຫ້ແກ່ວຽກງານສິ່ງແວດລ້ອມ

ໂດຍສະເພາະແມ່ນ ສະພາບການປ່ຽນແປງດິນຟ້າອາກາດ ເປັນຕົ້ມແມ່ນ: ສະພາບຝຸ່ນລະອອງທີ່ມີຂະໜາດ 2.5 ໄມໂຄຼກຼາມ (PM 2.5) ຜ່ານທາງສື່ມວນຊົນ ເພື່ອສະໜອງຂໍ້ມູນຂ່າວສານ ແລະ ຄວາມຮູ້ກ່ຽວກັບບັນຫາດັ່ງກ່າວ ໃຫ້ແກ່ສັງຄົມຢ່າງທັນການ.

Medialaos

 

 

ສາທາ ແຈ້ງຍັງບໍ່ພົບຜູ້ຕິດເຊື້ອ ຂໍໃຫ້ປະຊາຊົນຈົ່ງມີສະຕິປ້ອງກັນຕົວ

ກະຊວງສາທາລະນະສຸກ ແຈ້ງໃຫ້ປະຊາຊົນຈົ່ງມີສະຕິໃນການເບິ່ງຂ່າວ ພ້ອມທັງຕິດຕາມສະຖານະການຢ່າງໃກ້ຊິດ ລວມທັງປ້ອງກັນຕົວເອງຢູ່ຕະຫຼອດເວລາ ເຖິງວ່າປັດຈຸບັນຍັງບໍ່ພົບຜູ້ຕິດເຊື້ອພະຍາດອັກເສບປອດຈາກເຊື້ອຈຸລະໂລກ ໂຄໂຣນາສາຍພັນໃໝ່ (nCoV) ຢູ່ລາວກໍຕາມ.

(ພາບປະກອບ)

ສປປ ລາວ ຍັງບໍ່ມີລາຍງານກໍລະນີຜູ້ຕິດເຊື້ອ ເຖິງຢ່າງໃດກໍຕາມ ທາງກະຊວງສາທາລະນະສຸກ ໄດ້ເຝົ້າລະວັງສະຖານະການຢ່າງໃກ້ຊິດ ໂດຍການກຳນົດຈຸດປະສານງານໃນການຈັດຕັ້ງປະຕິບັດມາດຕະການກະກຽມຄວາມພ້ອມ.

ບັນດາດ່ານສາກົນໄດ້ມີການໃຫ້ຂໍ້ມູນ – ຂ່າວສານແກ່ຜູ້ໂດຍສານຂາເຂົ້າ ແລະ ມີການກຽມຄວາມພ້ອມຂອງທີມແພດເຝົ້າລະວັງໃນການຄັດກອງຜູ້ໂດຍສານທີ່ເດີນທາງຈາກປະເທດທີ່ມີລາຍງານການລະບາດ, ບັນດາໂຮງໝໍໄດ້ມີການກະກຽມຫ້ອງດ່ຽວ, ອຸປະກອນປ້ອງກັນຕົວເອງ ພ້ອມທັງການກຽມຄວາມພ້ອມໃຫ້ແກ່ພະນັກງານແພດໝໍດ້ານວຽກງານປິ່ນປົວ, ການກັນ ແລະ ຄວບຄຸມການຕິດເຊື້ອ ລວມທັງຍົກລະດັບກະກຽມຫ້ອງວິເຄາະທີ່ສາມາດກວດຫາເຊື້ອຈຸລະໂລກດັ່ງກ່າວໃນ ສປປ ລາວ ພາຍໃນ 24 ຊົ່ວໂມງ.

ສຳລັບກໍລະນີມີຂ່າວທາງສື່ອອນລາຍວ່າ ພົບນັກສຶກສາລາວຕິດເຊື້ອພະຍາດອັກເສບປອດສາຍພັນໃໝ່ແມ່ນບໍມີມູນຄວາມຈິງ ເຊິ່ງເປັນພຽງການປ້ອງກັນເບື້ອງຕົ້ນ ເນື່ອງຈາກວ່າຜູ້ກ່ຽວມີອາການໄຂ້ຫວັດເທົ່ານັ້ນ ທາງໂຮງໝໍຈຶ່ງໄດ້ໃຊ້ຊຸດເພື່ອປ້ອງກັນລ່ວງໜ້າ.

ສຳລັບຫາງສຽງ ວ່າມີກໍລະນີເກີດຂຶ້ນທີ່ໂຮງໝໍມິດຕະພາບແມ່ນບໍ່ມີຄວາມຈິງ, ຫາກບຸກຄົນໃດມີອາການສຸ່ມສ່ຽງໃຫ້ພົບແພດທັນທີ ຫຼື ສາມາດໂທຫາສາຍດ່ວນ 166 ໄດ້ຕະຫຼອດເວລາ 24 ຊົ່ວໂມງ.

Medialaos