ເພື່ອເປັນການ ຂຳນັບຮັບຕ້ອນ ກອງປະຊຸມໃຫຍ່ກຳມະບານກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຄັ້ງທີ VII ເຊິ່ງຈະໄດ້ຈັດຂື້ນໃນວັນທີ 26/02/2015 ນີ້.

ໜ່ວຍກຳມະບານຮາກຖານຫໍສະໝຸດແຫ່ງຊາດໄດ້ສ້າງຂະບວນການຕ້ອນຮັບກອງປະຊຸມໃຫຍ່ດັ່ງກ່າວ ຂື້ນໃນວັນທີ 13/02/2015 ເລີ່ມແຕ່ເວລາ 9:00 ໂມງ

ຄະນະກຳມະບານຫໍສະໝຸດແຫ່ງຊາດກໍ່ໄດ້ນຳພາສະມາຊິກອອກແຮງງານລວມ ຫຼັງຈາກນັ້ນກໍ່ໄດ້ເຄື່ອນໄຫວແຂ່ງຂັນກິລາເປຕັງລະຫວ່າງທິມງານຂອງແຕ່ລະຂະແໜງການພາຍໃນຫໍສະໝຸດແຫ່ງຊາດ  ລວມທັງໝົດໄດ້ 8 ທີມ ປະກອບມີ 1. ທີມຄະນະອຳນວຍການ, 2. ທີມຂະແໜງບໍລິຫານ, 3. ທີມຂະແໜງຂົນຂວາຍ, 4. ທີມຂະແໜງວິເຄາະ, 5. ທີມຂະແໜງບໍລິການການອ່ານ, 6. ທີມຂະແໜງສົ່ງເສີມການອ່ານ, 7. ທີມຂະແໜງໃບລານ ແລະ 8. ທີມນັກສຶກສາຝຶກງານ,  ເພື່ອຊິງຂອງລາງວັນຈາກຄະນະໜ່ວຍກຳມະບານຂອງຕົນ. ຜົນຂອງການແຂ່ງຂັນປະກົດວ່າ ທີ 1 ແມ່ນທີມຂະແໜງສົ່ງເສີມການອ່ານ, ທີ 2 ແມ່ນ ທີມຂະແໜງໃບລານ ແລະ ທີ 3 ແມ່ນທີມຄະນະອຳນວຍການ ຈາກນັ້ນພວກເຮົາກໍ່ໄດ້ຈັດພາເຂົ້າສາມັກຄີ ແລະ ມອບຮັບລາງວັນໃຫ້ທັງ 3 ທີມ ຢ່າງຟົດຟື້ນ ແລະ ເບີກບານມ່ວນຊື່ນ.