3 ອົງການຈັດຕັ້ງ ຖວທ ລະດົມນໍ້າໃຈເພຶ່ອຊ່ວຍເຫລືອຜູ້ປະສົບໄພນ້ຳຖ້ວມ

ເພື່ອເປັນການປະກອບສ່ວນລະດົມການຊ່ວຍເຫຼືອຈາກພາກສ່ວນຕ່າງໆໄປຍັງຜູ້ປະສົບໄພນ້ຳຖ້ວມບັນດາແຂວງພາກກາງ ແລະພາກໃຕ້ຂອງລາວ ສາມອົງການຈັດຕັ້ງມະຫາຊົນ ກະຊວງຖະແຫຼງຂ່າວ,ວັດທະນາທຳ ແລະທ່ອງທ່ຽວ ສ້າງຂະບວນການລະດົມ ແລະຮັບການບໍລິຈາກ ຈາກກົມກອງອ້ອມຂ້າງກະຊວງ ແລະພາກສ່ວນຕ່າງໆ ຢູ່ທີ່ຫໍວັດທະນາທຳແຫ່ງຊາດ ເປັນກຽດເຂົ້າຮ່ວມໃນຂະບວນການລະດົມການຊ່ວຍເຫຼືອຄັ້ງນີ້ມີທ່ານ ບົວເງິນ ຊາພູວົງ ຮອງລັດຖະມົນຕີກະຊວງກະແຫຼງຂ່າວ,ວັດທະນາທຳ ແລະທ່ອງທ່ຽວ,

ຊຶ່ງທ່ານໄດ້ຕີລາສູງ ແລະຊົມເຊີຍຕໍ່ນຳ້ໃຈອັນດີງາມຂອງທຸກພາກສ່ວນທີ່ໄດ້ຫຼັງໄຫຼຮ່ວມປະກອບສ່ວນໃນການຊ່ວຍເພື່ອບັນເທົ່າທຸກຜູ້ປະສົບໄພນ້ຳຖ້ວມການລະດົມນ້ຳໃຈເພື່ອຊ່ວຍເຫຼືອຜູ້ປະສົບໄພນ້ຳຖ້ວມຂອງ 3 ອົງການຈັດຕັ້ງມະຫາຊົນຄັ້ງນີ້ແມ່ນພາຍໃຕ້ການຊີ້ນຳຂອງຄະນະນຳກະຊວງຖະແຫຼງຂ່າວ,ວັດທະນະທຳ ແລະທ່ອງທ່ຽວ ເພື່ອລະດົມທຸກພາກສ່ວນທີ່ມີນ້ຳໃຈປະກອບສ່ວນ,ໂດຍສະເພາະແມ່ນ3 ອົງການຈັດຕັ້ງແຕ່ລະພາກສ່ວນທີ່ຂື້ນກັບກະຊວງ ແລະພາກສ່ວນອື່ນໆທັງອົງການຈັດຕັ້ງ ແລະບຸກຄົນ 40ກວ່າພາກສ່ວນ ໄດ້ນຳເອົາເຄື່ອງບໍລິໂພກ, ອຸປະໂພກ ແລະເງິນຈຳນວນໜຶ່ງ ມາມອບໃຫ້ແກ່ ສາມອົງການຈັດຕັ້ງມະຫາຊົນ ກະຊວງຖະແຫຼງຂ່າວ,ວັດທະນາທຳ ແລະທ່ອງທ່ຽວ ທີ່ຈະເປັນຂົວຕໍ່ ນຳເອົາເຄື່ອງດັ່ງກາ່ວໄປມອບໃຫ້ຜູ້ປະສົບໄພນ້ຳຖ້ວມເຄື່ອງອຸປະໂພກບໍລິໂພກທີ່ລະດົມໄດ້ໃນຄັ້ງນີ້ປະກອບມີເຂົ້າສານອາຫານແຫ້ງ, ນ້ຳ ແລະເຄື່ອນຸ້ງຫົ່ມ,ເຄື່ອງໃຊ້ຄົວກິນທີ່ໄດ້ຮັບແມ່ນປະມານ 2 ລົດບັນທຸກ 6 ລໍ້, ຊຶ່ງເຄື່ອງຈຳນວນດັ່ງກ່າວຕາງໜ້າສາມອົງການຈັດຕັ້ງມະຫາຊົນ ກະຊວງຖະແຫຼງຂ່າວ,ວັດທະນາທຳ ແລະທ່ອງທ່ຽວ ຈະນຳໄປຈັດສັນແລ້ວເດີນທາງໄປມອບຕໍ່ໃຫ້ຜູ້ປະສົບໄພນໍ້າຖວ້ມໃນວັນທີ 20ກັນຍານີ້ຢູ່ແຂວງພາກກາງ ແລະພາກໄຕ້ເພື່ອ ຊ່ວຍເຫຼືອບັນເທົາ ແລະແກ້ໄຂຊີວິດການເປັນຢູ່ຂອງຜູ້ປະສົບໄພດ້ວຍຄວາມເປັນຫວ່ງເປັນໄຍ.