ບໍ່ມີການປະເຊີນໜ້າຢູ່ເຂດຊາຍແດນ ລາວ-ກຳປູເຈຍ ສອງຝ່າຍຢຶດໝັ້ນແກ້ໄຂຕາມແນວທາງສັນຕິວິທີ

ເນື່ອງຈາກໃນອາທິດທີ່ຜ່ານມາໄດ້ມີກະແສຂ່າວປອມທີ່ແຜ່ກະຈາຍໃນສື່ອອນລາຍ ກ່ຽວກັບສະຖານະການຄວາມບໍ່ສະຫງົບ ໃນບໍລິ ເວນຊາຍແດນ ລາວ - ກໍາປູເຈຍ ເຂດ ຍອດ ເຊລໍາເພົາເບື້ອງລາວຂຶຶ້ນ ກັບເມືອງມູນລະປະໂມກ ແຂວງ ຈໍາປາສັກເບື້ອງກຳປູເຈຍ ຂຶ້ນກັບເມືອງແສບ ແຂວງເພຣຍວິເຮຍ.

ຕໍ່ກໍລະນີດັ່ງກ່າວ ໃນວັນທີ 27 ສິງຫານີ້ ທີ່ກະຊວງການຕ່າງປະເທດທ່ານ ອານຸສິນ ຂັດຕິຍະລາດ ຮອງຫົວໜ້າຫ້ອງການຄະນະກຳ ມະການຊາຍແດນແຫ່ງຊາດໄດ້ຕາງ ໜ້າໃຫ້ຫ້ອງການຄະນະກຳມະ ການຊາຍແດນແຫ່ງຊາດ, ກະຊວງການຕ່າງປະເທດແຈ້ງໃຫ້ ຊາບວ່າ: ບໍລິເວນດັ່ງກ່າວແມ່ນ ຢູ່ໃນສະພາວະປົກກະຕິ, ບໍ່ມີການປະເຊີນໜ້າກັນ, ບໍ່ມີຄວາມເຄັ່ງຕຶງ, ບໍ່ມີບັນຫາຮ້າຍແຮງ, ບໍ່ມີ ການປະທະກັນດ້ວຍກຳລັງ ແລະ ບໍ່ມີເຫດການທີ່ບໍ່ເພິ່ງປາ ຖະໜາເກີດຂຶ້ນແຕ່ປະການໃດ. ທ່ານ ອານຸສິນ ຂັດຕິຍະ ລາດຍັງໄດ້ ຢັ້ງຢືນວ່າ: ບັນຫາຊາຍແດນ ລາວ - ກໍາປູເຈຍ ບໍ່ໄດ້ເປັນດັ່ງທີ່ສື່ບາງແຫ່ງ ທັງພາຍໃນ ແລະ ຕ່າງປະເທດທີ່ໄດ້ອອກຂ່າວຜ່ານທາງ ສື່ອອນລາຍ ໃນໄລຍະຜ່ານມາ ຊຶ່ງເປັນພຽງການສ້າງສະຖານະການເພື່ອເຮັດໃຫ້ສອງປະເທດ ລາວ - ກໍາປູເຈຍ ມີຄວາມເຂົ້າໃຈຜິດ ຕໍ່ກັນ, ທັງເປັນການທຳລາຍພາບພົດທີ່ດີ ລະຫວ່າງ ສອງປະເທດທີ່ມີຕໍ່ກັນມາໂດຍຕະຫຼອດ ແລະ ສອງປະເທດຍາມໃດກໍຖືວ່າ ເປັນບ້ານແກ່ວເມືອງດອງ, ເປັນບ້ານໃກ້ເຮືອນຄຽງທີ່ດີ, ເຄີຍຮ່ວມທຸກຮ່ວມສຸກນຳກັນມາ, ທັງສອງປະເທດແມ່ນໃຫ້ຄວາມເຄົາ ລົບ - ຄວາມເປັນເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງກັນ ແລະ ກັນ. ສຳລັບການແກ້ໄຂບັນຫາ ຊາຍແດນ ລະຫວ່າງ ລາວ - ກໍາປູເຈຍ, ສອງຝ່າຍແມ່ນຢຶດໝັ້ນຕາມແນວທາງສັນຕິວິທີໂດຍຜ່ານການເຈລະຈາ ເພື່ອເຮັດໃຫ້ ຊາຍແດນຮ່ວມຂອງສອງປະເທດ ໃຫ້ກາຍເປັນຊາຍແດນແຫ່ງສັນຕິພາບ, ມິດຕະພາບ ແລະ ການຮ່ວມມືທີ່ດີຕໍ່ກັນ.
ແຫຼ່ງຂໍ້ມູນຈາກ: ໜັງສືພິມ ປະຊາຊົນ