ສື່ສັງຄົມອອນລາຍ-ຢາເສບຕິດເປັນໄພຄຸກຄາມ ແລະ ຈຳກັດການພັດທະນາຂອງເດັກ

ຂປລ. ສານຂອງນາຍົກລັດຖະມົນຕີ ທ່ານ ທອງລຸນ ສີສຸລິດ ຊີ້ໃຫ້ເຫັນບາງຕອນສຳຄັນວ່າເຖິງແມ່ນວ່າວຽກງານປົກປ້ອງ ແລະ ພັດທະນາເດັກ ຈະມີຜົນສຳເລັດຫລາຍດ້ານ ກໍຕາມ ແຕ່ພວກເຮົາຍັງປະເຊີນໜ້າກັບສິ່ງທ້າທາຍຫລາຍດ້ານໂດຍສະເພາະບັນຫາ ຄວາມທຸກຍາກຂາດເຂີນຂອງເດັກຕ່າງໆ, ບັນຫາຂາດໂພຊະນາການ, ພາວະເດັກຂາດສານອາຫານ, ອັດຕາການເຂົ້າຮຽນໃນພາກ ການສຶກສາກ່ອນໄວຮຽນ ແລະ ການສຶກສາພາກບັງຄັບ. ຍິ່ງກວ່ານັ້ນ, ການນຳໃຊ້ສື່ສັງຄົມອອນລາຍຂອງເດັກ, ບັນຫາຢາເສບຕິດ ແລະ ບັນຫາອື່ນໆຍັງເປັນໄພຄຸກຄາມ ແລະ ຈຳກັດການພັດທະນາຂອງເດັກ.

 

ນອກຈາກນັ້ນ, ຄວາມຮັບຮູ້, ຄວາມເຂົ້າໃຈໃນສັງຄົມ ແລະ ບາງຊົນເຜົ່າ ໂດຍສະເພາະໃນເຂດຊົນນະບົດຫ່າງໄກສອກຫລີກຍັງ ຢຶດຖືທັດສະນະຄະຕິແບບຄອງເດີມ ແລະ ປ່ຽນແປງໄດ້ຊ້າ, ເຊິ່ງຈະຕ້ອງຮ່ວມແຮງຮ່ວມໃຈກັນແກ້ໄຂໃຫ້ນັບມື້ນັບຫລຸດລົງໄປ. ໃນ ໂອກາດສະເຫລີມສະຫລອງວັນເດັກສາກົນສາກົນ 1 ມິຖຸນາ2019, ທ່ານນາຍົກລັດຖະມົນຕີໄດ້ຢ້ຳໃຫ້ທຸກພາກສ່ວນໃນຂອບເຂດ ທົ່ວປເທດ ຈົ່ງຍົກສູງຄວາມຮັບຜິດຊອບຂອງຕົນ ແລະ ເພີ່ມທະວີອອກແຮງປະຕິບັດວຽກງານແມ່ ແລະ ເດັກ ໂດຍສະເພາະແມ່ນ ການພິຈາລະນາຄໍາເຫັນຂອງຕົວແທນເດັກກ່ຽວກັບການຈັດຕັ້ງປະຕິບັດວຽກສິດທິເດັກໃນໄລຍະ 30 ປີຜ່ານມາ ແລະ ແກ້ໄຂບັນ ຫາ, ສິ່ງທ້າທາຍ ແລະ ຂໍ້ຄົງຄ້າງໃນປັດຈຸບັນ ເພື່ອຮັບປະກັນການບັນລຸວິໄສທັດການພັດທະນາເດັກລາວຮອດປີ 2030 ກໍຄື ການດູ ແລເອົາໃຈໃສ່,ການປົກປ້ອງ, ການພັດທະນາແລະ ການມີສ່ວນຮ່ວມຮອບດ້ານເພື່ອສ້າງເງື່ອນໄຂ ແລະ ໂອກາດໃຫ້ເດັກໄດ້ຮັບ ການພັດທະນາມີອະນາຄົດທີ່ສົດໃສກ້າວເປັນຜູ້ໃຫຍ່ທີ່ມີຄຸນນະພາບ ເພື່ອສືບຕໍ່ພາລະກິດປົກປັກຮັກສາ ແລະ ສ້າງສາພັດທະນາ ປະເທດຊາດໃຫ້ຈະເລີນຮຸ່ງເຮືອງ.
ປີ 2019 ສປປ ລາວ ຈະໄດ້ຮ່ວມກັນທົບທວນການຈັດຕັ້ງປະຕິບັດສົນທິສັນຍາວ່າດ້ວຍສິດທິເດັກຄົບຮອບ 30 ປີ ແລະ ກໍານົດທິດ ທາງການພັດທະນາເດັກລາວບັນດາເຜົ່າຮອດປີ 2030, ພາຍໃຕ້ຄຳຂວັນ“ສຸມທຸກກຳລັງເຫື່ອແຮງ ແລະຄວາມສາມາດເພື່ອພັດ ທະນາແມ່ຍິງ ແລະ ເດັກ ໃຫ້ມີສຸຂະພາບສົມບູນ, ແຂງແຮງດ້ານຮ່າງກາຍ ແລະ ຈິດໃຈ, ມີຄວາມຮູ້ຄວາມສາມາດ ແລະ ສະຕິປັນ ຍາໃນການດຳລົງຊີວິດ, ຊຸກຍູ້ໃຫ້ຄອບຄົວໃນທົ່ວສັງຄົມເປັນເຈົ້າການໃນການປະຕິບັດສິດທິຕໍ່ແມ່ຍິງ ແລະ ເດັກ, ປ້ອງກັນ, ຕ້ານ ແລະ ແກ້ໄຂບັນຫາການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ ເພື່ອໃຫ້ມີຄວາມຍຸຕິທຳ. ສະນັ້ນ, ທຸກພາກສ່ວນໃນທົ່ວສັງຄົມຕະ ຫລອດຮອດພໍ່ແມ່, ຜູ້ປົກຄອງເດັກຈົ່ງສືບຕໍ່ເອົາໃຈໃສ່ສະໜັບສະໜູນປະກອບສ່ວນປົກປ້ອງ, ຊຸກຍູ້ສົ່ງເສີມພັດທະນາເດັກນ້ອຍ ລາວໃຫ້ເຕີບໃຫຍ່ຢ່າງມີຄຸນນະພາບສູງ.
(ແຫຼ່ງຂໍ້ມູນຈາກ: ສຳນັກຂ່າວສານປະເທດ)