ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ມອບເຄື່ອງຊ່ວຍເຫຼືອໃຫ້ສູນເສຍອົງຄະພິເສດ 790

ສູນເສຍອົງຄະພິເສດ 790 ແມ່ນໜຶ່ງໃນ 11 ສູນໃນທົ່ວປະເທດທີ່ໄດ້ເຕົ້າໂຮມເອົາບັນດາພະນັກງານນັກຮົບປະຕິວັດທີ່ເສຍອົງຄະ ຍ້ອນຜົນກະທົບຈາກສົງຄາມຕ້ານຈັກກະພັດລ່າ ເມືອງຂຶ້ນແບບເກົ່າ ແລະ ໃໝ່, ຫຼາຍທ່ານໄດ້ເສຍສະຫຼະຊີວິດ-ເລືອດເນື້ອ ເພື່ອ ຍາດເອົາເອກະລາດ ອະທິປະໄຕ ແລະ ຜືນແຜ່ນດິນອັນຄົບຖ້ວນມາສູ່ປວງຊົນລາວທັງຊາດ ແລະ ສາມາດປົດປ່ອຍປະເທດຊາດ ອອກຈາກແອກປົກຄອງຂອງຈັກກະພັດຜູ້ຮຸກຮານ.

 

ຜ່ານມາພັກ ແລະ ລັດຖະບານໄດ້ເອົາໃຈໃສ່ເບິ່ງແຍງ ແລະ ໃຫ້ການຊ່ວຍເຫຼືອຄອບຄົວຜູ້ເສຍອົງຄະຕາມນະໂຍບາຍຂອງກະຊວງ ແຮງງານ ແລະ ສະຫວັດດີການສັງຄົມ ເພື່ອປັບປຸງຄຸນນະພາບຊີວິດການເປັນຢູ່ຂອງເຂົາເຈົ້າໃຫ້ດີຂຶ້ນເປັນກ້າວໆ. ເພື່ອເປັນການສະ ແດງຄວາມຮູ້ບຸນຄຸນຕໍ່ບັນດານັກຮົບປະຕິວັດທີ່ໄດ້ອຸທິດເຫື່ອແຮງ, ສະຕິປັນຍາຂອງຕົນເຂົ້າໃນພາລະກິດປົດປ່ອຍຊາດ; ຄະນະນຳກະ ຊວງ ຖວທ ນຳໂດຍ ທ່ານ ສະຫວັນຄອນ ຣາຊມຸນຕຣີ, ຮອງລັດຖະມົນຕີກະຊວງ ຖວທ ພ້ອມດ້ວຍຄະນະໄດ້ນຳເອົາເຄື່ອງຊ່ວຍເຫຼືອ ຈຳນວນໜຶ່ງມອບໃຫ້ແກ່ສູນດັ່ງກ່າວ ຊຶ່ງປະກອບມີ: ໂທລະໂຄ່ງ ຈຳນວນ 3 ປາກ, ແອມ 1 ຊຸດ ພ້ອມດ້ວຍອຸປະກອນຄົບຊຸດ ໃຫ້ແກ່ ສູນເສຍອົງຄະພິເສດ 790 ເພື່ອອຳນວຍຄວາມສະດວກໃຫ້ແກ່ຄະນະບັນຊາສູນໃນການກະຈາຍຂໍ້ມູນຂ່າວສານຕ່າງໆໃຫ້ແກ່ພໍ່ແມ່ປະ ຊາຊົນອ້ອມຂ້າງສູນຂອງຕົນ. ພ້ອມນີ້ ຄະນະບໍລິຫານງານຊາວໜຸ່ມກະຊວງ ຖວທ ໄດ້ນໍາເອົາເຄື່ອງອຸປະໂພກ-ບໍລິໂພກຈຳນວນໜຶ່ງ ທີ່ໄດ້ມາຈາກການປະກອບສ່ວນຂອງບັນດາພະນັກງານ-ລັດຖະກອນ ມອບໃຫ້ແກ່ສູນດັ່ງກ່າວ ມູນຄ່າຫຼາຍກວ່າ 15 ລ້ານກີບ.
(ແຫຼ່ງຂໍ້ມູນຈາກ: ໜັງສືພິມ ປະຊາຊົນ)