ການເກີດຂຶ້ນຂອງພັກ ປະຊາຊົນ ປະຕິວັດລາວ ເປັນຂີດໝາຍການເຕີບໃຫຍ່ຂະຫຍາຍຕົວ ຂອງການປະຕິວັດລາວ

ການເກີດຂຶ້ນຂອງພັກປະ­ຊາ­ຊົນປະ­ຕິ­ວັດລາວ ແມ່ນວິ­ວັດການອັນຈຳ­ເປັນ ທາງປະ­ຫວັດ­ສາດ, ແມ່ນຄວາມຮຽກ­ຮ້ອງຕ້ອງການພາ­ວະວິ­ໄສຂອງຂະ­ບວນການຕໍ່­ສູ້ ປະ­ຕິ­ວັດ ຂອງປະ­ຊາ­ຊົນເຮົາ. ໃນປີ 1930 ພາຍໃຕ້ການລິເລີ່ມ ແລະ ການນຳ­ພາຂອງປະທານໂຮ່ຈີ່ມິງ, ພັກກອມມູນິດອິນ­ດູ­ຈີນ ໄດ້ຮັບການສ້າງ­ຕັ້ງຂຶ້ນ ແລະ ຮັບເອົາພາ­ລະກຳປະ­ຫວັດ­ສາດ ແຫ່ງການນຳ­ພາຂະ­ບວນການປະ­ຕິ­ວັດຂອງ 3 ຊາດ ລາວ, ຫວຽດ­ນາມ, ກຳປູເຈຍ. ນັແຕ່ນັ້ນມາ, ການຕໍ່­ສູ້ປະ­ຕິ­ວັດ ຂອງປະ­ຊາ­ຊົນລາວບັນ­ດາ­ເຜົ່າ ໄດ້ມີທິດທາງ, ມີຈຸດ­ໝາຍອັນຈະ­ແຈ້ງ, ມີແນວ­ທາງ ແລະ ວິ­ທີການຕໍ່­ສູ້ ທີ່ຖືກ ຕ້ອງເໝາະສົມ, ເຮັດໃຫ້­ການປະ­ຕິ­ວັດ ຂະ­ຫຍາຍ­ຕົວດ້ວຍຄຸນນະພາບໃໝ່.

 

ມາໃນວັນທີ 22 ມີ­ນາ 1955 ໂດຍຕອບສະ­ໜອງກັບຄວາມຮຽກ­ຮ້ອງ ຕ້ອງ­ການ ຂອງພາ­ລະ­ກິດຕໍ່­ສູ້ກູ້ຊາດ ແລະ ການເຕີບໃຫຍ່ຂະ­ຫຍາຍ­ຕົວ ຂອງກຳ­ລັງປະ­ຕິ­ວັດ ຢູ່ປະ­ເທດເຮົາ, ທີ່ເຂດທີ່ໝັ້ນແຂວງຫົວ­ພັນ, ພັກປະ ຊາຊົນປະ­ຕິ­ວັດລາວ ໄດ້ຮັບການສ້າງ­ຕັ້ງຂຶ້ນ, ສືບທອດພາ­ລະ­ກິດ ອັນມີກຽດ ສະ­ຫງ່າ ຂອງພັກກອມມູ ນິດອິນ­ດູ­ຈີນ, ຮັບເອົາພາ­ລະກຳປະ ຫວັດສາດອັນແສນຫຍຸ້ງ­ຍາກລຳ ບາກ, ແຕ່ສະ­ຫງ່າລາ­ສີທີ່ສຸດແຫ່ງ ການນຳ­ພາຂະ­ບວນການຕໍ່­ສູ້ ຂອງ ປະ­ຊາ­ຊົນເຮົາ. ນີ້ເປັນເຫດ­ການອັນ ຍິ່ງໃຫຍ່ ແລະ ສຳ­ຄັນທີ່ສຸດ ໃນປະ ຫວັດສາດຂອງຊາດ, ເປັນຂີດໝາຍ ແຫ່ງການເຕີບໃຫຍ່ຂະ­ຫຍາຍ­ຕົວ ຂອງການປະ­ຕິ­ວັດ ທີ່ຕິດພັນສະ­ໜິດ ແໜ້ນກັບການເກີດຂຶ້ນ ແລະ ເຕີບ ໃຫຍ່ ເຂັ້ມ­ແຂງຂອງພັກເຮົາ. ພາຍ ຫລັງທີ່ສ້າງ­ຕັ້ງຂຶ້ນ ແລະ ມີການນຳ ພາຂອງພັກ, ການຕໍ່­ສູ້ຂອງປວງຊົນ ລາວເຮົາຍິ່ງເຕີບໃຫຍ່ຂະ­ຫຍາຍ­ຕົວ, ຍາດໄດ້ໄຊ­ຊະ­ນະໜັກແໜ້ນຂຶ້ນ ເປັນ ກ້າວໆ, ຈາກໄຊ­ຊະ­ນະນີ້ໄປສູ່ໄຊຊະ ນະໃໝ່ ທີ່ໃຫຍ່ຫລວງກວ່າເກົ່າ.

ພາຍໃຕ້ການນຳ­ພາຂອງພັກ, ປະ­ຊາ­ຊົນລາວບັນ­ດາ­ເຜົ່າໄດ້ສາ ມັກຄີກັນ ເປັນຈິດໜຶ່ງໃຈດຽວ ເຂົ້າຮ່ວມໃນແນວໂຮມກູ້ຊາດອັນກວ້າງ ຂວາງ ດຳ­ເນີນການຕໍ່­ສູ້ອັນລະອິດ ລະອ້ຽວ, ຍຶດເຍື້ອຍາວນານພາຍໃຕ້ ຄັນທຸງການປະ­ຕິ­ວັດຊາດ-ປະ­ຊາ­ທິ­ປະ­ໄຕ, ຜາບແພ້ຜູ້ຮຸກຮານ ແລະ ລູກ­ແຫລ້ງຕີນມື, ປະ­ຕິ­ບັດຄວາມຖືກ­ຕ້ອງປອງດອງຊາດ, ກໍ່­ສ້າງປະ­ເທດ ລາວສັນ­ຕິ­ພາບ, ເປັນ­ກາງ, ເອ­ກະ­ລາດ, ປະ­ຊາ­ທິ­ປະ­ໄຕ, ເອ­ກະພາບ ແລະ ວັດ­ທະ­ນາຖາວອນ. ພັກເຮົາໄດ້ສືບທອດ ແລະ ເສີມຂະ­ຫຍາຍມູນ ເຊື້ອອັນດີ­ງາມຂອງຊາດ, ໝູນໃຊ້ ທິດສະດີປະ­ຕິ­ວັດເຂົ້າໃນການວາງແຜນແນວ­ທາງສົງ­ຄາມປະ­ຊາ­ຊົນ ຢູ່ປະ­ເທດເຮົາຢ່າງຖືກ­ຕ້ອງສອດ­ຄ່ອງ, ສົມ­ທົບຢ່າງກົມ­ກຽວການຕໍ່­ສູ້ດ້ວຍກຳ­ລັງອາ­ວຸດກັບການຕໍ່­ສູ້ທາງດ້ານການ­ເມືອງ ແລະ ການຕ່າງ­ປະ­ເທດ, ສົມ­ທົບການການຕໍ່­ສູ້ປິດລັບກັບການຕໍ່­ສູ້ເປີດ ເຜີຍຖືກກົດ­ໝາຍ, ທັງຕີທັງໝູນໜີບ, ທັງເຈ­ລະ­ຈາ, ມີການຫັນທິດສະດີຕໍ່­ສູ້ຢ່າງມີໄຫວພິກທັນການເຖິງ 3 ຄັ້ງ ແລະ ເຂົ້າຮ່ວມປະ­ສົມກັບຝ່າຍກົງ­ກັນ­ຂ້າມເຖິງ 3 ເທື່ອ, ສົມ­ທົບຢ່າງແໜ້ນແຟ້ນກັບກຳ­ລັງແຮງສັງລວມຂອງຊາດ ກັບການຮ່ວມສຳ­ພັນສູ້ຮົບ ລາວ-ຫວຽດ­ນາມ-ກຳ­ປູ­ເຈຍ, ຍາດແຍ່ງຄວາມເປັນ­ໃຈ, ສະ­ໜັບ­ສະ­ໜູນ ແລະ ການຊ່ວຍ­ເຫລືອຈາກສາ­ກົນຢ່າງກວ້າງຂວາງ. ພັກເຮົາໄດ້ຮູ້ສ້າງໂອ­ກາດ ແລະ ໝູນໃຊ້ກາ­ລະໂອ­ກາດໄດ້ຢ່າງເຕັມສ່ວນ ເພື່ອປັບ­ປຸງ ແລະ ຂະ­ຫຍາຍກຳ­ລັງຕົວຈິງຂອງການປະ­ຕິ­ວັດ, ຕີສັດ­ຕູໃຫ້ຖອຍໄປເທື່ອລະກ້າວ, ຍາດເອົາໄຊ­ຊະ­ນະຢ່າງຕໍ່ເນື່ອງ ເປັນແຕ່ລະພາກ­ສ່ວນ, ກ້າວຂຶ້ນຍາດໄຊ­ຊະ­ນະຢ່າງສົມ­ບູນ ດ້ວຍ 3 ບາດຄ້ອນຍຸດ­ທະ­ສາດ ແລະ ການລຸກຮື້ຂຶ້ນ ໃນເດືອນພຶດ­ສະ­ພາ ປີ 1975.

ໄຊຊະແບບ “ບົວບໍ່ຊໍ້ານໍ້າບໍ່ຂຸ້ນ ແຕ່ຈັບປາໄດ້” ດັ່ງ­ກ່າວໄດ້ພາໄປ ເຖິງການສະຖາປານາ­ສາທາລະ­ນະລັດ ປະ­ຊາ­ທິ­ປະ­ໄຕ ປະ­ຊາ ຊົນລາວ ໃນວັນ 2 ທັນ­ວາ ປີ 1975, ລົບລ້າງແອກປົກ­ຄອງຂອງພວກລ່າເມືອງຂຶ້ນ ແລະ ສັກດີນາ, ໄຂສັງ­ກາດໃໝ່ ອັນສະ­ຫວ່າງສະ­ໄຫວ ແຫ່ງຄວາມເປັນເອ­ກະ­ລາດ, ອິດສະ­ລະພາບ ແລະ ວັດ­ທະ­ນາຖາ­ວອນ ຂອງຊາດເຮົາ. (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)