ສະມາຄົມນັກຂ່າວແຫ່ງລາຊອານາຈັກໄທ ໄດ້ແລກປ່ຽນບາງບັນຫາທີ່ໄດ້ຕົກລົງກັນໄວ້ ກັບສະມາຄົມນັກຂ່າວແຫ່ງ ສປປ ລາວ

ໃນຕອນເຊົ້າຂອງວັນທີ 06.12.2018 ທີ່ສະມາຄົມນັກຂ່າວແຫ່ງລາຊອານາຈັກໄທນຳໂດຍທ່ານ ເທບໄຊ ຍົງ ປະທານສະມາຄົມສະມາຄົມນັກຂ່າວແຫ່ງລາຊອານາຈັກໄທ ແລະ ຄະນະ ຕ້ອນຮັບຄະນະຜູ້ແທນຈາກສະມາຄົມນັກຂ່າວແຫ່ງ ສປປ ລາວ ນຳໂດຍທ່ານ ສະຫວັນຄອນ ລາຊມຸນຕີຣ ຮອງລັດຖະມົນຕີກະຊວງຖວທ, ປະທານສະມາຄົມນັກຂ່າວແຫ່ງສປປລາວ ພ້ອມດ້ວຍຄະນະ. ໃນການພົບປະຄັ້ງນີ້ທັງສອງຄະນະສະມາຄົມໄດ້ແລກປ່ຽນບາງບັນຫາໃນໄລຍະທີ່ຜ່ານມາ ແລະ ຊອກຫາວິທີແກ້ໄຂເພື່ອໃຫ້ການປະສານງານຂອງສອງຄະນະສະມາຄົມໃຫ້ທັນເວລາ ກ່ຽວກັບການປະກອບສ່ວນແລກປ່ຽນການໃຫ້ຂ່າວແກ່ພາກພື້ນແລະສາກົນຂອງທັງສອງສື່ມວນຊົນ, ການອຳນວຍຄວາມສະດວກເຊິ່ງກັນແລະກັນ.

 

1.ຜົນກະທົບກ່ຽວກັບການນຳສະເໜີຂ່າວຂອງສື່ມວນຊົນໄທກ່ຽວກັບໄພພິບັດທີ່ແຂວງອັດຕະປືທີ່ຜ່ານມາເຊິ່ງການອະທິບາຍແລະໃຫ້ລາຍລະອຽດເຫດການແລະຄວາມຄືບໜ້າການຊ່ວຍເຫລືອຜູ້ປະສົບໄພ ໂດຍທ່ານ ນາງ ບຸນນານ ຫົວໜ້າພະແນກ ຖວທ ແຂວງ ອັດຕະປື.

2. ເລື່ອງການຮ່ວມມືການແລກປ່ຽນ ຖ້າມີເຫດການຄ້າຍອັດຕະປືເກີດຂຶ້ນຈະຮັບມືກັນແນວໃດແມ່ນມີການສະເໜີເອົາເຂົ້າໃນວາລະກອບການຮ່ວມມືຕໍ່ໄປ.
ພ້ອມກັນນັ້ນຝ່າຍໄທຍັງສົນໃຈກ່ຽວກັບການເກັບກູ້ລະເບີດທີ່ຍັງບໍ່ທັນແຕກຢູ່ພາຍໃນແຂວງອັດຕະປືເຊິ່ງກໍໄດ້ຮັບການອະທິບາຍໃຫ້ຄວາມກະຈ່າງແຈ້ງຈາກທ່ານ ນາງ ບຸນນານ ຫົວໜ້າພະແນກ ຖວທ ແຂວງອັດຕະປືເປັນຢ່າງດີ.

3. ມີຂໍ້ສະເໜີກ່ຽວກັບການຖ່າຍທອດປະສົບການການນຳໃຊ້ເຕັກໂນໂລຊີເຂົ້າມານຳໃຊ້ໃຫ້ຫລາຍຂຶ້ນ, ຊ່ອງທາງໃນການຕິດຕໍ່ສື່ສານລະຫວ່າງສອງສະມາຄົມກໍຄືສອງສື່ໃຫ້ລະອຽດ ຖ້າມີເຫດການເກີດຂຶ້ນເຊິ່ງສອງຝ່າຍແມ່ນເຫັນດີໃຫ້ມີປົກກະຕິ.

4. ໃນ MOUມີຫົວຂໍ້ຝຶກອົບຮົມກ່ຽວກັບສື່ໃໝ່ຈະເຮັດຫຍັງຮ່ວມກັນໄດ້ໃນອານາຄົດກ່ຽວກັບການບໍລິໂພກແລະການນຳໃຊ້ຂໍ້ມູນຂ່າວສານຜ່ານສື່ອອນລາຍ ແລະ ການກະທົບຂອງຂ່າວປອມແປງຈະມີວິທີທາງ ແລະມາດຕະການແນວໃດ. ປະເທດໄທຍັງໃຫ້ຄວາມສົນໃຈການປ່ຽນແປງໃນລາວກ່ຽວກັບສື່ແບບໃໝ່ເປັນແນວໃດໃນປະຈຸບັນ. ປະເທດໄທສະເໜີທາງອອກໃຫ້ມີຮອດລາຍການກ່ຽວກັບການສະກັດກັ້ນຂ່າວປອມ (Fake NEWS) ຂອງສອງຝັ່ງເຊິ່ງ ເບື້ອງລາວ ທ່ານ ສະຫວັນຄອນ ລາຊມຸນຕີຣ #ຮອງລັດຖະມົນຕີກະຊວງຖວທ, #ປະທານສະມາຄົມນັກຂ່າວແຫ່ງສປປລາວ ມອບໃຫ້ ຂປລ #ສຳນັກຂ່າວສານປະເທດລາວ ເປັນຫລັກ.

5. ບັນຫາການລັກລອບແລະປຸງແຕ່ງຂ່າວແບບບໍ່ມີຈັນຍາບັນເຊິ່ງເຫັນແກ່ລາຍໄດ້ຢ່າງດຽວ.

6. ປຶ້ມຄູ່ມືໄທ-ລາວທີ່ຍັງຄ້າງຄາມາຫລາຍປີຈະມີວິທີການສືບຕໍ່ແນວໃດແລະຈະໃຫ້ສຳເລັດແນວໄດ້ແນວໃດກ່ອນການຢ້ຽມຢາມຂອງຄະນະຜູ້ແທນ.

7. ອົບຮົມວິຊາການດ້ານສື່ມວນຊົນໃຫ້ກັນແລະກັນໃນຫົວຂໍ້ວິທີການໃນການກວດສອບແລະນຳສະເໜີໃຫ້ໄວແລະຖືກຕ້ອງ, ນຳໃຊ້ social media ເປັນຊ່ອງທາງໃນການຫາເງິນ content marketing ໂດຍ ນັກຝຶກອົບຮົມຈາກໄທ.