ຍົກລະດັບ ການນຳໃຊ້ເຕັກນິກໃໝ່ດ້ານສື່ມວນຊົນ ຢູ່ແຂວງຫູນານ

ຂປລ. ຄະນະໂຄສະນາອົບຮົມສູນກາງພັກ ນຳໂດຍ ທ່ານ ນາງ ພວງມະລີ ອັກຄະມຸນຕີ ຮອງ ຫົວໜ້າກົມໂຄສະນາອົບຮົມ ພ້ອມດ້ວຍສື່ມວນຊົນ ຈາກສະຖານ ນີວິທະຍຸ, ໂທລະພາບ ແລະ ໜັງສືພິມ. ໄດ້ເຂົ້າຮ່ວມໂຄງການຝຶກອົບຮົມ ຍົກລະດັບວຽກງານການ ໂຄສະນາຂອງສື່ມວນຊົນ ແລະ ການນຳໃຊ້ເຕັກ ນິກດ້ານສື່ມວນຊົນ ຂອງ ສປປ ລາວ 2018 ທີ່ເມືອງ ຊາງຊາ ແຂວງຫູນານ ສປ ຈີນ

ໃນວັນທີ 27 ສິງຫາ 2018 ໂດຍມີ ທ່ານ ໂຢປ່ຽວ ຫົວໜ້າຫ້ອງການກົດລະບຽບ ແລະ ສາຍສຳພັນເສດຖະກິດການຄ້າສາກົນ ພະແນກການຄ້າ ແຂວງຫູນານ, ທ່ານ ນາງ ຟູ້ຢຸນຫຸຍ ຫົວໜ້າຫ້ອງການຊ່ວຍເຫລືອຕ່າງປະເທດ ຂອງສູນຝຶກອົບຮົມ ພະແນກການ ຄ້າແຂວງຫູນານ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ການອົບຮົມໃນຄັ້ງນີ້, ຈະດຳເນີນໄປເປັນເວລາ 20 ວັນ ເພື່ອເປັນການເພີ່ມ ຄວາມຮູ້ຄວາມສາມາດ ໃນການນຳໃຊ້ເຕັກນິກໃໝ່ ເຂົ້າໃນການໂຄສະນາເຜີຍແຜ່ ຂໍ້ມູນ ຂ່າວສານໄດ້ ຢ່າງກວ້າງຂວາງ ແລະ ມີປະສິດທິຜົນ, ເຊິ່ງສຳມະນາກອນຈະໄດ້ຮັບ ຟັງ ການບັນຍາຍ ກ່ຽວກັບການວິໄຈລົງພິມຈຳໜ່າຍຂອງຈີນ, ການປົກຄອງ ການປະດິດ ຄິດສ້າງແບບ ໃໝ່ຂອງສື່ມວນ ຊົນ, ການປະດິດຄິດສ້າງ ແລະ ກົດເກນຄວາມເປັນຈິງ ຂອງສື່ມວນຊົນ, ນັບທັງການຖ່າຍທອດອິນເຕີເນັດ. ພ້ອມນີ້, ຈະໄດ້ມີການແລກປ່ຽນຂໍ້ ມູນຂ່າວສານກັບສື່ມວນຊົນ, ຮຽນຮູ້ກ່ຽວກັບ ວັດທະນະທຳ ທີ່ເປັນເອກະລັກຂອງ ສປ ຈີນ ແລະ ຈະໄດ້ໄປຢ້ຽມຢາມ ສະຖານທີ່ສຳຄັນຕ່າງໆ ຢູ່ເມືອງຊາງຊາ ແລະ ເມືອງອື່ນໆ ຈຳນວນໜຶ່ງ.
ທ່ານ ນາງ ພວງມະລີ ອັກຄະມຸນຕີ ກ່າວວ່າ: ຊຸດຝຶກອົບຮົມຄັ້ງນີ້, ມີຄວາມສຳ ຄັນຫລາຍໃນ ການກໍ່ສ້າງ ແລະ ພັດທະນາສື່ມວນຊົນໃໝ່ ໃນ ສປປ ລາວ ໃຫ້ດີຂຶ້ນ ກວ່າເກົ່າf ໂດຍສະເພາະ ແມ່ນການ ໂຄສະນາເຜີຍແຜ່ຂໍ້ມູນຂ່າວສານ ໃຫ້ມີຄວາມຫລາກຫລາຍ, ວ່ອງໄວ ແລະ ທັນກັບສະພາບການໃນປັດຈຸບັນ ຢ່າງມີປະ ສິດທິຜົນ. ເນື່ອງຈາກວ່າແຕ່ລະຫົວຂໍ້ ທີ່ນຳມາສຳມະນາໃນຄັ້ງນີ້, ເປັນຫົວໃໝ່ ສຳ ລັບສື່ມວນຊົນລາວ.