ເຜີຍແຜ່ ແລະ ເຊື່ອມຊຶມ ກົດໝາຍວ່າດ້ວຍສື່ມວນຊົນ

ວັນທີ 25 ກໍລະກົດ 2018, ທີ່ຫ້ອງປະຊຸມໃຫຍ່ ພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງສະຫັວນນະເຂດ, ກົມສືມວນຊົນກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວໄດ້ຈັດກອງປະຊຸມ ເຜີຍແຜ່ ແລະ ເຊື່ອມຊຶມ ກົດໝາຍສື່ມວນຊົ້ນສະບັບປັບປຸງ. ເຂົ້າຮ່ວມກອງປະຊຸມໃນຄັ້ງນີ້ ໄດ້ມີບັນດາ ຄະນະພະແນກ ຖທວ ແຂວງໆ ບັນດາຮອງເຈົ້າເມືອງຜູ້ຊີ້ນຳວຽກງານຖະແຫຼງຂ່າວ-ສືມວນຊົນ 15ເມືອງ ບັນດາຕ່າງໜ້າພະແນກການອ້ອມຂ້າງແຂວງ ແລະ ນັກວິຊາການເຂົ້າຮ່ວມຮ້ອຍກວ່າທ່ານ.

ໃນພິທີເປີດກອງປະຊຸມຄັ້ງນີ້ ທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ປະກອບຄຳເຫັນໃຫ້ທິດຊີ້ນຳກອອງປະຊຸມ ໂດຍ ທ່ານ ໄດ້ເນັ້ນ ໃຫ້ເຫັນ ຜົນໄດ້ຮັບໃນການຈັດຕັ້ງປະຕິບັດກົດໝາຍສະບັບກ່ອນ, ຄວາມຈຳເປັນພາວະວິໄສໃນການປັບປຸງກົດໝາຍ ແລະ ບ່າງບັນຫາຄວນເອົາໃຈໃສ່ ໃນການເຊື່ອມຊຶມກົດ ໝາຍສະບັບປັບປຸງນີ້ ໂດຍ ແນະນຳໃຫ້ຜູ້ເຂົ້າຮ່ວມເຊື່ອມຊຶມເຫັນໄດ້ຄວາມຈຳເປັນ ແລະ ສຳຄັນຕໍ່ການໂຄສະນາເຜີຍແຜ່ທາງເລີກ ສຳລັບຜູ້ເຮັດວຽກຄຸ້ມຄອງ ວຽກງານຖະແຫຼງຂ່າວ-ສື່ມວນຊົນຂອງພວກເຮົາ; ກວດກາ ສັງລວມ ບັນຫາ ແລະ ສິ່ງທ້າທາຍ ແລະ ຜົນໄດ້ຮັບສົມທຽບໃສ່ ກັບ ກົດໝາຍສື່ມວນສະບັບເດີມ ເບິ່ງວ່າຜ່ານມາພວກເຮົາໄດ້ມີການຈັດຕັ້ງປະຕິບັດ ແກ້ໄຂໄດ້ດີໃນລະດັບໃດ; ພວກເຮົາມີບັນຫາໃດແດ່ ທີ່ເປັນບັນຫາອຸດຕັນໃນການປະຕິບັດກົດໝາຍເປັນຕົ້ນຄວາມບໍ່ເຂົ້າໃຈຂອງກະໂຕຜູ້ເຮັ້ດໜ້າທີ່ຄຸ້ມຄອງ, ຂອງຜູ້ປະກອບກິດຈະການ ຫຼື ມີຄວາມທັບຊ້ອນກັບນິຕິກໍາອື່ນໆ ແລະ ພວກເຮົາຄວນໄດ້ສ້າງນິຕິກຳອັນໃດຕື່ມອີກເພື່ອຜັນຂະຫຍາຍກົດໝາຍສະບັບນີ້.
ພາຍຫຼັງ ທ່ານ ຮອງລັດຖະມົນຕີ ໄດ້ກ່າວໄຂກອງປະຊຸມຢ່າງເປັນທາງການແລ້ວ, ທ່ານ ປິ່ນປາຖະໜາ ພັນທະມາລີ ຫົວໜ້າກົມສື່ມວນຊົນ ກໍໄດ້ຂື້ນບັນຍ້າຍ ເຜີຍແຜ່ ກົດໝາຍວ່າດ້ວຍສື່ມວນຊົນສະບັບປັບປຸງ ຊຶ່ງປະກອບມີທັງໝົດ 9 ພາກ, 9 ໝວດ, 85 ມາດຕາ ໃນນີ້ມີມາດຕາ ຮັກສາເດີມ 28 ມາດຕາ, ປັບປຸງ 39 ມາດຕາ ແລະ ສ້າງໃໝ່ 18ມາດຕາ ເນື້ອໃນພື້ນຖານໃນກົດໝາຍ ຍັງຮັກສາຫລັກການພື້ນຖານກ່ຽວກັບສື່ມວນຊົນ, ການປັບປຸງ ແລະ ເພີ່ມບັນດາມາດຕາໃໝ່ ເພື່ອໃຫ້ສອດຄ່ອງ ກັບ ມະຕິຂອງກອງປະຊຸມໃຫຍ່ຄັ້ງທີ IX ແລະ X ຂອງພັກ, ມະຕິຂອງກົມການເມືອງວ່າດ້ວຍວຽກງານ 3 ສ້າງ ກໍຄື ລັດຖະທຳມະນູນ ສະບັບປັບປຸງໃໝ່ ແລະ ການເຊື່ອມໂຍງສາກົນ, ເພື່ອແທດເໝາະແຜນພັດທະນາເສຖະກິດ-ສັງຄົມຂອງລັດ, ເຮັດໃຫ້ເນື້ອໃນຄົບຖວ້ນ, ກະທັດລັດ ແລະ ຫັດກຸມ ໂດຍ ສຸມໃສ່ ກໍານົດໃຫ້ແຈ້ງຕື່ມກ່ຽວກັບ ນະໂຍບາຍຂອງລັດຕໍ່ວຽກງານສື່ມວນຊົນເຊັ່ນ: ການຈັດຕັ້ງ ແລະ ການເຄື່ອນໄຫວວຽກງານສື່ມວນຊົນ, ການເງິນຂອງສື່ມວນຊົນ, ບົດບາດຂອງສະມາຄົມນັກຂ່າວແຫ່ງ ສປປ ລາວ, ການຄຸ້ມຄອງ ແລະ ກວດກາສື່ມວນຊົນ ໂດຍສະເພາະແມ່ນແນໃສ່ສື່ແບບໃໝ່ ທັງໝົດນັ້ນແມ່ນເພື່ອເຮັດໃຫ້ສື່ມວນຊົນ ສືບຕໍ່ເປັນກະບອກສຽງຂອງ ພັກ-ລັດ ແລະ ປະຊາຊົນ, ເຮັດໃຫ້ການເຄື່ອນໄຫວວຽກງານສື່ມວນຊົນຂອງອົງການສື່ມວນຊົນເວົ້າສະເພາະ ເວົ້າລວມ ແມ່ນການ ເຄື່ອນໄຫວວຽກສື່ມວນຊົນ ແລະ ສື່ສັງຄົມໃຫ້ຖືກຕ້ອງຕາມແນວທາງ, ນະໂຍບາຍຂອງພັກ, ກົດໝາຍ ແລະ ລະບຽບການຂອງລັດ, ມີຈັນຈາບັນໃນການເຜີຍແຜ່ຂໍ້ມູນຂ່າວສານ, ຮັບປະກັນປະຕິບັດເສລີພາບຂອງພົນລະເມືອງດ້ານສື່ມວນຊົນ, ເປັນເວທີສົ່ງເສີມປະຊາທິປະໄຕປະຊາຊົນ, ສະກັດກັ້ນປະກົດການຫຍໍ້ທໍ້, ຕອບຕ້ານຖ້ອຍທໍານອງຂອງຄົນບໍ່ດີ ແລະ ອິທິກຳລັງປໍລະປັກ.
ນອກຈາກເຜີຍແຜ່ກົດໝາຍສື່ມວນຊົນແລ້ວ ໃນຕອນທ້າຍ ກອງປະຊຸມຍັງໄດ້ທາບທາມຮ່າງຂໍ້ຕົກລົງວ່າດ້ວຍການຄຸ້ມຄອງໂທລະພາບໃຊ້ສາຍ ແລະບໍ່ໃຊ້ສາຍ ແລະ ລະບຽບການຄຸ້ມຄອງອຸປະກອບຮັບສັນຍານວິທະຍຸ-ໂທລະພາບ ຜ່ານດາວທຽມ DTH