ຍົກສູງຄວາມສາມາດການຄົ້ນຄວ້າ-ໝູນໃຊ້ທິດສະດີມາກ-ເລນິນ ແລະ ສະຫລຸບພຶດຕິກໍາຂອງພັກປະຊາຊົນປະຕິວັດລາວໃນເງື່ອນໄຂໃໝ່

ໃນເວລາທີ່ພວກເຮົາເຊື່ອມໂຍງກັບ ພາກພື້ນ ແລະ ສາກົນ, ນຳໃຊ້ ກົນໄກເສດຖະ ກິດຕະຫຼາດທີ່ມີການຄຸ້ມຄອງຂອງລັດ, ການຄົ້ນຄ້ວາ ແລະ ໝູນໃຊ້ທິດສະ ດີຂອງມາກ-ເລນິນ ເຂົ້າໃນສະ ພາບຕົວຈິງຂອງ ປະເທດຊາດ, ນຳພາການປະຕິວັດໃຫ້ໄປ ຕາມທິດທີ່ພັກ ແລະ ປະຊາຊົນ ເລືອກໄວ້ນັ້ນ ສຸດທີ່ມີຄວາມ ໝາຍສຳຄັນ ແລະ ກາຍເປັນ ບັນຫາຮີບດ່ວນຈຳເປັນທີ່ສຸດ.

ປະທານ ໂຮ່ຈິມິນ ຊຶ່ງເປັນຜູ້ ທຳອິດນຳເອົາລັດທິມາກ-ເລ ນິນ ເຂົ້າເຜີຍແຜ່ ແລະ ໝູນໃຊ້ ຢູ່ໃນອິນດູຈີນ, ເພິ່ນໄດ້ຊີ້ນຳ ວ່າ: ທິດສະດີຂອງລັດທິມາກ- ເລນິນ ແມ່ນການສະຫຼຸບສັງ ລວມປະສົບປະການຂອງຂະ ບວນການກຳມະກອນ ແຕ່ອາ ດີດຈົນເຖິງປະຈຸບັນຂອງທຸກໆ ປະເທດ. ມັນກໍແມ່ນວິທະຍາ ສາດກ່ຽວກັບກົດເກນຂະຫຍາຍ ຕົວຂອງທຳມະຊາດ ແລະ ສັງ ຄົມ; ວິທະຍາສາດກ່ຽວກັບ ການປະຕິວັດຂອງປະຊາຊົນທີ່ ຖືກກົດຂີ່ ແລະ ຂູດຮີດ; ວິທະ ຍາສາດກ່ຽວກັບໄຊຊະນະຂອງ ລັດທິສັງຄົມນິຍົມຢູ່ໃນທຸກໆ ປະເທດ; ວິທະຍາສາດກ່ຽວກັບ ການກໍ່ສ້າງລັດທິກອມມູນິດ.

   ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງພວກເຮົາ ຊຶ່ງເປັນຜູ້ນຳເອົາທິດສະດີມາກ-ເລນິນ ເຂົ້າມາເຜີຍແຜ່ ແລະ ໝູນໃຊ້ໃນພາລະກິດປະ ຕິວັດຂອງປະເທດພວກເຮົາກໍ ໄດ້ຊີ້ນຳວ່າ: ພັກຂອງພວກ ເຮົາແມ່ນພັກຂອງຊົນຊັ້ນກຳ ມະຊີບ ຖືເອົາລັດທິມາກ-ເລນິນເປັນເຂັມທິດ ຊຶ່ງເປັນລັດທິທີ່ປະຕິວັດກ່ວາໝູ່, ວິທະຍາ ສາດກ່ວາໝູ່, ພວກເຮົາຍາມ ໃດກໍຈົງຮັກພັກ ດີຕໍ່ລັດທິມາກ- ເລນິນ, ໝູນໃຊ້ບັນດາຫຼັກມູນ ຂອງລັດທິມາກ-ເລນິນ ເຂົ້າໃນ ເງື່ອນໄຂຕົວຈິງຂອງປະເທດ ເຮົາຢ່າງປະດິດສ້າງ, ວາງແນວທາງນະໂຍບາຍ ຊຶ່ງບໍ່ພຽງແຕ່ ສອດຄ່ອງກັບຄວາມມຸ່ງມາດ ປາດຖະໜາຂອງປະຊາຊົນ, ຫາກຍັງສອດຄ່ອງກັບກົດເກນ ແຫ່ງການຂະຫຍາຍຕົວຂອງ ສັງຄົມອີກດ້ວຍ. ຖ້າບໍ່ມີລັດທິ ມາກ-ເລນິນ, ການປະຕິວັດ ເຮົາກໍບໍ່ອາດຈະເຕີບໃຫຍ່ຂະ ຫຍາຍຕົວ ແລະ ຍາດເອົາໄຊ ຊະນະອັນໃຫຍ່ຫຼວງມາໄດ້ດັ່ງ ທຸກວັນນີ້. ແນວຄິດຊີ້ນຳຂອງ ພວກເພິ່ນຍັງເປັນສັດຈະທຳ, ເປັນຄະຕິເຕືອນໃຈ ແລະ ເຂັມທິດໃນການຄົ້ນຄ້ວາ, ໝູນໃຊ້ທິດສະດີມາກ-ເລນິນ ໃນພາລະກິດປົກປັກຮັກສາ ແລະ ສ້າງ ສາພັດທະນາປະເທດ ຊາດຂອງພວກເຮົາໃຫ້ໄປຕາມທິດສັງຄົມນິຍົມເທື່ອລະກ້າວ ເພື່ອໃຫ້ແນວຄິດ ແລະ ທິດສະດີຂອງ ຜູ້ໃຫ້ກຳເນີດທິດສະດີປະຕິວັດ ຖືກຈັດຕັ້ງປະຕິບັດ ສິ່ງສຳຄັນ ຍັງແມ່ນຍົກສູງຄວາມສາມາດ ໃນການຄົ້ນຄ້ວາ, ການໝູນໃຊ້ ທິດສະດີມາກ-ເລນິນ ແລະ ສະ ຫຼຸບພຶດຕິກຳຂອງພັກໃນເງື່ອນ ໄຂໃໝ່ໃຫ້ສອດຄ່ອງ ແລະ ມີ ປະສິດທິຜົນ.

1. ຍົກສູງຄວາມສາມາດ ໃນການຄົ້ນຄ້ວາ ແລະ ໝູນໃຊ້ ທິດສະດີ ມາກ-ເລນິນເຂົ້າໃນສະພາບຄວາມເປັນຈິງຂອງ ການປະຕິວັດລາວໃນເງື່ອນໄຂ ໃໝ່. 

   ສືບເນື່ອງຈາກບົດບາດ ຄວາມສຳຄັນຂອງທິດສະດີ ເວົ້າລວມ ແລະ ທິດສະດີມາກ -ເລນິນ ເວົ້າສະເພາະເຮັດໃຫ້ ການ ຄົ້ນຄ້ວາທິດສະດີ ແລະ ສະຫຼຸບພຶດຕິກຳມີບົດບາດສຳຄັນ ຍິ່ງກ່ວາເວລາໃດໝົດ. ຜ່ານ ພຶດຕິກຳຂອງການປະຕິວັດກໍ ເຫັນໄດ້ຢ່າງ ຈະແຈ້ງວ່າ: ທິດ ສະດີເປັນເຂັມທິດໃຫ້ແກ່ການນຳພາ, ເປັນພື້ນຖານ, ເປັນ ບ່ອນອີງໃຫ້ແກ່ການກຳນົດ ເປົ້າໝາຍ, ເສັ້ນທາງພັດ ທະນາ ປະເທດຊາດ ຫຼື ເວົ້າອີກຢ່າງໜຶ່ງທິດສະດີມາກ-ເລນິນແມ່ນ ຄັນທຸງເຕົ້າໂຮມຄວາມສາມັກ ຄີທົ່ວປວງຊົນໃຫ້ເປັນປຶກແຜ່ນ ເພື່ອປະຕິບັດໜ້າທີ່ການເມືອງຂອງການປະຕິວັດ. ຂາດລະ ບົບທິດສະດີເຍືອງທາງອັນຖືກ ຕ້ອງ, ຈະບໍ່ສາມາດເຕົ້າໂຮມ ກຳລັງແຮງຂອງມະຫາຊົນ, ສ້າງຄວາມເປັນເອກະພາບ, ຄວາມສາມັກຄີພາຍໃນຊາດ ແລະ ສາກົນໄດ້, ຍິ່ງໄປກ່ວາ ນັ້ນຈະເຮັດໃຫ້ພາຍໃນພັກ ແຕກແຍກ, ເກີດມີພັກພວກ ເຮັດໃຫ້ການປະຕິບັດເປົ້າໝາຍ ຂອງພັກ ບໍ່ໄປເຖິງໄຊຊະນະ ໄດ້ ແລະ ໃນທີ່ສຸດກໍບໍ່ສາມາດ ສ້າງໄດ້ຄວາມເຊື່ອໝັ້ນຂອງ ມະຫາຊົນຕໍ່ພັກ.

   ອີກດ້ານໜຶ່ງ, ຜ່ານໄລຍະ ເກືອບ 60 ປີແຫ່ງການເຕີບ ໃຫຍ່ຂະຫຍາຍຕົວຂອງພັກກໍ ເຫັນໄດ້ຢ່າງຈະແຈ້ງວ່າທິດສະ ດີມາກ-ເລນິນ ຍັງເປັນບ່ອນ ອີງພື້ນຖານໃຫ້ແກ່ການກຳເນີດ ແນວທາງຂອງພັກ, ນະໂຍບາຍ ແລະ ກົດໝາຍຂອງລັດຕາມ ທິດສັງຄົມນິຍົມ, ເປັນບ່ອນ ອີງທາງດ້ານວິທະຍາສາດໃຫ້ ແກ່ການກຳນົດທິດພັດທະນາ ເສດຖະກິດ-ສັງຄົມ ໃນແຕ່ລະ ໄລຍະໄປຕາມທິດທີ່ພັກ ແລະ ປະຊາຊົນເລືອກເອົາໄວ້.

   ບົດບາດຄວາມສຳຄັນຂອງທິດສະດີມາກ-ເລນິນ ດັ່ງກ່າວ, ການຍົກສູງຄວາມສາ ມາດໃນການຄົ້ນຄ້ວາ ແລະ ໝູນໃຊ້ທິດ ສະດີມາກ-ເລນິນ ເຂົ້າໃນຊີວິດຕົວຈິງຂອງປະເທດ  ຈຶ່ງສຸດທີ່ມີຄວາມໝາຍສຳຄັນ. ປະທານ ໄກສອນ ໄດ້ເນັ້ນ ໜັກວ່າ: ...ມັນເປັນເສັ້ນໄໝແດງທີ່ສອດຫ້ອຍໄປໃນທຸກວຽກ ງານຂອງພັກທຸກຂັ້ນ ແລະ ໃນ ທຸກເວລາ. ໃນເງື່ອນໄຂການ ເຊື່ອມໂຍງກັບ ສາກົນຂອງປະເທດພວກເຮົາ ໃນປະຈຸບັນ ການຄົ້ນຄ້ວາ ແລະ ໝູນໃຊ້ທິດ ສະດີມາກ-ເລນິນ ເຂົ້າໃນສະ ພາບຕົວຈິງຂອງ ປະເທດກໍຍິ່ງມີບົດບາດສຳຄັນຢູ່ແຖວໜ້າ ເພາະວ່າ: ໜຶ່ງ, ໜ້າທີ່ການສືບ ຕໍ່ສ້າງ ແລະ ຂະຫຍາຍລະ ບອບປະຊາທິ ປະໄຕປະຊາຊົນ ມີຄວາມຫຍຸ້ງຍາກ, ສັບສົນ ແລະ ຍາວນານ, ມີທັງຂໍ້ຫຍຸ້ງ ຍາກ ແລະ ການທົດສອບນາໆ ປະການ. ຖ້າຫາກບໍ່ໄດ້ສຶກສາຄົ້ນຄ້ວາ, ຮ່ຳຮຽນ, ເຊື່ອມຊຶມ ແລະ ກຳແໜ້ນອີ່ຫຼີກໍບໍ່ສາມາດ ເຮັດໃຫ້ເປັນຈິງໄດ້.  ສອງ, ໃນ ປະຈຸບັນ ກຳລັງຈັກກະພັດ ແລະ ກຳລັງປໍລະປັກພວມອອກແຮງ ບິດເບືອນ, ໃສ່ຮ້າຍປ້າຍສີ ແລະ ທັບຖົມໂຈມຕີລັດທິມາກ -ເລນິນ ແລະ ລັດທິສັງຄົມນິ ຍົມ. ຖ້າຫາກບໍ່ເອົາໃຈໃສ່ວຽກ ງານຄົ້ນຄ້ວາ ແລະ ໝູນໃຊ້ທິດ ສະດີມາກ-ເລນິນຢ່າງຖືກຕ້ອງ ທັນການ ແລະ ມີເຫດຜົນແລ້ວ ກໍບໍ່ສາມາດຕີຖອຍຖ້ອຍທຳ ນອງບິດເບືອນຂອງສັງຄົມ ຈິດຕະສາດນັ້ນໄດ້. ໃນທີ່ສຸດກໍ ເກີດມີແນວຄິດທໍ້ຖອຍ, ລັ່ງເລໃຈ, ສົງໄສຕໍ່ທິດສະດີມາກ-ເລນິນ ແລະ ແນວທາງຂອງພັກໃນ ທີ່ສຸດກໍເຮັດໃຫ້ການຈັດຕັ້ງປະ ຕິບັດແນວທາງຂອງພັກບໍ່ໄປ ຕາມທິດທີ່ກຳນົດໄວ້.

   ໂດຍທົ່ວໄປແລ້ວຈຸດສຸມຂອງການຄົ້ນຄ້ວາ ແລະ ໝູນໃຊ້ທິດສະດີມາກ-ເລນິນກໍຍັງປິ່ນອ້ອມບັນດາບັນຫາທີ່ຜູ້ໃຫ້ ກຳເນີດທິດ ສະດີມາກ-ເລນິນ ແລະ ຜູ້ສືບທອດພາລະກິດຂອງພວກເພິ່ນໄດ້ຄົ້ນພົບມາ ກ່ອນນັ້ນ, ຕ່າງແຕ່ວ່ານຳໃຊ້ ໃນເງື່ອນໄຂປະຈຸ ບັນຢູ່ແຕ່ລະ ປະເທດຕ່າງກັນເຊັ່ນ: ບັນຫາ ການກຳນົດເສັ້ນທາງກ້າວຂຶ້ນ ສັງຄົມນິຍົມ, ຮູບຖານເສດຖະ ກິດ-ສັງຄົມ, ລະບອບ ແລະ ລະບົບການເມືອງ, ກຳລັງການຜະລິດ ແລະ ການພົວພັນການ ຜະລິດ, ຮູບການການປົກຄອງ, ການສ້າງພັກຂອງຊົນຊັ້ນກຳ ມະຊີບ...ນັ້ນກໍເພື່ອຄວາມຈົງຮັກພັກດີຕໍ່ທິດສະດີມາກ-ເລນິນ, ຢືນຢັນຄວາມຖືກຕ້ອງ ຂອງຫຼັກມູນທິດສະດີມາກ-ເລ ນິນ ໃນເງື່ອນ ໄຂປະຫວັດສາດທີ່ແນ່ນອນໃດໜຶ່ງ. ແຕ່ກໍບໍ່ໄດ້ໝາຍຄວາມວ່າທຸກສິ່ງວັດຖຸບໍ່ ມີການປ່ຽນແປງ, ໃນເມື່ອເງື່ອນ ໄຂສະພາບແວດ ລ້ອມມີການ ປ່ຽນແປງ ແນ່ນອນສິ່ງນັ້ນກໍ ຕ້ອງປ່ຽນແປງ. ໃນເວລາເນັ້ນ ໜັກຄວາມສຳຄັນຂອງທິດສະ ດີ, ທ່ານ ເລນິນ ໄດ້ຢ້ຳໄປຢ້ຳມາຫຼາຍໆຄັ້ງວ່າທິດສະດີບໍ່ແມ່ນຄຳພີ, ມັນແມ່ນເຂັມຊີ້ທິດໃຫ້ແກ່ການເຄື່ອນໄຫວປະ ຕິວັດ ແລະ ທິດສະດີບໍ່ແມ່ນສິ່ງ ແຂງກະດ້າງ, ມັນມີລັກສະນະ ປະດິດສ້າງຄົບຖ້ວນ; ທິດສະດີ ມີຄວາມຈຳເປັນຕ້ອງເພີ່ມເຕີມ ຢູ່ເລື້ອຍໆດ້ວຍການສະຫຼຸບໃໝ່ ທີ່ຖອດຖອນໄດ້ຈາກພຶດຕິກຳ ທີ່ມີຊີວິດຊີວາ. ຊາວກອມມູ ນິດບັນດາປະເທດຕ້ອງຫັນລັດ ທິມາກ-ເລນິນ ໃຫ້ເປັນອັນລະ ອຽດ, ແທດເໝາະກັບເງື່ອນໄຂ ຕົວຈິງຂອງແຕ່ລະໄລຍະ ແລະ ແຕ່ລະສະຖານທີ່. ຍ້ອນແນວ ນັ້ນໃນການໝູນໃຊ້ທິດສະດີ ມາກ-ເລນິນ ຈຶ່ງຈຳເປັນຕ້ອງນຳເອົາຈິດໃຈ, ຫຼັກໝັ້ນ, ທັດສະນະ ແລະ ວິທີການຂອງລັດທິມາກ-ເລນິນ ເພື່ອແກ້ໄຂບັນ ຫາຕົວຈິງຂອງ ການ ປະຕິວັດໃຫ້ສອດຄ່ອງກັບເງື່ອນໄຂພິເສດໃນແຕ່ລະໄລຍະຂອງແຕ່ ລະປະເທດ.

ຍ້ອນແນວນັ້ນໃນ ປະຈຸບັນມັນຮຽກ ຮ້ອງໃຫ້ພວກເຮົາຄວນສືບຕໍ່ຄົ້ນຄ້ວາທິດສະດີມາກ-ເລນິນຈະແຈ້ງຄື: ໜຶ່ງ, ຫຼັກມູນໃດກ່ອນໜ້ານີ້ຖືກຕ້ອງປະຈຸບັນ ແລະ ອະນາ ຄົດຍັງຖືກຕ້ອງສອດຄ່ອງຢູ່. ສອງ, ຫຼັກມູນໃດກ່ອນໜ້ານີ້ຖືກຕ້ອງ, ແຕ່ເງື່ອນໄຂມີການປ່ຽນແປງ ປະຈຸບັນບໍ່ສອດຄ່ອງ. ສາມ, ອັນໃດກ່ອນໜ້ານີ້ບໍ່ຖືກ ຫຼື ການຮັບຮູ້ບໍ່ຖືກຕ້ອງເຮັດໃຫ້ການ ໝູນໃຊ້ບໍ່ຖືກຕ້ອງ. ສີ່, ຜ່ານ ພຶດຕິກຳສ້າງໄດ້ບັນດາທັດສະ ນະຂໍ້ສະຫຼຸບໃໝ່ເພີ່ມເຕີມໃສ່ທິດສະດີມາກ-ເລນິນ. ຖ້າເຮັດໄດ້ຄືດັ່ງກ່າວຈະຊ່ວຍໃຫ້ພວກ ເຮົາຫຼີກໄດ້ການໝູນໃຊ້ທິດສະ ດີມາກ-ເລນິນເຂົ້າໃນການປະຕິວັດຂອງພັກເຮົາຢ່າງຜິດພາດ, ອັດຕະວິໄສ, ຄຳພີຕາຍຕົວ, ຫ່າງເຫີນຈາກຕົວຈິງ. ພ້ອມ ກັນນັ້ນກໍ ເສີມຂະຫຍາຍການປະດິດສ້າງສອດຄ່ອງກັບສະພາບຕົວຈິງ ແລະ ເງື່ອນໄຂປະຫວັດສາດຂອງປະເທດພວກ ເຮົາ.

ການຍົກສູງຄວາມສາມາດໃນການຄົ້ນຄ້ວາທິດສະດີມາກ-ເລນິນຢ່າງມີປະສິດທິຜົນມັນຂຶ້ນກັບຫຼາຍປັດໄຈ ເຊັ່ນ: ຖັນແຖວພະ ນັກງານສະມາຊິກພັກ, ນັກວິທະຍາສາດ, ນັກວິຊາການ (ຜູ້ທີ່ເຮັດວຽກງານຄົ້ນ ຄ້ວາທິດສະດີ ແລະ ຜູ້ຜັນຂະ ຫຍາຍແນວທາງ ສູ່ພາກຈັດຕັ້ງປະຕິບັດຕົວຈິງ) ແລະ ປັດໄຈເອື້ອອຳນວຍຄວາມສະດວກ ໃຫ້ແກ່ການຄົ້ນຄ້ວາ (ພື້ນຖານ ໂຄງລ່າງຮັບໃຊ້ ການຄົ້ນຄ້ວາ ແລະ ຜັນຂະຫຍາຍ, ກົນໄກ, ນະໂຍບາຍ ແລະ ລະບອບ- ລະບຽບການ, ທາງດ້ານຂໍ້ມູນ ຂ່າວສານ ແລະ ງົບປະມານ ຮັບໃຊ້). ໃນບັນດາປັດໄຈເຫຼົ່າ ນັ້ນອັນຕັດສິນກ່ວາໝູ່ແມ່ນ ຄວາມສາມາດຂອງຖັນແຖວ ພະນັກງານນັກຄົ້ນຄ້ວາ, ພະ ນັກງານນຳພາ ແລະ ຄຸ້ມຄອງ ການຈັດຕັ້ງປະຕິບັດການຄົ້ນ ຄ້ວາ ແລະ ການຜັນຂະຫຍາຍ ຕົວຈິງ. ມີພຽງແຕ່ຖັນແຖວນັກ ຄົ້ນຄ້ວາ ແລະ ຜູ້ພາເຮັດຕົວຈິງ ເທົ່ານັ້ນ ແມ່ນຍັງບໍ່ພຽງພໍ ມັນ ຮຽກຮ້ອງໃຫ້ມີສິ່ງເອື້ອອຳນວຍ ໃຫ້ແກ່ການຄົ້ນຄວ້າ ແລະ ການ ຜັນຂະຫຍາຍຢ່າງຄົບຖ້ວນ ແລະ ສະດວກທັນໃຈ.

ໃນຊຸມປີປ່ຽນແປງໃໝ່ມານີ້ພັກໄດ້ເອົາໃຈໃສ່ສ້າງຖັນແຖວນັກທິດສະດີທັງໃນດ້ານຈຳນວນ ແລະ ຄຸນນະພາບ ດ້ວຍຫຼາຍ ວິທີການ ແລະ ມາດຕະການ, ເຮັດໃຫ້ຖັນແຖວນັກວິທະຍາສາດມີຄວາມຮູ້ດ້ານທິດສະດີເລິກເຊິ່ງ ໂດຍຜ່ານ ການຄົ້ນຄວ້າ ຮ່ຳຮຽນຢ່າງເປັນລະບົບ ແລະ ຜ່ານພຶດຕິກຳຕົວຈິງ. ພ້ອມກັນນັ້ນກໍ່ສ້າງສິ່ງເອື້ອອຳນວຍໃຫ້ແກ່ການຄົ້ນຄ້ວາວິ ທະຍາສາດ ນັບ ມື້ດີຂຶ້ນເຊັ່ນ: ການປະຕິບັດນະໂຍບາຍສົ່ງເສີມການຄົ້ນຄ້ວາ, ຄ່ອຍໆມີນະໂຍບາຍຮັບໃຊ້ແກ່ການຄົ້ນຄວ້າວິທະຍາສາດ ຈະແຈ້ງ ຂຶ້ນ (ແຕ່ລະປີໄດ້ກຳນົດ 1% ຂອງ GDP ຮັບໃຊ້ເຂົ້າໃນການຄົ້ນ ຄ້ວາວິທະຍາສາດ). ເອົາໃຈ ໃສ່ເສີມຂະຫຍາຍປະຊາທິປະ ໄຕ ໃນການແລກປ່ຽນຄວາມຄິດເຫັນທາງດ້ານວິທະຍາສາດ, ສ້າງເວທີສົນທະນາ, ເສວະນາ, ສຳມະນາແລກປ່ຽນທັງ ໃນທັດສະ ນະ, ແນວຄວາມຄິດ, ວິທີການ ແລະ ມາດຕະ ການແກ້ໄຂບັນຫາຕ່າງໆຢ່າງ ປະດິດສ້າງ ແລະ ມີຄວາມຮັບ ຜິດຊອບຫຼາຍຂຶ້ນ.

ພ້ອມກັບການເອົາໃຈໃສ່ຍົກລະດັບຄວາມຮັບຮູ້ ແລະ ຄວາມຊຳນິຊຳນານຂອງຖັນແຖວນັກຄົ້ນຄ້ວາແລ້ວ, ຍັງສືບ ຕໍ່ເອົາໃຈ ໃສ່ບູລະນະກົນໄກ ແລະ ນະໂຍບາຍການຄຸ້ມຄອງການຄົ້ນຄ້ວາວິທະຍາສາດເຊັ່ນ: ບູລະນະຂັ້ນຕອນຂອງ ການເຄື່ອນໄຫວ ຄຸ້ມຄອງ ແລະ ການກຳນົດຫົວຂໍ້ຈຸດສຸມການ ຄົ້ນຄ້ວາໃນແຕ່ລະໄລຍະ,ສະເໜີແນວຄວາມຄິດ, ກຳນົດຫົວ ຂໍ້, ວິທີການເລືອກ ເຟັ້ນ, ຂັ້ນຕອນການຜັນຂະຫຍາຍການຄົ້ນຄວ້າ, ນຳໃຊ້ບັນດາວິທີວິ ທະຍາ ໃນການຄົ້ນຄ້ວາທິດສະ ດີມາກ-ເລນິນ ເຂົ້າໃນການ ຄົ້ນ ຄ້ວາແຕ່ລະຫົວຂໍ້, ການຕີລາ ຄາປະເມີນຜົນ ແລະ ການຮັບ ຮອງຜົນການຄົ້ນຄ້ວາ, ການ ປະກາດໃຊ້ຜົນຂອງການຄົ້ນ ຄ້ວາ. ຄຽງຄູ່ກັບການເຄື່ອນໄຫວຄົ້ນຄ້ວາທິດສະດີໄດ້ເອົາໃຈໃສ່ກົນໄກຄຸ້ມຄອງການເງິນ ແລະ ແບ່ງປັນຄ່າໃຊ້ຈ່າຍບົນ ຫຼັກການ ປະຢັດ, ປະສິດທິຜົນ, ເປີດເຜີຍ, ໂປ່ງໃສ ແລະ ເຂົ້າ ໃຈງ່າຍ.

2. ເອົາການຄົ້ນຄ້ວາທິດ ສະດີມາກ-ເລນິນ ຕິດພັນກັບ ການສະຫຼຸບພຶດຕິກຳຂອງພັກ.

ພວກເຮົາເຂົ້າໃຈວ່າ: ການ ປະຕິບັດຕົວຈິງແມ່ນພື້ນຖານ ຂອງທິດສະດີ ແລະ ທິດສະດີ ຊ້ຳພັດຮັບໃຊ້ການປະຕິວັດຕົວ ຈິງ ຫຼື ພຶດຕິກຳແມ່ນມາດຕະ ຖານຂອງຄວາມເປັນຈິງ, ບ່ອນ ພິສູດສັດຈະທຳ. ຄວາມເອກະ ພາບລະຫວ່າງທິດສະດີ ແລະ ພຶດຕິກຳ ຈຶ່ງເປັນຫຼັກການພື້ນ ຖານໜຶ່ງຂອງລັດທິມາກ-ເລ ນິນ.

ຜູ້ນຳຫຼາຍທ່ານເຄີຍໃຫ້ການ ຊີ້ນຳວ່າ: ພຶດຕິກຳທີ່ບໍ່ມີທິດສະ ດີຊີ້ນຳ ຈະກາຍເປັນພຶດຕິກຳ ມືດມົນ, ທິດສະດີທີ່ບໍ່ໄດ້ຜ່ານ ພຶດຕະກຳແມ່ນທິດສະດີນ້ຳ ເຕົ້າເປົ່າ. ພຶດຕິກຳມັນແມ່ນ ບັນຫາຂອງການປະຕິວັດພວກ ເຮົາຕ້ອງແກ້ໄຂ, ມັນອຸດົມສົມ ບູນ ແລະ ກວ້າງຂວາງທີ່ສຸດ, ກວມເອົາບັນຫາຕ່າງໆຂອງ ການປະຕິວັດ, ແນວທາງ ແລະ ນະໂຍບາຍຂອງພັກ, ບັນຫາ ພາຍໃນ ແລະ ຕ່າງປະເທດ, ປະສົບປະການຂອງວຽກງານ, ແນວຄິດຂອງບຸກຄົນ...ທິດສະ ດີທີ່ມີຄຸນຄ່າກໍຕໍ່ເມື່ອໄດ້ກວດ ຜ່ານ ແລະ ໄດ້ຮັບການຢືນຢັນ ຈາກພຶດຕິກຳ,ມີແຕ່ແນວນັ້ນ ທິດສະດີ ຈຶ່ງກາຍເປັນເຂັມຊີ້ ທິດໃຫ້ແກ່ພຶດຕິກຳ ແລະ ປະ ກອບສ່ວນພັດທະນາພຶດຕິກຳ. ກົງກັນຂ້າມ, ພຶດຕິກຳພັດເປັນ ຕອນດິນທີ່ອຸດົມສົມບູນ ລ້ຽງດູ ທິດສະດີ ແລະ ເປັນບ່ອນຍົກ ສູງຄວາມສາມາດຂອງການ ຄົ້ນຄວ້າທິດສະດີຂອງນັກຄົ້ນ ຄ້ວາວິທະຍາສາດ.

ຈາກບັນຫາກວມລວມດັ່ງກ່າວພັກໄດ້ເອົາໃຈໃສ່ທັງສອງ ດ້ານໄປພ້ອມໆກັນຄື: ດ້ານທີ່ ໜຶ່ງ, ແມ່ນສົມທົບແໜ້ນລະຫວ່າງ ການຄົ້ນຄ້ວາທິດສະດີມາກ-ເລນິນ ກັບການໝູນໃຊ້ເຂົ້າໃນ ພຶດຕິກຳຕົວຈິງຂອງການປະ ຕິວັດປະເທດເຮົາ. ດ້ານສອງ, ເອົາໃຈໃສ່ການສະຫຼຸຸບພຶດຕິ ກຳແຫ່ງການຈັດຕັ້ງວຽກງານ ຕ່າງໆຂອງພັກ. ເມື່ອອີງໃສ່ທິດ ສະດີແຫ່ງຄວາມຮັບຮູ້ແລ້ວ ເຫັນວ່າໄດ້ສົມທົບແໜ້ນລະ ຫວ່າງຄວາມຮັບຮູ້ຕາມແບບ ວັດຖຸນິຍົມ ແລະ ຕາມແບບວິ ທີສັດຈະວິພາກໄປພ້ອມກັນ. ສົມທົບແໜ້ນລະຫວ່າງຄວາມ ຮັບຮູ້ ຜ່ານການຈັດຕັ້ງປະຕິບັດ ຕົວຈິງຢູ່ທ້ອງຸຖິ່ນຮາກຖານ ແລະ ກົມກອງຕ່າງໆ, ມີການສະຫຼຸຸບ ສັງລວມ, ປັບປຸງ, ຖອດເປັນ ບົດຮຽນແຫ່ງການຈັດຕັ້ງປະຕິ ບັດແລ້ວ ສ້າງເປັນລະບົບແນວ ຄິດ ເພື່ອສືບຕໍ່ຊີ້ນຳພາລະກິດ ປະຕິວັດຂອງພັກ. ພັກໄດ້ເອົາ ໃຈໃສ່ຕິດຕາມສະພາບການ ໃນແຕ່ລະໄລຍະຢູ່ສູນກາງ ແລະ ທ້ອງຖິ່ນ, ພາຍໃນ ແລະ ຕ່າງ ປະເທດ, ຍົກລະດັບຄວາມຮັບ ຮູ້ຂອງຖັນແຖວພະນັກງານນຳ ພາ ແລະ ຄຸ້ມຄອງຢູ່ສະເໝີ ນັ້ນກໍເພື່ອວາງໜ້າທີ່ ແລະ ວິ ທີການຈັດຕັ້ງປະຕິບັດໃໝ່ໃຫ້ ສອດຄ່ອງກັບສະພາບການໃໝ່. ສະພາບການມີການປ່ຽນແປງ ເປັນປະຈຳ, ຖ້າຫາກຄວາມ ຮັບຮູ້ໄປບໍ່ທັນກັບສະພາບການ ແມ່ນຍາກຈະນຳພາການປະ ຕິວັດຕົວຈິງໃຫ້ມີຜົນສຳເລັດ ໄດ້. ຍ້ອນແນວນັ້ນພັກ ຈຶ່ງເນັ້ນ ໜັກວ່າ: ເອົາໃຈໃສ່ຄົ້ນຄ້ວາ, ກຳແໜ້ນ ແລະ ໝູນໃຊ້ບັນດາ ຫຼັກມູນພື້ນຖານຂອງລັດທິ ມາກ-ເລນິນ ເຂົ້າໃນສະພາບ ຕົວຈິງຂອງປະເທດເຮົາຢ່າງ ປະດິດສ້າງ ແລະ ແທດເໝາະ ໂດຍຕິດພັນກັບການສະຫຼຸຸບ ຖອດຖອນບົດຮຽນຈາກພຶດຕິ ກຳຂອງປະເທດເຮົາຢ່າງເປັນ ປົກກະຕິ ເພື່ອບູລະນະແນວ ທາງໃຫ້ສອດຄ່ອງກັບຄວາມ ຮຽກຮ້ອງຂອງການພັດທະນາ ປະເທດຊາດ, ເພື່ອໃຫ້ທິດຊີ້ ນຳຕໍ່ການເຄື່ອນໄຫວນຳພາ ຕົວຈິງຂອງພັກ ແລະ ແກ້ໄຂ ບັນຫາເກີດຂຶ້ນຢ່າງຖືກຕ້ອງ ແລະ ທັນການ.

ສັງລວມແລ້ວ, ການຍົກສູງຄວາມສາມາດໃນການຄົ້ນຄ້ວາທິດສະດີມາກ-ເລນິນ ມັນແມ່ນ ການຍົກສູງລະດັບ, ຄວາມຮັບ ຜິດຊອບ ແລະ ຄວາມສາມາດ ຂອງຖັນແຖວນັກຄົ້ນຄ້ວາທິດ ສະດີ ແລະ ພະນັກງານນຳພາ ແລະ ຄຸ້ມຄອງຂອງພັກ ເພື່ອ ນຳເອົາທິດສະດີມາກ-ເລນິນ ໝູນໃຊ້ເຂົ້າໃນສະພາບຕົວຈິງຂອງປະເທດຢ່າງປະດິດສ້າງ, ສອດຄ່ອງ, ຮັບປະກັນລັກສະ ນະຊົນຊັ້ນ ແລະ ຄວາມໝັ້ນຄົງຂອງລະບອບສັງຄົມນິຍົມ. ຢາກເຮັດໄດ້ແນວນັ້ນພັກຕ້ອງ ເອົາໃຈໃສ່ການຍົກສູງຄວາມ ຮັບຮູ້, ສະຫຼຸບພຶດຕິ ກຳຂອງການປະຕິວັດຢູ່ສະເໝີເຮັດໃຫ້ການໝູນໃຊ້ທິດສະດີມາກ-ເລນິນຕິດພັນກັບສະພາບຄວາມເປັນຈິງຂອງປະເທດຊາດ, ແກ້ໄຂ ບັນດາພະຍາດອາດຍາສິດໃນຕົວ, ຄຳພີ, ຫ່າງເຫີນຈາກຮາກຖານຕົວຈິງ.