ການກຳເນີດຂອງພັກ ປະ ຊາຊົນປະຕິວັດລາວ.

ນັບແຕ່ມື້ສ້າງຕັ້ງໃນກອງປະຊຸມພັກ ຄັ້ງທຳອິດ ທີ່ໄດ້ກຳ ນົດແນວທາງນະໂຍ ບາຍຂອງພັກອອກຈົນຮອດກອງປະຊຸມ ໃຫຍ່ຜູ້ແທນທົ່ວປະເທດຂອງ ພັກ ຄັ້ງທີ IX. ເນື້ອໃນສ່ວນ ໃຫຍ່ຂອງບົດປະຫວັດສາດ ຂອງພັກແມ່ນໄດ້ຮວບຮວມຈາກເອກະສານອົບຮົມຄວາມຮູ້ພື້ນຖານດ້ານການເມືອງ - ການປົກຄອງຂອງຄະນະໂຄສະນາອົບຮົມສູນ ກາງພັກປີ 2012, ປຶ້ມປະຫວັດສາດພັກ ປປ ລາວ ຂອງສະຖາບັນວິທະຍາສາດສັງຄົມແຫ່ງຊາດປີ 2010 ແລະ ເອກະສານກ່ຽວ ກັບພັກອື່ນໆຈຳນວນໜຶ່ງ.

 

   ໃນບົດທຳອິດນີ້ ຂໍນຳສະເໜີເຫດຜົນ ແລະ ເງື່ອນໄຂທີ່ພາໃຫ້ພັກ ປປ ລາວ ໄດ້ຮັບ ການສ້າງຕັ້ງຂຶ້ນ.

ການກຳເນີດຂອງພັກ ປະ ຊາຊົນປະຕິວັດລາວ.

   ໄລຍະທ້າຍສັດຕະວັດທີ XIX ຫາ ຕົ້ນສັດຕະວັດທີ XX ລັດທິທຶນນິຍົມໄດ້ຂະຫຍາຍ ຕົວສູ່ລະດັບສູງ ແລະ ກາຍ ເປັນລັດທິຈັກກະພັດ; ພວກ ເຂົາໄດ້ດຳເນີນການຮຸກຮານ ເອົາຫົວເມືອງຂຶ້ນ ຊຶ່ງຢຶດຄອງ ໄດ້ເກືອບໝົດບັນດາປະເທດທີ່ ອ່ອນນ້ອຍ ແລະ ເຮັດໃຫ້ປະ ເທດເຫຼົ່ານັ້ນຕົກເປັນຫົວເມືອງ ຂຶ້ນ ແລະ ເຄິ່ງເມືອງຂຶ້ນຂອງ ພວກເຂົາ ໂດຍຢືນຢູ່ຕໍ່ໜ້າສະ ຖານະການທີ່ດຸເດືອດຂ້ຽວ ຂາດ “ດາບຢູ່ເໜືອຄໍຢູ່ໃຕ້” ຈຶ່ງ ເກີດມີຂະບວນຕໍ່ສູ້ເພື່ອຍາດ ເອົາຄວາມເປັນເອກະລາດ ອະ ທິປະໄຕຂອງປະຊາຊາດຕ່າງໆ ໃນໂລກໄດ້ຂະຫຍາຍຕົວກາຍ ເປັນກະແສຟອງປົດປ່ອຍຊາດ ປົດປ່ອຍຊາວຜູ້ອອກແຮງງານ ໃຫ້ຫຼຸດພົ້ນຈາກການກົດຂີ່ຂົ່ມ ເຫັງຂອງຊົນຊັ້ນສັກດີນາ, ນາຍ ທຶນຈັກກະພັດ.

ມະຫາປະຕິວັດເດືອນຕຸ ລາຣັດເຊຍ ໄດ້ຮັບໄຊຊະນະປີ 1917 ໄດ້ກ້ອງກັງວານໄປທົ່ວ ມູມໂລກ ເປັນການເປີດສັງ ກາດໃໝ່ໃນປະຫວັດສາດຂອງ ສັງຄົມມະນຸດ; ໄປພ້ອມໆກັບ ຜົນສຳເລັດດັ່ງກ່າວດ້ານທິດ ສະດີແຫ່ງຍຸກສະໄໝ ລັດທິ ມາກ-ເລນິນ ກໍໄດ້ແຜ່ຜາຍ ຢ່າງກວ້າງຂວາງເຂົ້າສູ່ປະເທດ ຕ່າງໆໃນຂອບເຂດທົ່ວໂລກ ແລະ ໄດ້ສົ່ງຜົນສະທ້ອນອັນ ເລິກເຊິ່ງເຖິງການປົດປ່ອຍ ຊາດ, ຍາດເອົາຄວາມເປັນເອ ກະລາດຢູ່ບັນດາປະເທດເມືອງ ຂຶ້ນ. ຢູ່ທະວີບອາຊີ ກໍໄດ້ມີຂະ ບວນການຕໍ່ສູ້ຂ້ຽວຂາດ ຕ້ານ ຈັກກະພັດ, ສັກດີນາເພື່ອປົດ ປ່ອຍຕົນເອງ; ເປັນຕົ້ນຢູ່ ຈີນ, ອິນເດຍ, ຫວຽດນາມ ໂດຍສະ ເພາະຢູ່ອິນດູຈີນ ທັງສາມປະ ເທດຄື: ຫວຽດນາມ, ກຳປູເຈຍ ແລະ ລາວ ທີ່ເຄີຍເປັນຫົວ ເມືອງຂຶ້ນຂອງຈັກກະພັດຝຣັ່ງ ມາເປັນເວລາຫຼາຍສິບປີທີ່ບໍ່ ສາມາດທົນທຸກທໍລະມານຕໍ່ ການກົດຂີ່ຂູດຮີດ ຈຶ່ງພ້ອມກັນ ລຸກຮື້ຂຶ້ນຕໍ່ສູ້ຢ່າງພິລະອາດ ຫານ ໂດຍຈັບເອົາກາລະໂອ ກາດດັ່ງກ່າວ ທ່ານ ຫງວຽນ ອາຍ ກວັກ ໄດ້ສຸມສະຕິປັນຍາ ຂອງຕົນ ເພື່ອຊອກຮູ້ ແລະ ນຳ ເອົາທິດສະດີມາກ-ເລນິນ ເຂົ້າ ມາເຜີຍແຜ່ ເພື່ອຊັກຈູງຂະ ບວນຮັກຊາດ, ຂະບວນການຕໍ່ ສູ້ຂອງຊົນຊັ້ນກຳມະກອນ ແລະ ປະຊາຊົນຜູ້ອອກແຮງງານໃນບັນດາປະເທດອິນດູຈີນກາຍ ເປັນຂະບວນການຕໍ່ສູ້ດຸເດືອດ ປະກອບດ້ວຍທິດສະດີປະຕິ ວັດຂອງ ຍຸກສະໄໝ ເພື່ອປົດ ປ່ອຍຊາດຢ່າງເຖິງຖອງນັ້ນ ແມ່ນເສັ້ນທາງລັດທິມາກ-ເລ ນິນ.

   ລັດທິມາກ-ເລນິນແມ່ນພາກສ່ວນປະກອບອັນໜຶ່ງຂອງລັດທິສັງຄົມນິຍົມວິທະຍາສາດທີ່ເປັນວິທະຍາສາດກ່ຽວ ກັບການຕໍ່ສູ້ປະ ຊາຊົນຂອງຊາວກຳມະກອນ, ກໍ່ສ້າງສັງ ຄົມນິຍົມ; ກົດເກນດັ່ງກ່າວຊີ້ ໃຫ້ເຫັນແກ່ການກຳເນີດຂອງ ພັກກອມມູນິດ, ບົ່ງບອກບັນ ດາຫຼັກການກໍ່ສ້າງດ້ານແນວຄິດ, ການຈັດຕັ້ງ ແລະ ການເຄື່ອນໄຫວນຳພາດ້ານການເມືອງຂອງພັກທີ່ແນໃສ່ເພື່ອ ດັດສ້າງສັງຄົມ ເກົ່າ, ກໍ່ສ້າງສັງ ຄົມນິຍົມໃຫ້ສຳເລັດ ແລະ ກ້າວ ສູ່ສັງຄົມກອມມູນິດ. ໂດຍກຳແໜ້ນລັກສະນະປະຕິວັດ ແລະ ລັກສະນະວິທະ ຍາສາດຂອງລັດທິມາກ-ເລນິນ ປະທານໂຮ່ຈິມິນ ໄດ້ສືບ ທອດ ແລະ ນຳເອົາແນວຄິດທິດ ສະດີດັ່ງກ່າວມາຈັດຕັ້ງເຜີຍ ແຜ່ດ້ວຍ ຄວາມໝາຍທີ່ເປັນປະຖົມປັດໄຈໃຫ້ແກ່ການກໍ່ ສ້າງພັກກອມມູນິດຫວຽດນາມ ດ້ວຍວິທີສົມທົບລະຫວ່າງທາດ ແທ້ປະຕິວັດ ແລະ ວິທະຍາ ສາດ, ບັນຫາສັດຈະວິພາກ ແລະ ມະນຸດສະທຳ ບວກກັບລັດທິຮັກຊາດທີ່ເປັນມູນເຊື້ອ ອັນຈົບງາມຂອງຊາດໄດ້ນຳ ພາສ້າງຕັ້ງພັກກອມມູນິດອິນດູ ຈີນ ຂຶ້ນໃນວັນທີ 3/2/1930. ພາຍໃຕ້ການນຳພາຂອງພັກກອມມູນິດອິນດູຈີນຢູ່ລາວກໍ ໄດ້ເຄື່ອນ ໄຫວນຳພາຂະບວນການຕໍ່ສູ້ຂອງປະຊາຊົນລາວ ບັນດາເຜົ່າຕ້ານພວກລ່າເມືອງ ຂຶ້ນຝຣັ່ງ, ເຮັດໃຫ້ຂະບວນ ການຕໍ່ສູ້ນັບມື້ນັບຂະ ຫຍາຍຕົວຢ່າງກວ້າງຂວາງໃນຂອບ ເຂດທົ່ວປະເທດ, ຂະຫຍາຍ ຕົວຈາກຊົນນະບົດກ້າວເຂົ້າສູ່ ຕົວເມືອງອັນໄດ້ເຮັດໃຫ້ຂະ ບວນການຂອງກຳມະກອນ, ນັກຮຽນຮູ້ປັນຍາຊົນຜູ້ຮັກຊາດ ໃນຫຼາຍໆຕົວເມືອງໄດ້ເຄື່ອນ ໄຫວຕໍ່ສູ້ຢ່າງເປັນຂະບວນ ການ.

ຄືຮູ້ນຳກັນແລ້ວວ່າ; ນັບແຕ່ປີທຳອິດທີ່ພວກລ່າເມືອງຂຶ້ນຝຣັ່ງໄດ້ເຂົ້າມາຢຶດຄອງປະເທດເຮົາ, ຂະບວນການຕໍ່ສູ້ ຂອງປະຊາຊົນເຮົາ ໄດ້ເກີດຂຶ້ນຢູ່ທ້ອງຖິ່ນຕ່າງໆຢ່າງເນື່ອງນິດລຽນຕິດ ໃນນັ້ນອັນພົ້ນເດັ່ນທີ່ສຸດມີດັ່ງນີ້:

- ຂະບວນການຕໍ່ສູ້ຂອງປະຊາຊົນຢູ່ແຂວງສະຫວັນນະເຂດ ແຕ່ປີ 1901-1903 ພາຍ ໃຕ້ການນຳພາຂອງພໍ່ກະດວດ.

- ການລຸກຮື້ຂຶ້ນດ້ວຍອາວຸດຂອງປະຊາຊົນພາກໃຕ້ແຕ່ ປີ 1901-1937 ພາຍໃຕ້ການນຳພາຂອງອົງແກ້ວ ແລະ ອົງ ກົມມະດຳ.

- ຂະບວນການຕໍ່ສູ້ຂອງ ປະຊາຊົນເຜົ່າມົ້ງຢູ່ບັນດາແຂວງ ພາກເໜືອ ພາຍໃຕ້ການນຳພາ ຂອງເຈົ້າຟ້າ ປັດໄຈ ແຕ່ປີ 1918-1922.

- ຂະບວນການຕໍ່ສູ້ຂອງຊົນເຜົ່າລື້ ຢູ່ເມືອງສິງ ແຕ່ປີ 1914-1918.

- ຂະບວນການຕໍ່ສູ້ຂອງ ຊົນເຜົ່າຜູ່ໄທ ຢູ່ຊຳເໜືອໃນປີ 1916 ແລະ ການຕໍ່ສູ້ອື່ນໆໃນ ທ້ອງເພື່ອເສີມຂະຫຍາຍມູນເຊື້ອ ແລະ ເຕົ້າໂຮມເອົາກຳລັງເຂົ້າມາຢູ່ພາຍໃຕ້ການນຳພາຂອງພັກຢ່າງເປັນເອກະພາບ ແລະ ມີແນວທາງມີຍຸດທະສາດ-ມີວິທີການຕໍ່ສູ້ອັນ ຖືກຕ້ອງ.

- ໃນເວລານັ້ນ ຂະບວນ ຕໍ່ສູ້ຂອງບັນດາປະຊາຊາດໃນ ທົ່ວໂລກຕ້ານລັດທິລ່າເມືອງຂຶ້ນ ໄດ້ຂະຫຍາຍຕົວຢ່າງແຂງ ແຮງ ຊຶ່ງ ເປັນການຊຸກຍູ້ສົ່ງເສີມໃຫ້ການຕໍ່ສູ້ຂອງປະຊາຊົນລາວເຮົາເຕີບໃຫຍ່. ອັນນີ້ກໍ ເປັນເງື່ອນໄຂໃຫ້ແກ່ການສ້າງ ຕັ້ງພັກເຮົາຂຶ້ນມາ. ຕໍ່ໜ້າສະພາບການຂອງໂລກ ແລະ ສະພາບການພາຍໃນປະເທດທີ່ສັບສົນດັ່ງກ່າວນັ້ນເພື່ອດຳເນີນການຕໍ່ສູ້ກ້າວ ສູ່ໄລຍະໃໝ່ ແຫ່ງປະຫວັດສາດຂອງຊາດ ເພື່ອຊີ້ທິດບອກທາງ ໃຫ້ປະຊາຊົນກ້າວຂຶ້ນຢ່າງໜັແໜ້ນ.

   ໂດຍຕອບສະໜອງຄວາມຮຽກຮ້ອງຕ້ອງການດັ່ງກ່າວຊາວກອມມູນິດລາວທີ່ໄດ້ສ້າງເງື່ອນໄຂ ແລະ ກະກຽມສ້າງພັກ ການ ເມືອງຂອງຕົນຂຶ້ນ ເພື່ອນຳພາການຕໍ່ສູ້ກູ້ຊາດ ແລະ ນຳພາການປະຕິວັດຂອງຕົນກ້າວຂຶ້ນຢ່າງບໍ່ຢຸດຢັ້ງ; ມາຮອດວັນ ທີ 22 ມີນາ 1955 ພັກປະຊາຊົນລາວ (ເຊິ່ງແມ່ນພັກ ປະຊາຊົນ ປະຕິວັດລາວ ໃນປະຈຸ ບັນ) ໄດ້ຮັບການສ້າງຕັ້ງຂຶ້ນ ເພື່ອເຮັດໜ້າທີ່ສືບ ທອດພາລະກິດປະຕິວັດຂອງພັກກອມມູນິດອິນດູຈີນ ແລະ ມູນເຊື້ອພິ ລະອາດຫານຂອງວິລະບູລຸດລາວທີ່ຍອມເສຍສະຫຼະຊີວິດ ເພື່ອຊາດ, ເປັນຕົວແທນອັນແທ້ຈິງຂອງຊົນຊັ້ນກຳມະກອນ ແລະ ຊາວຜູ້ອອກແຮງງານ, ເດັດດ່ຽວປົກປ້ອງສິດ ແລະຜົນ ປະໂຫຍດອັນຊອບທຳຂອງທຸກຊັ້ນຄົນ; ຖືເອົາການຮັບໃຊ້ປະເທດຊາດ-ຮັບໃຊ້ປະຊາຊົນເປັນທິດນຳໃຫ້ແກ່ທຸກການກະທຳຂອງ ຕົນ.

   ພັກປະຊາຊົນ ປະຕິວັດລາວ ໃນນາມເປັນພັກໜຶ່ງທີ່ໄດ້ສືບທອດຈາກພັກກອມມູນິດອິນດູຈີນຍາມໃດກໍເປັນພັກທີ່ຈົງຮັກພັກດີ, ມີ ຄວາມບໍລິສຸດຜຸດຜ່ອງດັ່ງກ່າວຢ່າງສຸຊຶ້ງ; ເປັນເຈົ້າການເສີມຂະຫຍາຍ ແລະ ປະດິດສ້າງເຂົ້າໃນການກໍ່ສ້າງພັກຂອງຕົນ ເພື່ອ ຍົກບົດບາດນຳພາການປະຕິວັດຂອງຊາດຕົນໄປເຖິງອຸດົມການອັນສູງສົ່ງທີ່ພັກ ແລະ ປະຊາຊົນໄດ້ກຳນົດເອົາໄວ້.