ປະທານ ສຸພານຸວົງ ແມ່ນຜູ້ທີ່ມີຄວາມຕື່ນຕົວຮັກຊາດ ແລະ ເຮັດການປະຕິວັດ

ເນື່ອງໃນອກາດວັນຄ້າຍວັນເກີດຂອງປະທານ ສຸພານຸວົງ ຄົບຮອບ 105 ປີ ວັນທີ 13/7/1909-13/7/2014 

-ຄັດຈາກບົດສໍາມະນາຂອງ ດຣ. ຫວຽນຫວຽດທົງ ກ່ຽວກັບພາລະກິດປະຕິວັດຂອງປະທານ ສຸພານຸວົງ ໃນໂອກາດວັນເກີດ ຄົບຮອບ 95 ປີ 

ໂດຍ : ກ. ເຊ່ຍຢິ້ງຢາງ 

(ຕໍ່ຈາກສະບັບກ່ອນ) 

ພາຍຫຼັງການປະຕິວັດເດືອນ ສິງຫາ ຢູ່ຫວຽດນາມ ໄດ້ຮັບຜົນສຳເລັດ, ປະທານ ສຸພານຸວົງ ໄດ້ພົບປະໂອ້ລົມ ແລກປ່ຽນຄວາມຄິດຄວາມເຫັນກັບປະທານ ໂຮ່ຈິມິນ. ການພົບປະດັ່ງກ່າວໄດ້ສ້າງຄວາມປະທັບໃຈ ອັນເລິກ

ເຊິ່ງໃນຊີວິດແຫ່ງການເຄື່ອນໄຫວປະຕິວັດຂອງເພິ່ນ ສະແດງອອກໃນການຕອບສຳພາດຂອງນັກໜັງສືພິມໂປ ໂລຍ (ໂວຍເຊັກຊຸກ ຮາວສະກີ), ປະທານ ສຸພານຸວົງ ກໍໄດ້ຢືນຢັນວ່າ: “ຍ້ອນໄດ້ມີໂອ ກາດພົບກັບປະທານ ໂຮ່ຈິມິນ ຢູ່ທີ່ຮ່າໂນ້ຍ ແລະ ໄດ້ຮຽນຮູ້ ນຳເພິ່ນຫຼາຍບັນຫາ, ໄດ້ເຂົ້າຮ່ວມການລຸກຮື້ຂຶ້ນ ເດືອນສິງຫາ ຕ້ານ ພວກຍີ່ປຸ່ນຜູ້ຮຸກຮານ. ຂ້າພະເຈົ້າຮູ້ວ່າ ປະຊາຊົນຮ່າໂນ້ຍໄດ້ພ້ອມໃຈກັນສາມັກຄີເປັນຂະບວນມະຫາຊົນທີ່ກວ້າງ ຂວາງຍາດເອົາໄຊຊະນະມາໄດ້ເຮັດໃຫ້ທຸກໆເລື່ອງໄດ້ກາຍເປັນອັນຈະແຈ້ງ ແລະ ເຂົ້າໃຈງ່າຍສຳລັບຂ້າ ພະເຈົ້າ. ຈາກ ນັ້ນຂ້າພະເຈົ້າກໍກັບຄືນປະ ເທດ ເພື່ອນຳພາການຕໍ່ສູ້ປົດປ່ອຍປະຊາຊົນລາວ”.

ດັ່ງນັ້ນພວກເຮົາອາດເຫັນໄດ້ຈະແຈ້ງວ່າ ບັນດາປັດໄຈຕົ້ນຕໍທີ່ສົ່ງຜົນສະທ້ອນເຖິງ ການຫັນປ່ຽນໃນວິວັດ ແຫ່ງການເຄື່ອນໄຫວປະຕິວັດຂອງປະທານ ສຸພານຸວົງ ແມ່ນເລີ່ມຈາກຈິດໃຈຮັກຊາດ, ຮັກບ້ານ ເກີດເມືອງ ນອນ ເພື່ອເຂົ້າສູ່ການປະຕິວັດໄປນຳລັດທິກອມມູນິດ, ຍ້ອນປັດໄຈຂອງຊາດ ແລະ ຍຸກສະໄໝ ບວກກັບຄຸນ ລັກສະນະສ່ວນຕົວມີຈິດໃຈກ້າແກ່ນ, ນ້ຳໃຈຮັກຊາດອັນດູດດື່ມ ແລະ ສູງສົ່ງຂອງປະທານ ສຸພານຸວົງ ຊຶ່ງຕະ ຫຼອດຊີວິດຂອງເພິ່ນແມ່ນຕໍ່ສູ້ ເພື່ອເອກະລາດ ແລະ ອິດສະລະພາບຂອງປະເທດລາວ ເພື່ອຄວາມ ສົມບູນພູນ ສຸກ, ການກິນອີ່ມນຸ່ງອຸ່ນ ແລະ ການໄດ້ຮ່ຳຮຽນຂອງປະຊາຊົນລາວບັນດາເຜົ່າ.  ປະທານ ສຸພານຸວົງ ແມ່ນຕົວ ແທນຂອງລັດທີ່ຮັກຊາດຂອງປວງຊົນລາວທັງຊາດ ເພິ່ນໄດ້ສະລະຖານະເຊື້ອເຈົ້າຂອງຕົນ ເອົາຊີວິດຂອງຕົນ ເຈືອຈານໃກ້ຊິດຕິດແໜ້ນກັບຊີວິດຂອງປະຊາຊົນລາວບັນດາເຜົ່າ, ພ້ອມກັບປະຊາຊົນລາວບັນດາເຜົ່າ, ບັນດາ ຊັ້ນຄົນດຳເນີນການຕໍ່ສູ້ເພື່ອຄວາມເປັນເອກະລາດ, ອິດສະລະພາບແຫ່ງຊາດ ແລະ ເພື່ອລັດທິສັງຄົມນິຍົມ ນີ້ເປັນເລື່ອງແປກປະຫຼາດທີ່ຫາຍາກຢູ່ໃນໂລກ.