ປະທານ ສຸພານຸວົງ ກັບການກໍ່ສ້າງຮຸ່ນຄົນສືບທອດ

ເນື່ອງໃນອກາດວັນຄ້າຍວັນເກີດຂອງປະທານ ສຸພານຸວົງ ຄົບຮອບ 105 ປີ ວັນທີ 13/7/1909-13/7/2014 

ໂດຍ ກ. ເຊ່ຍຢິ້ງຢາງ

 (ຕໍ່ຈາກສະບັບກ່ອນ)

ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງວຽກງານ. ມະຕິດັ່ງກ່າວປີ 1986 ໂຮງຮຽນອຸດົມຫຼັງ ທຳອິດຂອງ ເຂດປົດປ່ອຍໄດ້ເປີດຂຶ້ນ ແລະ ໃນມື້ໄຂສົກຮຽນນັ້ນ ປະທານ ສຸພານຸວົງ ໄດ້ໃຫ້ຄຳໂອວາດ ຕັກເຕືອນວ່າ: “ພວກຫຼານ ຕ້ອງ ຮຽນໃຫ້ເກັ່ງ ເສັງໃຫ້ໄດ້, ນຳໃຊ້ ໃຫ້ເປັນ”.

 

ໃຕ້ຮົ່ມທຸງຂອງແນວລາຮັກຊາດ ຊຶ່ງພັກປະຊາຊົນ ປະຕິວັດລາວເປັນແກນນຳນັ້ນອົງ ການຈັດຕັ້ງຂອງຊາວ ໜຸ່ມໄດ້ຮັບການສ້າງຕັ້ງຂຶ້ນໃນວັນທີ 14 ເມສາ 1955 ແລະ ອົງການຈັດຕັ້ງເຍົາວະຊົນທັນວາ ກໍໄດ້ຮັບ ການສ້າງຕັ້ງຂຶ້ນໃນ ວັນທີ 2 ທັນວາ 1955 ຊຶ່ງບັນ ດາອົງການຈັດຕັ້ງດັ່ງກ່າວນັ້ນ ແມ່ນໄດ້ຮັບການຊີ້ນຳ-ນຳພາເບິ່ງແຍງຈາກສູນກາງແນວລາວຮັກຊາດ ແລະ ໄດ້ເສີມ ຂະຫຍາຍບົດບາດເຕົ້າໂຮມ ຂົນຂວາຍກຳລັງ ຢ່າງກວ້າງຂວາງ, ຊາວໜຸ່ມແຕ່ເໜືອຮອດໃຕ້ໄດ້ ສະລະຄອບຄົວເຂົ້າເປັນກຳລັງ ປະກອບອາວຸດປະຕິວັດນັບມື້ ນັບຫຼາຍຂຶ້ນ ເພື່ອເສີມຂະຫຍາຍກຳລັງແຮງປະຕິວັດຂອງຊາວໜຸ່ມໃຫ້ຂຶ້ນສູ່ກະແສສູງ, ນຳເອົາກຳລັງຊາວໜຸ່ມເປັນ ກໍາລັງປະຈັນບານ ກຽມພ້ອມຕີເອົາຊະນະກັບຈັກກະພັດຜູ້ຮຸກຮານນັ້ນ ປະທານ ສຸພານຸວົງ ໄດ້ໂອ້ ລົມກັບຊາວ ໜຸ່ມໃນກອງປະ ຊຸມຂອງຊາວໜຸ່ມອ້ອມຂ້າງ ສູນກາງ ໃນຕົ້ນປີ 1970 ທີ່ຖ້ຳ ຊ້າງລອດ ເມືອງວຽງໄຊ ແຂວງ ຫົວພັນ,  ເພິ່ນໄດ້ກ່າວຕັກເຕືອນໃຫ້ຊາວໜຸ່ມຕ້ອງມີອຸດົມຄະຕິປະຕິວັດ, ຝຶກຝົນຫຼໍ່ຫຼອມຕົນ ເອງທາງດ້ານຄຸນ ສົມບັດ ແລະ ຄວາມສາມາດ, ຕ້ານແນວຄິດ ຂີ້ຄ້ານມັກງ່າຍ, ແນວຄິດມັກ ສະຫງົບສຸກສ່ວນຕົວ ຫຼື ໝົດ ຫວັງ. ຈາກນັ້ນມາ ຈຶ່ງເຮັດໃຫ້ ຂະບວນການແຂ່ງຂັນຂອງຊາວ ໜຸ່ມຟົດຟື້ນຂຶ້ນ, ຊາວໜຸ່ມຢູ່ ຕາມສຳນັກງານ ອົງການ, ກົມກອງສູ້ຮົບຕ່າງໆໄດ້ຫ້າວຫັນປະຕິບັດຄຳຂວັນຂອງຕົນຄື: “ບ່ອນໃດຍາກຊາວໜຸ່ມບຸກ ບ່ອນໃດ ທຸກ ຊາວໜຸ່ມຕ້ອງ ຜ່ານບ່ອນໃດຊາດຕ້ອງການ ຊາວໜຸ່ມຂັນອາສາ”. ການປົດປ່ອຍຊາດໄດ້ສຳ ເລັດລົງ, ປະເທດສາທາລະນະລັດ ປະຊາທິປະໄຕ ປະຊາຊົນລາວ ໄດ້ຮັບການສ້າງຕັ້ງຂຶ້ນ ໃນວັນທີ 2 ທັນວາ ປີ 1975. ໂດຍຮັບຮູ້ ແລະ ເຂົ້າໃຈແຈ້ງ ຄວາມຮຽກຮ້ອງຕ້ອງການໃນ ການສ້າງຄົນຮຸ່ນໃໝ່ແຕ່ຍັງ ເຍົາໄວ ເພື່ອໃຫ້ກາຍເປັນຜູ້ ສືບທອດປະຕິວັດນັ້ນ ປະທານ ສຸພານຸວົງ ໃນນາມປະທານປະ ເທດ ແຫ່ງ ສປປ ລາວ ໄດ້ເຫັນ ດີໃຫ້ນຳໃຊ້ຄຳສອນ 6 ຮັກ, 3 ຊັງ ເປັນເນື້ອໃນຄຳສອນ ສຳ ລັບເດັກ, ດັ່ງນັ້ນ ໃນໂອກາດ ສະເຫຼີມສະຫຼອງວັນທີ 1/6/ 1977 ປະທານ ສຸພານຸວົງ ໄດ້ຕັກເຕືອນພວກຫຼານນ້ອຍ ໂດຍຜ່ານໜັງສືພິມວ່າ: ພວກ ຫຼານເຍົາວະຊົນ ຕ້ອງຝຶກຝົນ ຕົນເອງ ຕາມຄຳສອນ 6 ຮັກ ຄື: ຮັກປະເທດຊາດ, ຮັກບັນ ດາທ່ານຜູ້ນຳຂອງພັກ-ລັດ, ຮັກການອອກແຮງງານ, ຮັກການຮ່ຳຮຽນ ແລະ ຄວາມກ້າວ ໜ້າ, ຮັກລະບຽບ ວິໄນ, ຮັກ ຄວາມສະອາດ ແລະ ຮັກແພງ ເຄື່ອງຂອງສ່ວນລວມ, 3 ຊັງ ແມ່ນ ຊັງສັດຕູຂອງຊາດ, ຊັງ ຄວາມເປິເປື້ອນ ແລະ ຄວາມຂີ້ຄ້ານ ເພື່ອໃຫ້ສົມເປັນເດັກ ໃນອະນາຄົດຂອງຊາດລາວ ສັງຄົມນິຍົມ. ຈາກນັ້ນມາຄຳ ສອນດັ່ງກ່າວໄດ້ກາຍເປັນເນື້ອໃນສຶກສາອົບຮົມສຳລັບເຍົາວະຊົນ ແລະ ເດັກນ້ອຍທົ່ວໄປ, ກາຍເປັນຄວາມຮຽກຮ້ອງຕ້ອງການ, ການປະພຶດຂອງເດັກນ້ອຍຍັງຊີ້ບອກໃຫ້ຜູ້ໃຫຍ່ຕ້ອງ ໄດ້ເອົາໃຈໃສ່ດູແລ ບິ່ງແຍງ ເພື່ອສ້າງໃຫ້ເຂົາເຈົ້າກາຍເປັນຜູ້ສືບທອດພາລະກິດຂອງຊາດຕໍ່ໄປ.