ປະທານ ສຸພານຸວົງ ກັບການກໍ່ສ້າງຮຸ່ນຄົນສືບທອດ

ເນື່ອງໃນອກາດວັນຄ້າຍວັນເກີດຂອງປະທານ ສຸພານຸວົງ ຄົບຮອບ 105 ປີ ວັນທີ 13/7/1909-13/7/2014 

ໂດຍ ກ. ເຊ່ຍຢິ້ງຢາງ

( ຕໍ່ຈາກສະບັບກ່ອນ )

ຊີວິດ ແລະ ການເຄື່ອນໄຫວຕໍ່ ສູ້ປະຕິວັດຂອງເພິ່ນທັງໝົດ ນັ້ນໄດ້ສ່ອງແສງໃຫ້ເຫັນຢ່າງ ຈະແຈ້ງເຖິງທາດແທ້ຂອງນັກ ຕໍ່ສູ້ປະຕິວັດຜູ້ຮາກຊາດຢ່າງ ດູດດື່ມ ແລະ ມັນໄດ້ກາຍເປັນ ມູນເຊື້ອ ແລະ ອຸດົມການອັນ ປະເສີດເລີດລ້ຳໃຫ້ແກ່ຄົນຮຸ່ນ ຫຼັງໄດ້ສືບທອດຕໍ່ໆກັນໄປ.

 

ດັ່ງທີ່ພວກເຮົາໄດ້ຮັບຮູ້ນຳ ກັນແລ້ວວ່າ: ປະທານ ສຸພານຸວົງ ກຳເນີດຢູ່ໃນເຊື້ອລາດຊະວົງ  ທີ່ມີຍົດຖາບັນດາສັກອັນສູງສົ່ງ ຊຶ່ງໄດ້ຮັບການເບິ່ງແຍງລ້ຽງດູ ເປັນຢ່າງດີ, ໄດ້ຮັບການສຶກສາ ຮ່ຳຮຽນໃຫ້ມີຄວາມຮູ້ຄວາມ ສາມາດ. ເງື່ອນໄຂ ແລະ ສິ່ງ ແວດລ້ອມທີ່ເອື້ອອຳນວຍຄື ແນວນັ້ນ ຄວນຈະເປັນເສັ້ນທາງ ໃຫ້ ປະທານ ສຸພານຸວົງ ກາຍ ເປັນຂຸນນາງ ຫຼື ຕຳແໜ່ງໃດ ໜຶ່ງຂອງກົງຈັກປົກຄອງສັກດີ ນາ, ແຕ່ຊີວິດ ແລະ ການເຄື່ອນ ໄຫວຕົວຈິງຂອງເພິ່ນໄດ້ແຫກ ກົດມົນທຽນບານ, ໄດ້ປ່ຽນປີ້ນ ຖານະຊົນຊັ້ນ, ຫັນປ່ຽນແນວ ຄິດກໍຄືແບບແຜນດຳລົງຊີວິດ ຂອງເພິ່ນຢ່າງສິ້ນເຊີງ ຈາກເຊື້ອ ກະສັດຂອງອານາຈັກລາວ ລ້ານຊ້າງ ມາເປັນສາມັນຊົນຜູ້ ຮ່ວມທຸກ, ຮ່ວມສຸກ, ຮ່ວມຕໍ່ສູ້ ກັບປະຊາຊົນ ເພື່ອເອກະລາດ ແຫ່ງຊາດ ຈົນກາຍເປັນຕົ້ນ ແບບສະບັບຂອງນັກຕໍ່ສູ້ປະຕິ ວັດຜູ້ຮັກຊາດທີ່ຍິ່ງໃຫຍ່ອັນໄດ້ ເຮັດໃຫ້ນັກຕໍ່ສູ້ຊາວຝຣັ່ງ ແລະ ຫຼາຍປະເທດໃນໂລກໃຫ້ສັນ ຍານາມວ່າ: “ເຈົ້າຊາຍແດງ  ຫຼື ເຈົ້າຊາຍດາວແດງ”, ມີຫຼາຍ ໄລຍະ ແລະ ຫຼາຍເຫດການ ຕໍ່ສູ້ຂອງເພິ່ນທີ່ໄດ້ສະສົມໄວ້ ເປັນມູນເຊື້ອໃຫ້ຊາວໜຸ່ມກໍຄື ຄົນຮຸ່ນຫຼັງໄດ້ສຶກສາຄົ້ນຄ້ວາ ຮ່ຳຮຽນເອົາເປັນແບບຢ່າງເພື່ອ ກໍ່ສ້າງຕົນເອງ.

ໃນໄລຍະສົງຄາມຕໍ່ສູ້ກູ້ ຊາດອັນດຸເດືອດນັ້ນ, ສູນກາງ ແນວລາວຮັກຊາດ ຊຶ່ງແມ່ນ ປະທານ ສຸພານຸວົງ ເປັນຜູ້ນຳ ໜ້ານັ້ນ ເພິ່ນໄດ້ຮ່ວມກັບໝູ່ຄະ ນະສ້າງນະໂຍບາຍການສຶກ ສາ, ສາທາລະນະສຸກໃນທຸກ ທ້ອງຖິ່ນທີ່ໄດ້ຮັບການປົດປ່ອຍ. ສ້າງໂຮງຮຽນກິນນອນ, ສ້າງ ໂຮງຮຽນນ້ອງນ້ອຍ, ໂຮງຮຽນ ຊົນເຜົ່າຫຼາຍແຫ່ງ, ເອົາໃຈໃສ່ ກໍ່ສ້າງພະນັກງານຈາກຖັນແຖວ ຊາວໜຸ່ມ. ດັ່ງນັ້ນໃນມະຕິຄັ້ງ ທີ 16 ສະໄໝທີ I ຂອງສູນກາງ ພັກໄດ້ເວົ້າວ່າ: “ຕ້ອງມີແຜນ ການກໍ່ສ້າງພະນັກງານໃໝ່, ພະນັກງານໜຸ່ມນ້ອຍເປັນຊຸດໆ

 (ອ່ານຕໍ່ສະບັບໜ້າ)