ປະທານ ສຸພານຸວົງ ກັບການກໍ່ສ້າງຮຸ່ນຄົນສືບທອດ

ເນື່ອງໃນອກາດວັນຄ້າຍວັນເກີດຂອງປະທານ ສຸພານຸວົງ ຄົບຮອບ 105 ປີ ວັນທີ 13/7/1909-13/7/2014 

ໂດຍ ກ. ເຊ່ຍຢິ້ງຢາງ

ເພື່ອຜົນສຳເລັດໃນການ ກໍ່ສ້າງປະເທດສັງຄົມນິຍົມ, ບັນດານັກປະຕິວັດຜູ້ຍິ່ງໃຫຍ່, ຜູ້ກໍ່ຕັ້ງ ແລະ ເສີມຂະຫຍາຍ ລັດທິມາກ-ເລນິນ ຍາມໃດກໍ ລ້ວນແຕ່ໄດ້ໃຫ້ຄວາມສຳຄັນ ໃນການກໍ່ສ້າງຮຸ່ນຄົນສືບທອດ ເພາະມັນພົວພັນໂດຍກົງເຖິງ ຊະຕາກຳ ແລະ ອະນາຄົດ ຂອງການປະຕິວັດ; ແມ່ນແຕ່ ທ່ານ ປະທານ ໂຮ່ຈິມິນ ຜູ້ນຳ ທີ່ຍິ່ງໃຫຍ່ຂອງພັກກອມມູນິດ ແລະ ປະຊາຊົນຫວຽດນາມກໍ ຍັງເຄີຍໄດ້ສັ່ງສອນໄວ້ວ່າ: “ເພື່ອ ຜົນປະໂຫຍດ 10 ປີໃຫ້ປູກ ຕົ້ນໄມ້ ເພື່ອຜົນ 100 ປີໃຫ້ ສ້າງຄົນ”.

 

ພັກ ປະຊາຊົນ ປະຕິວັດ ລາວ ບໍ່ວ່າຈະຢູ່ໃນສະໄໝຕໍ່ສູ້ ປົດປ່ອຍຊາດຕ້ານລັດທິລ່າ ເມືອງຂຶ້ນແບບເກົ່າ ແລະ ໃໝ່ ກໍຄືຍຸກສະໄໝແຫ່ງການປົກ ປັກຮັກສາ ແລະ ສ້າງສາປະ ເທດຊາດກໍໄດ້ເອົາໃຈໃສ່ແຕ່ ຫົວທີ ໃນການກໍ່ສ້າງຄົນຮຸ່ນໜຸ່ມ ເພື່ອສືບທອດພາລະກິດ ແລະ ອຸດົມການຂອງພັກໃຫ້ໝັ້ນຄົງ ຍາວນານຕະຫຼອດໄປ. ດັ່ງນັ້ນ ນັບແຕ່ພັກໄດ້ຮັບການສ້າງ ຕັ້ງຂຶ້ນມາໃນວັນທີ 22 ມີນາ 1955; ຈາກນັ້ນມາບໍ່ພໍເທົ່າ ໃດວັນ ພັກກໍໄດ້ປະກາດສ້າງ ຕັ້ງອົງການຈັດຕັ້ງຊາວໜຸ່ມຂຶ້ນ ມາໃນວັນທີ 14/4/1955 ແລະ ກໍຢູ່ໃນໄລຍະປີດຽວກັນ ພັກໄດ້ ຕົກລົງສ້າງຕັ້ງອົງການເຍົາວະ ຊົນຂຶ້ນມາອີກ, ຊຶ່ງທັງໝົດນັ້ນ ແນໃສ່ສ້າງຊາວໜຸ່ມ, ເຍົາວະ ຊົນໃຫ້ກາຍເປັນຮຸ່ນຄົນສືບທອດ ທີ່ຈົງຮັກພັກດີຕໍ່ອຸດົມການຂອງ ພັກ.

ຈາກການກໍ່ສ້າງຮຸ່ນຄົນນີ້ ຫາຮຸ່ນຄົນຕໍ່ໆໄປ ຈຶ່ງເຮັດໃຫ້ ກຳລັງປະຕິວັດຂອງພັກເຮົາບໍ່ ມີວັນບົກແຫ້ງຈັກເທື່ອ ແລະ ຈາກການຕໍ່ສູ້ຂອງຮຸ່ນຄົນນີ້ ຫາຮຸ່ນຄົນສືບທອດນັ້ນເຖິງວ່າ ພາລະກິດການປະຕິວັດຂອງ ພັກເຮົາຈະຫຍຸ້ງຍາກລຳບາກ ຍືດເຍື້ອຍາວນານປານໃດກໍ ຕາມ, ສຸດທ້າຍກໍສາມາດກ້າວ ໄປສູ່ເປົ້າໝາຍແຫ່ງໄຊຊະນະ ຕະຫຼອດມາ.

ປະທານ ສຸພານຸວົງ ກໍແມ່ນ ຮຸ່ນຄົນສືບທອດຮຸ່ນທຳອິດຂອງ ນັກຕໍ່ສູ້ປະຕິວັດລາວຜູ້ ຊຶ່ງເຄີຍ ໄດ້ຮັບການສຶກສາອົບຮົມຈາກ ພັກກອມມູນິດອິນດູຈີນໃນເມື່ອ ກ່ອນ ໂດຍສະເພາະແມ່ນການ ສືບທອດເອົາແນວຄິດ ແລະ ອຸ ດົມການອັນຍິ່ງໃຫຍ່ຂອງປະ ທານ ໂຮ່ຈິມິນ ບວກໃສ່ພຶດຕິ ກຳຂອງການເຄື່ອນໄຫວຕໍ່ສູ້ ປະຕິວັດ ຈຶ່ງເຮັດໃຫ້ເພິ່ນມີ ການຫັນປ່ຽນຈາກຊີວິດນັກ ຮຽນຮູ້ປັນຍາຊົນຈາກແນວຄິດ ສັກດີນາກາຍມາເປັນນັກຕໍ່ສູ້ ປະຕິວັດທີ່ຍິ່ງໃຫຍ່ຜູ້ໜຶ່ງໃນ ຜືນແຜ່ນດິນລາວ. 

 (ອ່ານຕໍ່ສະບັບໜ້າ)