ຕັ້ງໜ້າກໍ່ສ້າງພັກໃຫ້ສົມຄູ່ກັບໜ້າທີການເມືອງ-ແນວຄິດໃນໄລຍະໃໝ່

 ພັກປະຊາຊົນປະຕິວັດລາວສາມາດເຮັດສຳເລັດທຸກໜ້າທີ່ອັນໜັກໜ່ວງທີ່ຊາດ ແລະ ປະຊາຊົນມອບໝາຍໃຫ້ນັ້ນກໍຍ້ອນວ່າ:ພັກເຮົາໄດ້ຢຶດໝັ້ນໃຫ້ທັດສະນະຊົນຊັ້ນ ແລະທັດສະນະປະຕິວັດຢ່າງສະເໝີ ຕົ້ນສະເໝີປາຍ ຕໍ່ສູ້ເພື່ອຄວາມ ເປັນເອກະລາດ ແລະຄວາມຮັ່ງມີເຂັ້ມແຂງຂອງປະເທດຊາດ ເພື່ອອິດສະລະພາບແລະ ຄວາມສີວິໄລຜາສຸກຂອງປະຊາຊົນ.

ພັກເຮົາຍາມໃດກໍຕັ້ງໜ້າປັບປຸງຕົນເອງໂດຍຢຶດໝັ້ນຢູ່ໃນຫຼັກການ ແລະຈຸດໝາຍຍຸດທະສາດຂອງພັກ, ບູ ລະນະແນວທາງໃຫ້ສອດຄ່ອງກັບການປ່ຽນແປງຂອງສະຖານະການແຕ່ລະໄລຍະ, ພັກເຮົາຍາມໃດກໍຢຶດໝັ້ນໃນຄວາມ ສາມັກຄີເປັນເອກະພາບ, ປະຕິບັດຫຼັກການລວມສູນປະຊາທິປະໄຕຢ່າງເຂັ້ມງວດ, ຕ້ານລັດທິເອກະຊົນ ແລະ ພວກທີ່ບໍ່ຫວັງດີ ສວຍໂອກາດ ທຸກຮູບແບບ, ພັກເຮົາ ຍາມໃດກໍເດີນຕາມແນວທາງມະຫາຊົນ, ສະ ໜິດຕິດພັນກັບມະຫາຊົນ, ມາ ຈາກປະຊາຊົນ ແລະ ເພື່ອປະ ຊາຊົນ, ພັກເຮົາຍາມໃດກໍຮູ້ສົມທົບລັດທິຮັກຊາດທີ່ແທ້ຈິງ ກັບລັດທິສາກົນອັນຜ່ອງໃສ, ຮູ້ຮ່ວມມືກັບສາກົນແບບສາຍພິ ເສດ, ແບບຍຸດທະສາດຮອບ ດ້ານ ແລະອື່ນໆ...ຖືເອົາລັດທິມາກ-ເລນິນ ເປັນຫຼັກການ ພື້ນຖານ ໃນການປັບປຸງກໍ່ສ້າງ ພັກໃນແຕ່ລະໄລຍະ.

    ນັບແຕ່ມື້ພັກເຮົາໄດ້ກຳ ເນີດຂຶ້ນມາ, ພັກໄດ້ເອົາໃຈໃສ່ກໍ່ສ້າງ ແລະປັບປຸງສະມາຊິກ ພັກ ແລະ ພະນັກງານ-ລັດຖະ ກອນມາໂດຍຕະຫຼອດ. ໃນເມື່ອກ່ອນ ການເຄື່ອນໄຫວນຳ ພາຂອງພັກແມ່ນແບບປິດລັບ, ເພາະເນື້ອໃນຕົ້ນຕໍຂອງການນຳພາໃນເວລານັ້ນແມ່ນປຸກລະດົມຂົນຂວາຍປະຊາຊົນບັນດາເຜົ່າໃຫ້ມີຈິດໃຈຮັກຊາດຄຽດແຄ້ນຕໍ່ສັດຕູຜູ້ທີ່ຮຸກຮານປະເທດຊາດເພື່ອປະກອບສ່ວນ

ເຂົ້າໃນການປະຕິວັດປົດປ່ອຍປະເທດຊາດອອກຈາກເປັນຫົວເມືອງຂຶ້ນຂອງຈັກກະພັດຕ່າງດ້າວທຸກໆໂຕ.

    ພາຍຫຼັງປະເທດຊາດໄດ້ ຮັບການປົດປ່ອຍຢ່າງສົມບູນ, ພັກໄດ້ກາຍເປັນພັກກຳອຳ ນາດ, ພັກໄດ້ປ່ຽນຮູບການເຄື່ອນ ໄຫວຈາກແບບປິດລັບມາສູ່ການເຄື່ອນໄຫວແບບເປີດເຜີຍຈາກວົງແຄບດ້ານໃດດ້ານໜຶ່ງ ມານຳພາຮອບດ້ານທັງໝົດໃນທົ່ວສັງຄົມ.ປະຈຸບັນນີ້ ພັກໄດ້ ເປັນແກນນຳໃນລະບົບການ ເມືອງຂອງປະເທດເຮົາຊຶ່ງ ການນຳພາດັ່ງກ່າວແມ່ນພາ ລະກຳປະຫວັດສາດ ແລະ ທັງແມ່ນຄວາມໄວ້ເນື້ອເຊື່ອໃຈ ຂອງປະຊາຊົນບັນດາເຜົ່າທີ່ມີ ຕໍ່ກັບພັກ.

    ຕີລາຄາແບ່ງປະເພດຄຸນ ນະພາບຂອງສະມາຊິກພັກໂດຍອີງໃສ່ປະສິດທິຜົນຕົວຈິງ ຂອງໜ້າທີ່ວຽກງານທີ່ໄດ້ຮັບ ການມອບໝາຍ ແລະ ການປະຕິບັດກົດລະບຽບຂອງພັກ ບົນພື້ນຖານບຳລຸງຍົກລະດັບ ແລະ ການກໍ່ສ້າງ ແຕ່ລະປະເພດສະມາຊິກພັກ. ໃຫ້ມີຄຸນ ທາດທາງດ້ານການເມືອງດີ ແລະ ມີຄວາມຮູ້ຄວາມສາ ມາດ; ສະມາຊິກພັກ ທີ່ມີຄວາມຈຳກັດທາງດ້ານວິຊາ ສະເພາະ, ມີຄວາມຫຍຸ້ງຍາກທາງດ້ານຄອບຄົວ ແລະ ມີສຸ ຂະພາບອ່ອນເພຍ ການຈັດຕັ້ງພັກຕ້ອງເອົາໃຈໃສ່ຊ່ວຍເຫຼືອ. ເດັດດ່ຽວເອົາສະມາຊິກພັກຜູ້ທີ່ບໍ່ໄດ້ມາດຖານອອກຈາກພັກໂດຍສະເພາະ ຜູ້ມີບັນຫາທາງ ດ້ານການເມືອງ, ຜູ້ທີ່ສວຍໂອ ກາດ, ບໍ່ປະຕິບັດລະບຽບພັກ, ສໍ້ລາດບັງຫຼວງ, ກິນສິນບົນ ແລະອື່ນໆ...

    ໃນການຂະຫຍາຍພັກ ໃຫ້ຖືກຕ້ອງກັບຫຼັກການ ແລະເງື່ອນໄຂຄົບຖ້ວນໂດຍຖືເອົາ ຄຸນນະພາບເປັນຕົ້ນຕໍຕ້ອງຂະ ຫຍາຍເອົາບຸກຄົນທີ່ພົ້ນເດັ່ນ ໃນຂະບວນການຕົວຈິງ, ບຸກ ຄົນດັ່ງນັ້ນ ຕ້ອງຜ່ານມະຫາຊົນ, ໂດຍມະຫາຊົນເປັນຜູ້ຝຶກຝົນຫຼໍ່ຫຼອມ ແລະ ຕ້ອງເປັນບຸກຄົນທີ່ມີຄຸນສົມບັດສິນທຳ, ມີ ນ້ຳໃຈຮັກຊາດ, ຮັກລະບອບ ໃໝ່, ມີຈິດໃຈເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມ ແຂງດ້ວຍຕົນເອງ.

    ໃນໂອກາດລະນຶກວັນ ສ້າງຕັ້ງພັກ ຄົບຮອບ 59 ປີ; ບັນດາພະນັກງານສະມາຊິກ ພັກ ທຸກໆຄົນ ຍິ່ງຈະຕ້ອງໄດ້ສຶກສາຮ່ຳຮຽນເອົາມູນເຊື້ອອັນດີງາມດັ່ງກ່າວ ແລະ ເດັດດ່ຽວ ຢຶດຖືອຸດົມການອັນສູງສົ່ງຂອງພັກດ້ວຍການກະທຳຕົວຈິງ ເພີ່ມທະວີຄວາມສາມັກຄີ, ຮັບ ປະກັນຄວາມເປັນເອກະພາບ ແລະລັກສະນະນຳໜ້າຂອງຖັນແຖວພະນັກງານສະມາຊິກ ພັກ ໃນຕໍ່ໜ້ານີ້ແມ່ນເລັ່ງໃສ່ປັບປຸງກໍ່ສ້າງໜ່ວຍພັກ ໃຫ້ໜັກແໜ້ນເຂັ້ມແຂງ ແລະ ຮູ້ນຳພາຮອບດ້ານເພື່ອເຮັດໃຫ້ຈຸດ ໝາຍປາຍທາງຂອງພັກ ບັນລຸຜົນເປັນຈິງ ໃນແຕ່ລະບາດກ້າວເຮັດໃຫ້ແນວທາງປ່ຽນ ແປງໃໝ່ຂອງພັກ ດຳເນີນໄປ ຢ່າງຖືກທິດຖືກທາງແລະ ເພື່ອພັດທະນາແຜນເສດຖະກິດ- ສັງຄົມທີ່ກອງປະຊຸມໃຫຍ່ຄັ້ງທີ IX ຂອງພັກ ວາງອອກໃຫ້ສຳເລັດຜົນຢ່າງມີໄຊ.